هل تالته ثانوي ماده شطاره ولا ماده التزام و استمراريه
و هل هي سنه صعبه جدا زي مبيقولوا
وهل لازم اموت نفسي بجد علشان اطيب مجموع و كمان مش مضمون؟
السلام عليكم و رحمة الله و بركاته انا دفعة ٢٠٢٦ ، هي سنة مش صعبه خالص المجتمع كبر الموضوع خلاه ظاهر قدامك بصعوبة ف ده خلى عندك قلق و خوف ، و أنا فاكرة قبل مدخلها كنت ف نفس الإحساس ده و حد من دفعة ٢٠٢٥ قالي بردو نفس اللي بقوله ، يعني حابه أوصلك إن الأمر على كله ، كلنا كطلبة شايفين إن الناس هي اللي مكبرة الموضوع حتى الأهالي مكبرين الموضوع زياده ، برغم ان كلنا عارفين ان حتى اهالينا اشتغلو ف تخصصات غير اللي درسوها ف هو مش مستقبلك متوقف عليها ولا اي حاجه من الكلام ده تماماً. لو هنصحك نصيحة تعملها السنة دي ف أستغل فرصة إنك اغلب الوقت منشغل بالدراسة و حاول تدريجي تقلل سوشيال ميديا لحد متمسحها من حياتك و ده سهل تعمله ، انا بفضل الله عملته و ريحني كتير سواء في ثانوية عامة او دلوقتي ، لإنها بتظهر الموضوع أكبر من حجمه ف أي حاجه حتى الترندات اللي بتنزل بتبقا مكبرة مواضيع تافهه مش مستاهله حتى إن الناس تتكلم عليها ، ف تلقائي عقلك هيكبر أي موضوع و أي مشكلة بسبب تأثرك بالسوشيال ميديا و المحتوى التافه ثانوية عامة متحطهاش تحت مسمى معين ذي مادة إلتزام او مادة شطارة أو غيره ، لكل مسمى مش هتقدر تتقنه بشكل كبير و ده ممكن يحبطك متحطش مسمى حط خطط و بديل للخطط يعني مثلاً مش هتقدر تلتزم ١٠٠٪ أيام هتلتزم جدا و أيام هيبقا التزامك قل ل ٢٠٪ يبقا خطتك البديلة هي الإستمرارية و لو بكمية قليلة جداً مع الوقت همتك هترجع تاني هتلاقي نفسك رجعت للإلتزام و الطاقة ، بس مهم تستغل وقتك فيما يفيد مش بس ف دراسة ، أنت اكيد عارف إيه اللي بيفرحك ايه اللي بيرجعلك الطاقة دي ، سواء رياضة بتحبها او حتى بودكاست بتسمعه مش معنى إنك ف ثانوية عامه ف تحرم نفسك من ده ،خلي ده الشاحن اللي بتشحن بيه عشان يساعدك على المذاكرة ، لإن مفيش إنسان هيقدر يبذل طاقة كتير منغير مياخد. لو أنت مش من الناس اللي بتعرف تلتزم بجداول ف بردو أعملها، انا فاكرة إن عملت اكتر من ٢٥ جدول على مدار السنة ، و فضلت اعمل لحد مجيت ف الأخر التزمت على جدول الحمد لله و كان صعب جدا بس الفكرة كلها إن طول السنة انا عارفه انا رايحه فين و جايه منين ده ادالي إحساس بالاطمئنان، بيخليك عارف لو أنت مثلا اتعرض عليك سفرية كويسة هتغير فيها جو هتلاقي نفسك بتعوض دروس مكان دروس و مواد مكان مواد و بتاخد اليوم الأجازة بتاعك و تظبط عشان تلاقي وقت فاضي ليها ، و نفس الكلام راكمت درس ف أنت هتعرف من خلال الجدول هتعوضه امتى و هينفع تذاكره مع أنهي مادة ، ف مهم اوي اوي الجداول حتى لو مش هتلتزم بيها ، كفاية إنها بتحسسك إنك مش تايه. على كل حال إن شاء الله تحقق اللي بتتمناه و بالتوفيق يا بطل في رحلتك 🤍
تم النشر الأحد، ٩ أغسطس ٢٠٢٦
السلام عليكم، ثالثة ثانوي سنة دراسية زي أي سنة، هي أيوه مهمة لكن مش مصيرية بالدرجة اللي الناس متخيلاها وحولتها لعقدة في حياة الطلبة. الناس بتتخيل إنك لو مدخلتش كلية معينة أو نقصت في المجموع يبقى كده اتحكم على مصيرك بالفشل طول عمرك وده اللي بيعمل رعب للطلبة وبيخلي السنة جحيم عليهم وبيخليهم ينكسروا لما النتيجة تظهر بغير ما كانوا يتمنوا. *** السنة عاوزة مذاكرة واجتهاد أكيد لكن مش لدرجة تموت نفسك عشان تجيب مجموع. الالتزام والاستمرارية مع خطة متوازنة وواقعية تراعي فيها أوقات طاقتك وتركيزك ووجود فترات راحة وترويح عن النفس، مع المراجعة بانتظام وحل أسئلة كتير والتدرب على حل امتحانات (خاصة امتحانات السنوات السابقة)، مع أهم شيء الابتعاد عن القلق الشديد وضغوط التوقعات العالية خاصة من الأهل والأقارب. والأهم من ده كله، الاستعانة بالله سبحانه وتعالى وعدم التقصير في العبادات لأجل المذاكرة واليقين التام "إن الله لا يضيع أجر من أحسن عملا) وده كتير مش فاهمينه ومتخيلين إنه لو الواحد اجتهد ونقص في المجموع فكده ربنا ضيع جهده، وده غلط جدا، احنا بس مش شايفين الصورة الكلية ولا المستقبل فمش فاهمين إن ربنا فعلا مضيعش مجهوده لكنه وجهه للطريق اللي فيه الخير الأكبر له. ** ناس كتير اجتهدت لكن نقصت في النتيجة ودخلت كليات مكنتش عاوزاها أو جابت مجموع صادم بالنسبة لمستواها لكن في النهاية حققوا نجاحات كبيرة في الطريق اللي ربنا اختاره لهم أكتر من الطريق اللي هم كانوا مقررينه لنفسهم وبيحلموا به. ** فلو داخل ثانوية، ادخل بقلب مطمئن ويقين بالله وتأكد إنك مش مطلوب منك غير السعي ومتعلقش نفسك بنتيجة معينة أو كلية معينة، اعمل اللي عليك وأنت متأكد إن ربنا إن شاء الله هيكتب لك اللي فيه الخير. بالتوفيق إن شاء الله.
تم النشر الأربعاء، ٥ أغسطس ٢٠٢٦
تالتة ثانوي مش مادة "شطارة" بس، ولا مادة "التزام واستمرارية" بس، هي مزيج من الاتنين، لكن الجزء الأكبر فيها هو الالتزام والاستمرارية. الذكاء بيساعد طبعًا في فهم المواد بسرعة، لكن اللي بيفرق فعلاً هو اللي بيقدر يحافظ على روتين دراسي منتظم، يراجع بانتظام، ويحل مسائل كتير بدون ما يتعب نفسه لدرجة الإرهاق. كتير من الطلاب اللي مش "شطار" بالمعنى التقليدي بيحققوا مجاميع عالية بفضل الإصرار والتنظيم. السنة دي صعبة فعلاً، وده مش كلام مبالغ فيه، لأنها بتجمع ضغط الامتحانات النهائية مع مستقبل الجامعة، لكنها مش "رعب" مستحيل زي ما بيتقال. الصعوبة بتيجي من حجم المنهج والضغط النفسي، مش من إن المواد مستحيلة. لو قسمت المنهج على شهور السنة واستخدمت طرق دراسة ذكية زي حل الامتحانات السابقة ومراجعة الأخطاء، هتقدر تتعامل معاها بدون ما تحس إنك بتغرق. مش لازم "تموت نفسك" عشان تجيب مجموع عالي، وده مش مضمون حتى لو عملت كده. الجهد المستمر والمنظم أفضل بكتير من الإرهاق الشديد اللي ممكن يأثر على صحتك وتركيزك. ركز على خطة يومية واقعية، خصص وقت للراحة المناسبة، وتوكل على الله مع الجهد، لأن النتيجة في النهاية بيد ربنا. كتير من الطلاب نجحوا بمجموع كويس بدون ما يضحوا بصحتهم النفسية أو الجسدية. لو عايز أفكار أكتر عن طرق الدراسة المنظمة، ابحث عن أسئلة مشابهة على فدني عشان تشوف تجارب ناس تانية.
تم النشر الأربعاء، ٥ أغسطس ٢٠٢٦
حاضر
تم النشر الاثنين، ١٠ أغسطس ٢٠٢٦
انا لسة مخلصة وداخلة اهو اولى جامعه وبقولكم هى التزام استمرارية شكرا متروحش تجيب كتابين ف كل مادة من الاول شد ف الاخر وقت المراجعات النهائية واكيد ذاكر اول ب اول ولو راكمت جزئية صغيرة مش نهاية العالم بمعنى محدش يقعد يلوم نفسه وانو كده مش هوصل وغيرى احسن لان انت كده بتكبر العمل وبتأفور ذاكرها يا سيدى ومتفكرش كتير صلى على النبى بقى
تم النشر الأحد، ٩ أغسطس ٢٠٢٦
انا برضو داخلة تالتة ثانوي بس بالنسبة لي دي سنة التزام واجتهاد يعني هي ختام كل سنواتنا الي راحت في المدرسة فا لازم نجتهد فيها ونحاول نجيب مجموع خاصة انها بتحدد اي كلية رح ندخل.. بس برضو ما معناها اننا لو ماجبنا المجموع الي عازينيه يعني خلاص الدنيا تسكرت في وجهنا
تم النشر الجمعة، ٧ أغسطس ٢٠٢٦
بالتوفيق
تم النشر الاثنين، ١٠ أغسطس ٢٠٢٦
ادعي ربنا
تم النشر الاثنين، ١٠ أغسطس ٢٠٢٦
طب و الانجيليزي ده صعب ولا اى لان المدرس معقد الدنيا و بيخلينا نترجم كل كلمه و بيقعد يشرح تركيب كل كلمه و حجات كده مش عارف اشرحها و بيخلي الواحد يفقد الثقه فى نفسه و مبينلنا انها ماده معقده خالص
تم النشر الأحد، ٩ أغسطس ٢٠٢٦
صح
تم النشر الجمعة، ٧ أغسطس ٢٠٢٦
جزاكم الله خيرا 🌹❤️🩹
تم النشر الخميس، ٦ أغسطس ٢٠٢٦
سنه تحدد مستقبل ودا سر اهميتها/تتعب شويه هترتاح كتير والدنيا هتبقى اسهل /وطويله من بدايه الدروس فى شهر ٨ لحد الامتحانات فى شهر ٦/ عشان كدا الاستمراريه مطلوبه والتركيز الذهنى وطبعا لطول المده ممكن يحصل احباط او المجهود يقل ويحصل ضغط نفسى عشان كدا لازم يبقى فى اصرار ومثابره/مش صعبه بس كل درجه مهمه يعنى مش موضوع نجاح وبس/النجاح مضمون باذن الله بص فى معارفك هتلاقى ناس كانت كويسه وجابت اللى عايزاه اكيد /استعن بالله وابذل اقصى جهدك وربنا هيوفقك اكيد.
تم النشر الخميس، ٦ أغسطس ٢٠٢٦
لعرض السؤال في فدني اضغط هنا