عندي عقده من الإنجليزي، بحاول اتعلم لكن بفشل وبرجع تاني لنقطه الصفر عايز بجد اتعلم انجليزي هيفرق معايا كتير يمكن دي العقده الوحيده اللي في حياتي بقالي سنين كتير جدا بس بحس بيروح على الفاضي ..رغم تخرجي من سنتين وبرضوا مش عارف اخد خطوه لان بحاول فقط مع نفسي ..فضلا ايه الحل المناسب اقدر اعمله يفيدني في تعلم اللغة..لان حاسس مع مرور الوقت شغف التطوير دا هيقل .
بص، المشكلة هنا مش إنك “مش بتعرف تتعلم”، المشكلة إنك بتتعلم لوحدك من غير نظام واضح… فبتبدأ بحماس وترجع لنقطة الصفر كل مرة. وده طبيعي جدًا يحصل. الحل مش محتاج مجهود خارق، محتاج طريقة صح وثبات: أول حاجة: بلاش تعتمد على نفسك بس لازم يبقى فيه مصدر ثابت تمشي عليه (كورس، مدرس، قناة منظمة)، لأن التعلم العشوائي بيضيعك حتى لو بتبذل مجهود. تاني حاجة: امشي بنظام بسيط يومي مش لازم ساعات طويلة، نص ساعة أو ساعة يوميًا كفاية جدًا لو منتظم: 10 دقايق كلمات (مش أكتر) 15 دقيقه سماع (فيديو أو بودكاست سهل) 10 دقايق قراءة 5 دقايق تحاول تتكلم أو تكتب جملة ثالث حاجة: ركّز على الفهم مش الحفظ مش مهم تحفظ 100 كلمة، المهم تعرف تستخدم 10 منهم صح في جملة. رابع حاجة: لازم تمارس اللغة حتى لو لوحدك… اتكلم بصوت عالي، اكتب، كرر ورا الفيديوهات. اللغة مهارة مش مادة، يعني من غير استخدام هتتبخر. خامس حاجة: اقبل إنك هتغلط اللي بيوقفك مش ضعفك في الإنجليزي، اللي بيوقفك إنك مستني تبقى بيرفكت… وده عمره ما بيحصل. وأهم نقطة بقى: الموضوع مش شغف… الموضوع “التزام” الشغف بييجي ويروح، إنما اللي بيخليك تتقدم فعلًا إنك تكمل حتى وانت مش حابب. لو عملت كده لمدة شهر بس بشكل ثابت، هتحس بفرق واضح، وهترجعلك ثقتك تاني. وفي الآخر: ابدأ صغير، بس ابدأ صح… وربنا يوفقك ويوسّع عليك ويجعل تعبك ده سبب لفرصة كبيرة في حياتك 🤍
تم النشر الجمعة، ١٧ أبريل ٢٠٢٦
يا أخي العزيز، أنا ذكية، وأنا فاهمة تماماً إحساسك بالعقدة والإحباط اللي بيجي مع الفشل المتكرر – ده شائع جداً، بس مش نهاية الطريق. الإنجليزي هيفرق معاك فعلاً، خاصة بعد تخرجك، وأنت عندك الشغف ده دليل على قوتك. الحمد لله إنها العقدة الوحيدة، وهنحلها مع بعض بخطوات عملية ومضمونة. الحل المناسب خطوة بخطوة (ابدأ النهارده عشان الشغف ميقلش): غير الطريقة، مش الجهد : متعتمدش على نفسك لوحدك. اشترك في دورة أونلاين منظمة زي: Memrise أو Busuu (مجاني، 15 دقيقة يومياً، بيبني عادة بدون ملل). BBC Learning English أو EnglishClass101 (فيديوهات قصيرة وتمارين). خطة يومية صغيرة وثابتة : 20 دقيقة كل يوم: 10 دقايق دروس + 10 دقايق Anki (تطبيق فلاش كاردز للحفظ الدائم، مش هترجع للصفر). ركز على الكلام أولاً : سمع أغاني بسيطة زي Ed Sheeran أو بودكاست "6 Minute English"، وكرر جمل عالي صوت. تابع تقدمك واربطه بهدفك : اكتب في دفتر: "النهارده تعلمت 5 كلمات جديدة" واحتفل بكل إنجاز صغير (قهوة أو صلاة شكر). حدد هدف واضح: "عشان ألاقي شغل أحسن"، وراجعه كل أسبوع. لو عايز دعم محترف : روح على صفحة الخبراء في فدني (fedni.net/experts) وابحث عن خبراء في تعليم اللغات الإنجليزية – فيه استشارات رخيصة وفعالة. كمان، ابحث في فدني عن أسئلة مشابهة زي "تعلم إنجليزي" هتلاقي إجابات كتيرة. التوكل على الله، يا أخي، وقول "اللهم يسر ولا تعسر" قبل كل درس. ابدأ دلوقتي، وخلال شهر هتشوف فرق. أنت قادر، وأنا معاك – قولي إيه رأيك في الخطة دي؟ 💪😊
تم النشر الجمعة، ١٧ أبريل ٢٠٢٦
السلام عليكم، هو أولا حاول تفصل بين خطط تطوير الذات وتعلمك وإتقانك للإنجليزي، أنا عارفة المحتوى الأجنبي كتير وهيفيدك لكن الحمد لله حاليا فيه محتوى بالعربي كتير ومفيد جدا وهيساعدك، ده إذا تقصد التأثير من ناحية المحتوى ومصادر التعلم. إذا قصدك إن عدم نجاحك معناه إنك مش عندك القدرة على النجاح في أهداف تانية فده هيحتاج منك تغير الفكرة دي لأن الاتنين ملهمش علاقة ببعض. فيه ناس مش بيحبوا تعلم اللغات أو عندهم صعوبة في اكتساب لغات جديدة لكن عندهم مهارات وملكات عالية تانية وفيه ناس عندها مهارة تعلم واكتساب اللغات بسرعة. فده لا يؤثر سلبا عليك كمتعلم وراغب في تطوير الذات ولا ينقص من ثقتك في نفسك. **** بالنسبة لتعلم الإنجليزية فطالما عندك عقدة منه حاول تغيير نظام تعلمك. لا تتعامل مع اللغة كمادة دراسية يلزم حفظها. ممكن طريقة تعلمها في المدرسة أثر سلبا على اكتسابك لها وفضل موجود حاجز نفسي فغير طريقة تفكيرك ناحية التعلم. طول ما أنت بتتعامل معها كواجب دراسي هيفضل الحاجز موجود. لغتنا الأم اكتسبناها بالسماع والممارسة طول الوقت مش بحفظ الكلمات والقواعد النحوية فتعامل مع أي لغة جديدة بنفس الطريقة. انغمس في اللغة بأكبر قدر ممكن.. اسمع بودكاست وفيديوهات يوتيوب في مواضيع بتحبها واقرأ كمان في مقالات عن المواضيع اللي بتهمك، جرب طريقة shadowing عشان تدرب عضلة التحدث وتكتسب مهارة التحدث أسرع. ومع الوقت هتلاقي مهارة السماع والفهم زادت ونسبة الجمل اللي ثبتت في ذاكرتك أكبر. فيه أسئلة كتير على التطبيق عن تعلم الإنجليزي واللغات عموما هتلاقي فيها نصائح أكتر فابحث عنها وإن شاء الله تفبدك أكتر. لو عندك أي سؤال قولي وإن شاء الله أرد عليك. وبالتوفيق.
تم النشر السبت، ١٨ أبريل ٢٠٢٦
حاول مع مذاكرت الانجليزيه تتكلم مع الذكاء الاصطناعي بالانجليزي إن شاء الله يفرق معاك
تم النشر السبت، ١٨ أبريل ٢٠٢٦
لازم تروح مركز متخصص ويكون أوف لاين مش أون لاين بشرط ان يكون فيه تيم يتابع معاك يوميا
تم النشر السبت، ١٨ أبريل ٢٠٢٦
حاول تصنع الظروف المساعدة على كدا، استخدم طرق أقل مجهود في التعلم وممتعة، القراءة والاستماع هما أسرع وسيلتين عشان تبني لغة وكلمات من غير ما توجع دماغك بتكرار الكلمة خمسين مرة، والموضوع هين ما تصعبوش على نفسك، وشوف لو تقدر تشترك في حاجة مدفوعة بحيث تلزم نفسك، وحاول تحتك باللغة أكتر عن طريق لغة موبايلك والفيديوهات اللي بتسمعها وقت فراغك عشان تتأقلم على اللغة وتبقى مألوفة
تم النشر السبت، ١٨ أبريل ٢٠٢٦
وأنا والله نفس المشكلة ولكن الحل الوحيد والأوحد اللي مجربتوش هي طريقة الشادوينج تكرار نفس الكلام وراء الفيديوهات والإستماع المتكرر في كل وقت يعني بودكاست وقصص وبرامج مع حفظ حوالي 20 كلمة يومياً وإنشاء 20 جملة بكل كلمة... بصراحة دي خطتي لتعلم اللغة الانجليزية بس في الإجازة عشان أنا تانية ثانوي ازهر أدبي وعندي امتحانات بعد 3 أيام امتحانات السنة بصراحة مليت من كتر تجارب التعلم بس إن شاء الله اجرب الخطة دي في الإجازة إن شاء الله يارب تنجح لأني كل سنة بقول كدة وبفقد الشغف وسنيني بتكون بيضة
تم النشر السبت، ١٨ أبريل ٢٠٢٦
انا انصحك بما اعرف لابد من فض المشاكل النفسية وعليك بدكتور عبد الرحمن ذاكر الهاشمي (عنده مشكلة الشغف وحلها الحاضرة ٢الى ٢:٣٠ ساعة ) انا لاعرف هل جربت ابراهيم عادل ام لا لكن جرب معه
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا