السلام عليكم، أنا متفهمة صدمتك الكبيرة ومشاعرك. بس اهدى كده واستعن بالله. (لو افترضنا إن تأكدك من الأمر صح ولو إن أصلا في حكم الزنا لازم أربعة شهود من الرجال العدول، وأن يتفقوا على تفاصيل الواقعة الدقيقة، أو أن يقر مرتكبها بالاعتراف... وأنت مشفتش بعينك فحتى لو الكلام وصلك ولو فيه شهود قالوا فأنت مكنتش هناك عشان تبصم على شهادتهم بالعشرة) بس عامة خلينا مع احتمال إنك فعلا تأكدت أو إنها بنفسها اعترفت... ** والدتك أحوالها إيه دلوقتي؟.. هل ما زالت هي نفسها الشخص اللي غلط من ٣٠ سنة ومتابتش ولسه بتعمل نفس الشيء؟ معلش مين في البشر معصوم؟ هل أنت ضامن إن أنت نفسك متقعش في نفس الكبيرة؟ لو خرجت نفسك من فكرة إن مامتك دي الشخص المعصوم وحواليها هالة قدسية وشفت إنها بشر عادي وممكن كانت لحظة ضعف ونفسها وشيطانها غلبوها وندمت بعدها سنين ويمكن الذنب لسه بيعذبها. يمكن تابت وربنا تقبل توبتها وندمها فمش من حقنا احنا البشر نحتقرها وننبذها عشان خطيئة مهما بلغت شدتها. ترفق بنفسك وبوالدتك. خد خلوة مع ربنا ومع نفسك وادعيه كتير يذهب غصة قلبك ونفور ويذهب وساوس الشيطان عنك قبل ما تنغص عليك حياتك أكتر. لو لقبت صعب تتجاوز الموضوع وحدك فتواصل مع مختص نفسي هنا عشان يساعدك بخطوات عملية وإن شاء الله ربنا يصلح أحوالكم.
صح + ان هي طالما محصلش منها غلط طول ما هي علي ذمة والدك ف انت ملكش حق انك تكرها حتي ولا ليك حق انك تحاسبها علي الماضي واذا ربنا قال يغفر الذنوب جميعا ف معلش مين انت علشان تكرها وتشيلها ذنب الماضي دا شيء بينها وبين ربنا انت مش هتتحاسب مكانها لكن هتتحاسب علي عدم برها ودا هو الدين الي انت بتحبه -هي غلطت اه بس ربنا دايما بيدينا فرص نصلح غلطنا
تم النشر الخميس، ٤ يونيو ٢٠٢٦
عندي تعليق إضافي على نقطة إن ليه أخوالك مش موتوها... شرعا أصلا لا يحق لهم قتلها ولو قتلوها فهم عند ربنا هيكونوا ارتكبوا كبيرة القتل.. هل هي وقتها هتكون سيئة عشان وقعت في كبيرة الزنا لكن هم (كرجال) هيكونوا كويسين رغم وقوعهم في كبيرة القتل اللي جزاءها خلود في جهنم (بحجة غسل شرفهم)؟ يا ريت تركن ذكوريتك الشرقية على جنب وتفكر من الناحية الشرعية وحكم ربنا في الأمر كله.. وربنا يهديك ويصلح حالك.
تم النشر الخميس، ٤ يونيو ٢٠٢٦
لعرض الإجابة في فدني اضغط هنا