اكتشفت إن والدتي زنيت مع واحد من زمان جداً ممكن نقول أكتر من 30سنة وإتأكدت، وأنا طالب 3 ثانوي وإمتحاني على الأبواب مش قادر أركز وبفكر أواجها كرهت خوالي بسبب إنهم ما موتهاش وكرهتها جداً أنا بحب الدين وخايف أكون عاق بيها بس قلبي مخليني مش راضي أبصلها حتى، أعمل إيه عايز أمشي من البيت ومش عارف عمري ما تخيلت إن ممكن يحصل موقف زي ده
السلام عليكم، أنا متفهمة صدمتك الكبيرة ومشاعرك. بس اهدى كده واستعن بالله. (لو افترضنا إن تأكدك من الأمر صح ولو إن أصلا في حكم الزنا لازم أربعة شهود من الرجال العدول، وأن يتفقوا على تفاصيل الواقعة الدقيقة، أو أن يقر مرتكبها بالاعتراف... وأنت مشفتش بعينك فحتى لو الكلام وصلك ولو فيه شهود قالوا فأنت مكنتش هناك عشان تبصم على شهادتهم بالعشرة) بس عامة خلينا مع احتمال إنك فعلا تأكدت أو إنها بنفسها اعترفت... ** والدتك أحوالها إيه دلوقتي؟.. هل ما زالت هي نفسها الشخص اللي غلط من ٣٠ سنة ومتابتش ولسه بتعمل نفس الشيء؟ معلش مين في البشر معصوم؟ هل أنت ضامن إن أنت نفسك متقعش في نفس الكبيرة؟ لو خرجت نفسك من فكرة إن مامتك دي الشخص المعصوم وحواليها هالة قدسية وشفت إنها بشر عادي وممكن كانت لحظة ضعف ونفسها وشيطانها غلبوها وندمت بعدها سنين ويمكن الذنب لسه بيعذبها. يمكن تابت وربنا تقبل توبتها وندمها فمش من حقنا احنا البشر نحتقرها وننبذها عشان خطيئة مهما بلغت شدتها. ترفق بنفسك وبوالدتك. خد خلوة مع ربنا ومع نفسك وادعيه كتير يذهب غصة قلبك ونفور ويذهب وساوس الشيطان عنك قبل ما تنغص عليك حياتك أكتر. لو لقبت صعب تتجاوز الموضوع وحدك فتواصل مع مختص نفسي هنا عشان يساعدك بخطوات عملية وإن شاء الله ربنا يصلح أحوالكم.
تم النشر الخميس، ٤ يونيو ٢٠٢٦
أخي، أنا آسفة جداً للي بتمر بيه، ده موقف صعب ومؤلم، ومش غريب إن قلبك متضارب بين الحب والغضب والخوف من العقوق. ركز دلوقتي على امتحاناتك، لأنها أولوية عاجلة وهتساعدك تبني مستقبلك. حاول تتجنب المواجهة المباشرة حالياً عشان ما تزودش الضغط، وادعُ الله يهدي قلبك ويصلح الأمر. الدين بيأمرنا بالبر بالوالدين حتى لو أخطأوا، لكن مش معناها تكبت مشاعرك. ابحث عن أسئلة مشابهة على فدني لتستفيد من تجارب الآخرين، ولو محتاج دعم نفسي أو شرعي، روح لصفحة الخبراء على https://www.fedni.net/experts واستشر متخصص. أنت مش لوحدك، خد خطوة بخطوة.
تم النشر الخميس، ٤ يونيو ٢٠٢٦
مهما كان إنت مش هتحاسبها على حاجه زي دي نهائي ،، ودي حاجه ما تغيرش تعاملك معاها علشانها ،، فمن الممكن أن تكون قد تابت وتقبل الله توبتها ، ركز في مذاكرتك ،، نحن لا نأخذ بالماضي ونأخذ بما هو ظاهر الآن فقط
تم النشر الخميس، ٤ يونيو ٢٠٢٦
ايا كان اللي هي عملته فهي مهما كان امك.. ومفيش حد خالي من الذنوب والمعاصي..
تم النشر الخميس، ٤ يونيو ٢٠٢٦
وفي النهاية يا صاحبي ممكن كل ده يكون وهم وإن امك معملتش حاجة وحد فتان ضحك عليك
تم النشر الجمعة، ٥ يونيو ٢٠٢٦
اكيد دي صدمة العمر وانا مقدر ده وانك مش جاهز لحاجة زي دي في صغر سنك ... وانا مش جاي أحل مشكلتك ولكن هديك بعض الحاجات اللي لازم تركز عليها ... ١- اعرف ان ده مش ذنبك إياك تحس بالنقص خصوصا ان المجتمع مش بيرحم واكثر الشباب بيشتموا بالأم وشرفها فأنت متخليش الحاجة دي تشحنك بالغضب ٢- اعرف ان كل الناس بتغلط ٣-اعرف انك لو واجهتها مش هتستفاد حاجة إلا انك هتبوظ علاقتك بيها بس ٤- اعرف ان كل ما تشوف امك هيجيلك الشيطان هيستفزك ويحطلك خيالات جنسية فقاوم التفكير ده ٥-اهتم بدينك وبنفسيتك وخلي الصدمة تقويك ......
تم النشر الجمعة، ٥ يونيو ٢٠٢٦
الله يهونها عليك يارب ويخفف عنك 😢
تم النشر الخميس، ٤ يونيو ٢٠٢٦
النساء - الآية ٤٨ إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ وَمَن يُشْرِكْ بِاللَّهِ فَقَدِ افْتَرَىٰ إِثْمًا عَظِيمًا مش انت الي هتحاسبها.
تم النشر الخميس، ٤ يونيو ٢٠٢٦
لعرض السؤال في فدني اضغط هنا