السلام عليكم ورحمة الله وبركاته اسأل الله العظيم رب العرش العظيم أن يشفيني ويعافيني شفاء لا يغادر سقماً عاجلاً غير آجل ♥ بص يا حبيبتي أول حاجه أتمني تكوني بخير، وكل الحاجات اللي بتحصل معاكي دي يمكن معظمنا مر بيها وفي أيام كنا بنستسلم ونقول مش هنكمل واحنا اتعبنا وكل الكلام دا، بصي انا شايفه إن أول حاجه تعمليها كتنظيم وقت وكدا حاولي تنامي بدري وتصحي الفجر تصلي وتخصصي الوقت دا للمذاكره عشان هوا اكتر وقت بيكون فيه بركه، وعموما أنت لما تقربي من ربنا أكتر هتلاقي كل حاجه بتتيسرلك، دايما هيبقي قلبك مرتاح، ومش شايله هم الدنيا، فأول نصيحه ليكي قربي لربنا أكتر والتزمي في صلاتك، بعد كدا بقا خلينا نروح للمدرسه والدروس، أول حاجه حاولي يبقي عندك صحاب ممكن دا يخفف عنك الضغط شويه إنك في الوقت الفاضي ممكن تشاركوا كل حاجه مع بعض وتضحكوا وتهزروا، وحتي لما يكون حد فيكوا محتاج مساعده التاني هيساعدوا، وأهم حاجه إن الصحاب دول يكونوا كويسين عشان اكيد انت عارفه الصاحب ساحب، بالنسبه بقي للدراسه والضغط يعني مثلا لو انتي ملزمه تحضري كل يوم، اكيد بيبقي في وقت فراغ في المدرسه، ممكن تذاكري في الوقت دا وهيكون ع الأقل غيرتي مكان المذاكره، واهم حاجه تحبي اللي انتي بتعمليه عشان لو مش بتحبيه هتتعبي وتزهقي بسرعه، يعني مثلا خلي عندك اهداف، انا بذاكر او هذاكر عشان عايزه تحققي هدف معين أنتي بتحبيه ومتضغطيش نفسك أبدا اهم حاجه صحتك وبعدين اي حاجه تانيه، وربنا يوفقك يحبيتي ويسعدك في حياتك ويبعد عنك كل شر يارب ♥
وبرضوا لو في يوم في المدرسه مفيهوش حاجات مهمه ممكن تبقي تغيبي مره بس مش كتير
تم النشر الجمعة، ١٥ نوفمبر ٢٠٢٤
ممكن تصلي العشا وتنامي وتصحي قبل الفجر بساعه هيكون أحسن برضو
تم النشر الجمعة، ١٥ نوفمبر ٢٠٢٤
الحمد للّٰه ملتزمه في صلاتي و فعلاً مبعرفش استوعب غير الفجر بس لما بصحى الفجر بيكون فاضل ساعه و اروح المدرسه او ساعتين ف مبلحقش انجز اي حاجه غير إن انقل الدروس بتاعت المدرسه ف الكراسه ، و دا مخليني فعلاً حاسه أن خلاص كل يومي مفهوش وقت لا للمذاكره ولا لنفسي عشان كدا حاسه بضغوط كبيره و مش لاقيه وقت ارتاح و حقيقي دا تاعبني
تم النشر الخميس، ١٤ نوفمبر ٢٠٢٤
لعرض الإجابة في فدني اضغط هنا