السلام عليكم ورحمة الله وبركاته - حبيبتي انا فهماكي وحاسه بيكي وعارفه ان مفيش حد في الدنيا بيعوض وجود الام مهما كان حواليكي ناس كتير اوي ف ربنا يصبرك ويقويكي - المرحلة اللي انتي فيها دي نتيجة لتراكم المشاعر عندك بمعني انك بتعيشي دلوقتي الم فقدان مامتك دلوقتي بسبب انك محتاجاها في حياتك + و عدم وجود والدك معاكي - انا والله حاسه بيكي لان انا كمان والدتي متوفيه ومريت بنفس المشاكل النفسية اللي انتي بتمري بيها دي - ابعدي عن فكرة الانتحار دي خالص وبلاش تاذي نفسك لان محدش هيتضر غيرك ومحدش هيتالم غيرك قربي من ربنا واشكيله وعيطي وطلعي كل اللي في قلبك - والحل بجد قربي من ربنا وادعيله وتمسكي بيه وحبي نفسك وقوي نفسك واجتهدي في مذاكرتك علشان تفرحي مامتك وترفعي راسها وتثبتي نفسك - انتي قوية وهتقدري تتخطي كل دا ان شاء الله -ولو حابة تتكلمي وتفضفضي انا هسمعك في اي وقت
وخليكي عارفة انه كل واحد هيتحاسب علي اعماله وانتي الحمد لله مسلمة فاحسني اسلامك وملكيش دعوة بحد واللي يتكلم قوليله محدش بيختار اهله هو كافر بس انا الحمد لله مسلمة
تم النشر السبت، ٣١ يناير ٢٠٢٦
طيب هل نفس ما عم تقولي اكيد لا فا ليش عم تزعلي وات تحيطهم في بالك بعدين ابوك كافر انتي شو دخلك لا تبركي معهم ابدا اطلعي ما بتحسني تطلعي اصبري ادرسي لبين ما تطلعي تعيشي لوحدك بدها صبر قوي نفسك تمرني عشان تقدري توقفي على رجلك لا تسمحي لحدا يتنمر عليك خلي يحكو عنك مهم انك انت بتعرفي نفسك وشو انتي حكهم مارح يغيره لهيك ما تخليه يأثر فيكي
تم النشر السبت، ٣١ يناير ٢٠٢٦
الله يكون في عونك ودا اختبار من ربنا ليكي واكيد شايلك حاجة حلوة اوي - حاولي تتجنبيهم لغاية ما تكبري شوية وتقدري تقفي علي رجليكي وتشقي طريقك بنفسك - حاولي تطنشي علي قد ما تقدري ومتخليش كلامهم ياثر فيكي بل بالعكس خليه دافع ليكي انك تنجحي وتكوني احسن واحدة فيهم - ونصيحة بلاش تسكتي ل اي حد يتنمر عليكي في المدرسة علشان لو شافوكي ضعيفة هيستغلوا دا
تم النشر السبت، ٣١ يناير ٢٠٢٦
انا بحاول بجد بس الموقف اقوى بكتير مني... في فتره بدأت اقرأ فيها عشان انسى كل ده وبدأت اتعلم واخد خبارات جديده... بس دلوقتي انا بحس ان الدنيا ممله اوي... وان اهل ماما مش عايزين يفهموني او يفهموا اني في اكتر مرحله صعبه.... دايما شايفين اني مليش لازمه... ويدعوا على مامتي ولما بسأل ليه بتعملوا كده يقولوا عشان تغضب عليكي.... ويفضلوا يعيروني ان بابايه كان مسيحي... مع اني والحمدلله مسلمه... بس يفضلوا يقولوا يا بنت الكافر.... كلامهم اوحش حتى من السكينه.... بحاول ابعد وبحاول ابقا لوحدي.... يروحوا شاكين فيها ويقولوا اني بتعت صبيان.. مع ان مدرسيتي مختلطه بس والله مش بكلم ولد واحد او حتى بحاول اتعرف... وعمري ما عملت اي حاجه غلط من وراهم حتى..... بدأت لما حد يتنمر عليها في المدرسه ما اقول وافضل ساكته عشان ما يحصل استدعاء ولي امر...ولو عرفوا هيقولوا اني انا السبب.... تنا في اوحش مراحل حياتي حرفيا.... روحي كأنها في سجن....
تم النشر السبت، ٣١ يناير ٢٠٢٦
لعرض الإجابة في فدني اضغط هنا