اهلا أنا طالبه عندي 15 ونص
واعاني من صدمه بعد وفات ماما
ملحوظه(ماما ماتت وانا كان عندي خمس سنين)
بس لما كبرت شويه بدأت افهم أن مامتي مش هترجع تاني وبدأت أعني بسبب كده ..مش عرفه أتقلم مع المجتمع ... ....بس أنا دلوقتي في مرحله مش عرفه اعيط أو اعمل حاجه ...أنا بنهار فاجأه وبنفجر من الكتمان بس دلوقتي مش عرفه اعيط حتى....
بحاول اقرب من أهلي بس مش عرفه ..اهلي بيعملوني على اني شخص طبيعي بس أنا مستحمله الحياه بالعافيه...بخاف اقول ليهم على حاجه..وبدأت ابعد جدا عنهم ...بحاول اعيش عادي ...بس يجي موقف افتكر مامتي فيها ...اه يمكن كانوا خمس سنين ..بس أنا فاكره كويس جدا وفكره صوتها ولما كنت بتغني لي ..فكره كل حاجه...بس للاسف فضلت تلات ايام تنزف والي المفروض بابا شافه وسبها تموت ...
بابا اكبر سبب في تعبي ده ....سابني ورماني ....وامي من الاول كان تعرفوا من شغلها بس هو كان مسيحي وأسلم ... هو الي أسلم حتى ما طلبت منوا واتجوزه ...وبعد كده خلها تموت وراح راجع دينوا تاني ....ورمانا ومشي ...
ودلوقتي بدور على الاهتمام أو الابوه بره عند اي حد واكترهم المدرسين ....بدأت مش عارفه اتكلم أو اقول انا مالي ...كرهت ضحكتي اوي لأنها عمرها ما كانت حقيقه ...مجرد بضحك عشان اخبي وجعي ...بدأت أفكر في الانتحار عشان زهقت من نفسي بس بفتكر اني لو انتحارت مش هشوف ماما....كل حاجه حواليه بتفكرني بيها حرفيا
انا حرفيا مش عرفه أنا مين ..بتألم يوميا ومحدش شايف ....ومره انفجرت مره واحده في حمام المدرسه وفضلت اعيط جامد وخبط راسي في الحواض ...وساعات بخلي نفسي اتألم عشان ارتاح زي اني بأكل أيدي جامد لدرجه انها بتزرق ....أو يخبط نفسي ...
....
اسفه لو كتبت كتير بس كنت محتاجه اقول الي عندي ...يمكن في حاجات تانيه ...بس اعتقد ده اكبر جزء
السلام عليكم ورحمة الله وبركاته - حبيبتي انا فهماكي وحاسه بيكي وعارفه ان مفيش حد في الدنيا بيعوض وجود الام مهما كان حواليكي ناس كتير اوي ف ربنا يصبرك ويقويكي - المرحلة اللي انتي فيها دي نتيجة لتراكم المشاعر عندك بمعني انك بتعيشي دلوقتي الم فقدان مامتك دلوقتي بسبب انك محتاجاها في حياتك + و عدم وجود والدك معاكي - انا والله حاسه بيكي لان انا كمان والدتي متوفيه ومريت بنفس المشاكل النفسية اللي انتي بتمري بيها دي - ابعدي عن فكرة الانتحار دي خالص وبلاش تاذي نفسك لان محدش هيتضر غيرك ومحدش هيتالم غيرك قربي من ربنا واشكيله وعيطي وطلعي كل اللي في قلبك - والحل بجد قربي من ربنا وادعيله وتمسكي بيه وحبي نفسك وقوي نفسك واجتهدي في مذاكرتك علشان تفرحي مامتك وترفعي راسها وتثبتي نفسك - انتي قوية وهتقدري تتخطي كل دا ان شاء الله -ولو حابة تتكلمي وتفضفضي انا هسمعك في اي وقت
تم النشر السبت، ٣١ يناير ٢٠٢٦
يا حبيبتي، أول حاجة أشكرك إنك فتحتِ قلبك وقولتِ اللي جواكِ.. ده شجاعة كبيرة، وأنا فخورة بيكِ جداً. أنتِ مش لوحدك في الألم ده، وصدمة فقدان أمكِ وأنتِ صغيرة كده طبيعي تترك أثر عميق، خاصة مع اللي حصل مع باباكِ. بس أنتِ دلوقتي 15 سنة ونص، وده وقت قوي عشان تبدئي تتعافي خطوة خطوة. خلينا نركز على حلول عملية تساعدكِ. 1. تعاملي مع الألم اليومي: الدعاء والصلاة : كل يوم بعد صلاة الفجر، اجلسي 10 دقايق وادعي الله يريح قلبكِ ويجعل أمكِ في الجنة. قولي: "اللهم ارحمها رحمة واسعة وأبدلكِ خيراً منها". ده هيساعدكِ تحسي إنها قريبة من ربنا، مش بعيدة عنكِ. اقرئي سورة يس يومياً، هتريح بالكِ. اكتبي مذكرات : كل ليلة، اكتبي ذكريات أمكِ الحلوة (صوتها، غنوتها لكِ) في دفتر خاص. مش عشان تعيطِ، بس عشان تخرجي اللي جواكِ بدون إيذاء نفسكِ. لو عايزة تعيطِ، خليها في مكان آمن زي غرفتكِ، وامسحي دموعكِ وقولي "الله يعين". 2. الإيذاء الذاتي والأفكار السودة: وقفي ده فوراً، يا قمر.. أنتِ مش تستاهلي تؤذي نفسكِ. بدل ما تخبطي أو تعضي إيدكِ، امسكي كورة إجهاد (stress ball) أو اعصري قماشة مبلولة جامد. لو جات فكرة الانتحار، قولي لنفسكِ: "أنا هعيش عشان أشوف ماما في الجنة يوم القيامة". أنتِ قوية، وده مش ضعف، ده صدمة هتعدي. حددي هدف صغير يومي: زي "النهارده هدرس ساعة زيادة" أو "هساعد في البيت حاجة بسيطة". كل ما تنجحي، هتحسي بفخر بنفسكِ. 3. الاقتراب من أهلكِ والمجتمع: ابدئي بكلام صغير مع أختكِ أو أخوكِ: "أنا محتاجة حضن النهارده"، بدون تفاصيل كتير أولاً. هما بيحبوكِ، ومش هيحكموا عليكِ. في المدرسة، ركزي على دراستكِ.. المدرسين اللي بتبحثي عن اهتمامهم، قوليلهم "عايزة نصيحة في الدراسة"، ده هيفتح باب بدون ما تحسي ضعيفة. 4. اكتشفي نفسكِ من جديد: أنتِ مش "مش عارفة مين أنتِ"، أنتِ بنت قوية نجتِ من صدمة كبيرة. ابدئي هواية تحبيها: رسم، كتابة قصص، أو رياضة زي المشي السريع. ضحكتكِ هترجع حقيقية لما تحسي إنكِ بتعيشي لحياتكِ، مش تخبي وجع. باباكِ عمل غلط كبير، بس متعلقيش حياتكِ بيه. سامحيه في قلبكِ عشان ترتاحي (مش معناها تنسى)، وركزي على مستقبلكِ. يا حبيبتي، أنتِ هتتخطي ده بالصبر والتوكل على الله.. خطوة صغيرة كل يوم هتغير حياتكِ. لو عايزة تتكلمي أكتر، أنا هنا دايماً. وابحثي في فدني عن أسئلة مشابهة هتلاقي إجابات كتير. ولو محتاجة استشارة متخصصة، روحي على صفحة الخبراء هنا: https://www.fedni.net/experts – في خبراء نفسية رائعين هيساعدوكِ. أنتِ تستاهلي السعادة، وهتوصليها إن شاء الله. حضن كبير لكِ 💕
تم النشر السبت، ٣١ يناير ٢٠٢٦
مافي داعي تعتزري انتي عم تدورو عواحد تفصفضي له وهاد طبيعي بعمرك جدا ولما تكبري رح تبطلي تهتمي اختي الغاليه المضوع انو ابوي لو سوا هيك او انتبه مارح يغيره شي ربنا كتب قدرنا قبل ما نخلق اساسا لهيك لا تفكري ابدا بالماضي ركزي على حياتك قوي نفسك تمرني تمارين بالبيت إذا كنتي عم تعملي العاده وقفيها عشان هي رح تدمر هرموناتك كلها وتسبب حزن وتذكرك في كل شي حزين شوفي شغلات الي تبسطك اعمليها جربي انك تصلي تقربي من ربنا جربي تقرئي قرآن جربي انك تتقبلي انو هاي هي الحياة وبالنهايه كلنا رح نموت لهيك الحزن مارح يفيد ابدا عيشي حياتك انبسطي وهاد طبيعي جدا في عمرك انا لما كان عمري 15 عطول كان تفكيري سلبي وسبب كان من تغير هرمونات الجسم في هاد الوقت من العمر ومن عاده شفته وهلق بلشت اتعافى الحمد لله انصحك بتمارين وزن وإذا تتابعي اغاني وقفي فورا عشان رح تسبب حزن حتى لو كنتي مانك حزينه
تم النشر السبت، ٣١ يناير ٢٠٢٦
مش عارفه اقولك ايه بس اهم حاجة دلوقتي سيبك من فكره الانتحار. انا برضو فقدت امي في سن صغير اوي. والموضوع مآثر فيا في حاجات كتير . فانا فاهمه قصدك كويس اوي. بصي انا ذات نفسي ساعات بوصل للمرحلة دي بس بتعدي وبتهون صدقيني. الماضي مش هيرجع دي حقيقه مش هتتغير. بس اللي هيتغير هيا طريقة نظرتنا للحياة. حاولي تبصي لاي جانب حلو في حياتك. بصي على نعم ربنا وهتلاقي حاجات كتير احنا مش واخدين بالنا منها. انا عارفه والله ان الكلام ده يبان تافه بس والله ده اللي بيمشي معايا لاني لو حبيت انهار محدش هيمديلي ايده. الانهيار مش اختيار بالنسبه لينا. لازم تكوني قوية عشان نفسك. حاولي تفرغي مشاعرك بطريقة صحية زي الكتابة والتدوين. وادعي ربنا كتير يعوضك وان شاء الله الجاي خير صدقيني بس انتي احسني الظن في الله بس
تم النشر الأحد، ١ فبراير ٢٠٢٦
وبالنسبة لوالدك فقد يكون أسلم فقط لكي يتزوج والدتك كخدعة .. لن يفيد الإنتقام ركزي على ما تبقى منك وقوي علاقتك بالله الحي الذي لا يموت
تم النشر الأحد، ١ فبراير ٢٠٢٦
السلام عليكم ورحمة الله وبركاته... كيف حالك .. هذه اعتقد أصعب مشكلة رأيتها على البرنامج .. اتركي فكرة الإنتحار أمامك فرصة لحياة أفضل لا أقول حياة مثالية ولكن على الأقل حياة فيها قليل من الرحمة والرضى على النفس ..... قدر الله وما شاء فعل .. لا شك أن ما حدث صدمة وجودية وهي أنه بلا أي ذنب فقدتي الأب والأم ... ولكن فكري في تلك الأم التي كانت تحب طفلتها بل وتعشق طفلتها وتغني لها وترحمها وتحتويها وإن كانت موجودة إلى الآن فلا شك كانت ستفعل هذا .. فكري هل إذا كانت موجودة ورأت طفلتها تبكي هل ستكون راضية ؟ بالتأكيد لا .... لا بأس انك تشعرين بالإحباط ولا بأس انك لا تملكين أساسيات الصحة النفسية وهذا طبيعي ومنطقي بسبب غياب الأب والأم ولكن هناك طريق ليس فيه خذلان وأحد لن يتركك كما فعل والدك ولن يموت كما حدث لأمك وهذا الأحد هو الله الحي الذي لا يموت. ... أشهد أن لا إله إلا الله... لما لا تقومي الليل فليس هناك حاجز ببنك وبين الله
تم النشر الأحد، ١ فبراير ٢٠٢٦
اكيد الام محدش فينا يقدر ينساها بس ف ربنا احسن من اي حد وربنا عالم باللي بيحصل معاكي واكيد فرجه قريب وف الاول والاخر عياطك وكتمانك وكل الحاجات الوحشه اللي بتفكرني فيها هتعود ع صحتك العياط ساعات بيريح بس مش بيغير واقع ف اهتمي لنفسك شويه وعيشي لنفسك
تم النشر الأحد، ١ فبراير ٢٠٢٦
من الجيد أنكِ تكلمتي و امتلكتِ الشجاعة لذا و ما مررتِ به ليس يسير ابدا بل كان صعب و مؤلم للغاية و هذا طبيعي...حاولي تكوين علاقات صحية او داعمه ليكونوا انساً و متنفساً لكِ لكن ليس أي شخص يكون مناسب لذلك.... بالنسبة لما فعله والدكِ لا تقلقِ هو سيُحاسب على كل اذى سببه لوالدتكِ رحمها الله و على كل دمعة نزلت منكِ بسببه حقكِ و حق والدتكِ لن يضيع ادعي لوالدتكِ و تذكري أنها تويدكِ سعيدة و قوية.... أخيراً سأدعو لك بصلاة قيام الليل الليلة و يا اختي في الله أنا قلبي يؤلمني لسماع قصتكِ و تمنيتُ لو أمكنني أن اخبئكِ و امك من اذى الدنيا
تم النشر السبت، ٣١ يناير ٢٠٢٦
لعرض السؤال في فدني اضغط هنا