السلام عليكم ورحمه الله وبركاته النسيان مبيجيش فجأة ده أولًا النسيان بيكون قرار آه النسيان ممكن يبقى غصب عننا آه ايه الفرق ما بينهم انت دلوقتي في مرحله قرار النسيان فانا لما قرر انسى يبقى انا محتاجه ان انا ابعد عن عيني كل الصور وكل الحاجات اللي تخص الحاجه اللي انا عايزه انساها فالشخص ده دلوقتي ما ينفعش يكون في اي حاجه موجوده على تليفونك او موجوده معاكي عموما تحت ايدك او قدام عينك او اماكن بتروحيها كلها علاقه بالشخص ده على قد ما تقدري انت هتبعدي تماما اي حاجه ترجع ثاني من جوه المخ ذكرى تخصه. تمام كده احنا بنبعد الحاجات الملموسه لان اساسا دي الحاجات اللي بتسبك الذكريات في عقلنا كل ما بيكون في حاجات تربط ذكر اكثر وتكون موجوده بصوره بتثبت في المخ. ده اللي بيخلي الموضوع صعب النسيان ده بيثبت اكتر فاحنا عايزين نشد التثبيت ده ونخلخله. دي اول حاجه ثاني حاجه انت مش هتتكلمي عن الشخص ده ولا بالايجاب ولا بالسلب فهنفترض انه جاي صاحبتك دلوقتي بتقول لك. انت لسه حاسه بحاجه ناحيه فلان انت لسه بتفتكري فلان كل اللي انت هتعمليه ان انت هتقولي انا مش عايزه اتكلم عن الشخص ده حتى انت مش هتقولي فلان مش هتقولي انا مش عايزه اتكلم عن الشخص ده ما تسألنيش لو سمحتي مره ثانيه بس كده ده اللي انت هتساعدي به نفسك عشان خاطر انت شخص كان موجود في حياتك يبقى دي اول خطوات كده. ثاني مرحله من الخطوات هو انك هتبدئي تستبدلي اي حاجه كان موجود الشخص فيها ده في حياتك باشخاص اخرين مش هنقول بشخص آخر عشان شخص اخر دي غلط تماما فانا دلوقتي الشخص ده كنت متعوده بوجوده في حياتي انه هو اللي كان بيروح معايا المشوار الفلاني كنت لما بحتاج أروح المشوار ده كنت بكلم الشخص ده هو اللي يجي معايا انا هبدأ استبدل الشخص انا مش هروح لوحدي انا هستبدل الشخص ده حرفيا ده شخص ثاني يؤدي المهمه بداله لازم يكون شخص محدد لا انا ممكن المره دي اكلم صاحبتي دي تيجي معايا المره اللي بعديها ممكن اختي المره اللي بعديها مامتي مره ثانيه اروح لوحدي يعني فأنا كده هعمل ايه انا هبدا اعمل ذكريات جديده. وهبدأ اعمل احلال وتبديل كده للحاجه اللي كان الشخص ده موجود فيها او مندمج فيها كجزء من حياتي طيب كل بقى الحاجات حتى لو كان في الصبح مسج بتاعه صباح الخير انا هالتزم مع اشخاص اخرين او جروب في صحابي وأخش أقول لهم صباح الخير فيه علشان تكون مكان صباح الخير اللي انا كنت بقوله على الشخص ده.
موافقه جدا والله ياريت نكون صحاب انا محتاجه ده لان في حاله بجد مش احسن حاجه ومخنوقه وحياتي واقفه ولا بنزل شغلي ولا جيم ولا اي حاجه
تم النشر السبت، ١٤ يونيو ٢٠٢٥
تم النشر السبت، ١٤ يونيو ٢٠٢٥
انا انا معنديش صحاب كويسه ومعنديش حد ارجع ليه ف اي حاجه لدرجه ان حاليا داخله ف مرحله اكتئاب
تم النشر السبت، ١٤ يونيو ٢٠٢٥
لعرض الإجابة في فدني اضغط هنا