السلام عليكم..
بنت فى الشغل عجبتنى وكنت حابب اتقدم فخليت واحده تكلمها انه فى حد نيته جد وعايز اتكلم فهى قالت انه فى حد متقدملها بس لسه محدش وافق عليه طبعا مخليتهاش تقولها انه انا بس هو باين ..
لو انا كلمتها و عرفتها انى عايز اتقدم دا كدا صح انا نيتى خير ومش عايز اضيعها بصراحه.. فايه رأيكم
السلام عليكم، طالما قالت إن فيه شخص متقدم لها حاليًا فبلاش تكلمها أو تصارحها بنيتك، لأن كده أعتقد هيدخل ضمن النهي في حديث (لا يخطب أحدكم على خطبة أخيه). أنت قلت إنه باين أصلا إنك أنت اللي كلمت الوسيط، فيُعتبر على كلامك إنها فاهمة، إلا لو بتفكر تكلمها عشان معتقد إنك ممكن تعرف تأثر على قرارها ناحيتك وناحية الشخص التاني، بلاش تكلمها لحد ما هي وأهلها يحسموا موضوع الشخص اللي تقدم الأول وبعد كده ممكن تتقدم. ممكن خلال الوقت ده تسأل عنها وعن أهلها عشان ميحصلش مشاكل لو تقدمت لها وعرفت في أول مقابلة بتفاصيل عنهم متكونش أنت والعائلة راضيين عنها ويحصل حرج. وعامة لو لك نصيب معها فمهما حصل ربنا هيجمعكم فتوكل على الله وادعيه، ولو فيه خير في زواجك منها فإن شاء الله ربنا يجمعكم على خير. تحياتي.
تم النشر الأحد، ٢٤ أغسطس ٢٠٢٥
السلام عليكم اعتقد طالما قالت فى شخص متقدم ...الافضل تنتظر كام يوم وتخلى الوسيط يسألها مره تانيه لو خلاص الموضوع المعلق عندها للشخص المتقدم انتهى ...تقدر تتقدملها انت بقي بشكل واضح وتطلب تتواصل مع اهلها
تم النشر الأحد، ٢٤ أغسطس ٢٠٢٥
ابعت واحده تقولها انك عايزه تتقدم أو حتي خلي اختك تكلمها تشوفها
تم النشر الاثنين، ٢٥ أغسطس ٢٠٢٥
قالتلك ان حد متقدملها استنا تشوف الرد وايه هيقولوا أهلها ولو محصلش نصيب اتقدملها انت
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا