انا بنت وف تانيه ثانوي مشكلتي اني مع كل بدايه دراسه نفسيتي بتبقا وحشه اوي وبتوصل لاكتئاب تقريبا بيستمر شهور كتير وبجد مبعرفش اركز ف الدروس وحتى مواعدي دايما مش مظبوطه من وانا ف ابتدائى ودا بيخليني معرفش احضر معظم دروسي وغير كدا مبعرفش اذاكر بسبب نفسيتي وبجد رغم رغبتي ف المذاكره بس كل مبدأ احس اني بتشتت ومش بحس اني حبا المذاكره ف ماما دايما بتقولي اني مش نافعه بقا وفاشله والحجات دي وانا بحس اني عمري مهعرف اكون مجتهده فعلا مع اني ذكيه وبفهم بسرعه والمشكله اني فضلي سنه وهخش تالته ثانوي وخايفه جدا افضل كدا ومعرفش اذاكر ف تالته ف المفروض اعمل اي يفيدني قبل تالته؟؟
بصي الأول قبل ماتبداي اي مذاكره صلي ركعتين وحولي تخلي كل يوم ورد قران تقرايه لو صفحه تانى حاجه هاتي نوت واكتبي للي حاجات إلى عايزه تخلصيها وقبل ماتنامي شوفي للي خلصتي وايه للي لسه وحطي كل يوم ليكي تاريجت وقربي من صحابك للي يشجعوكي علي المذاكره وممكن تظبطو تخلصو حاجات مع بعض كاتحفيز ليكي
تم النشر الاثنين، ١٨ سبتمبر ٢٠٢٣
هل بيئة الدراسة نفسها بتاعتك مش كويسة؟ المدرسة او زملاتك ؟ علشان نتكلم في العموم فيه ناس بيحصلهم فعلا اكتئاب مع بداية كل عام دراسي جديد، او بعد نتهاء عطلة العمل .. ولكن الموضوع ده بالكتير يستمر اسبوعين .. ممكن تقوليلي انتي بتحاولي تعملي ايه مثلا فيه خلال الفترة ديه بعد رجوعك للدراسة؟ بالنسبة للمواعيد؟ هل تقصدي مواعيد مقلوبة ما بين النهار والليل؟ ولا ايه بالظبط
تم النشر الأحد، ١٧ سبتمبر ٢٠٢٣
ان شاء الله هحاول اعمل كدا شكرا🥺💙
تم النشر الجمعة، ١٥ سبتمبر ٢٠٢٣
العفو تحت امرك
تم النشر الجمعة، ١٥ سبتمبر ٢٠٢٣
بصي حالتك دي كلمة مشكلة كبيره عليها ... دي مش مشكله إطلاقا لأن دي طبيعة العقل البشري ... بس مش كل الناس زيك عشان قادرين يعملوا كنترول على نفسهم وتفكيرهم كويس أوي على عكسك تماما من كلامك ... طيب هل احنا في ورطه؟ لأ ... هل خسرتي حاجه ؟ لأ ... السنه دي مهياش حاجه غير انك بتشوفي مكان تقصيرك فين وتتجهزي ليه لتالته ... ماعلينا من الهري ده كله مش هو المهم ... عايزه تتعلمي تعملي كنترول على نفسك يبقا أول خطوه مصلحتك رقم واحد .. يعني الهدف .. انتي حاسه انك مقصره اذن الهدف اني ألتزم واجتهد وأحس إني بنجز وشبعانه من نفسي ... الموضوع بسيط واحد نقلل سوشيال خالص ويكون بس وقت الأجازه او بعد ما تخلصي جدول يومك .. أقسم بالله لو قدرتي تعملي كده هتلاحظي فرق مع نفسك... رقم اتنين الجدول بتاعك يكون منظم من أول صحيانك لوقت نومك بشرط انه يكون واقعي على قد قدراتك ... رقم تلاته والأهم الاستمتاع بالرحلة الي أصعب حاجه فيها الروتين ولكن لو قدرتي تعملي الي قولتلك عليه هتحسي ان الدراسه أصلا هيا حياتك مش حاجه مفروضه عليكي وبالتالي نفسيا هتكوني أحسن وذهنيا هتكوني أعلى من الي جنبك ... الموضوع مش بسيط بس طعم الانجاز حلو أي أوي كمان والموضوع فايدك ياما تحولي تجربي او تفضلي زي مانتي ... بالتوفيق
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا