ربنا سبحانه وتعالى يربط على قلبك وييسر لك ما فيه الخير. هو للأسف العيب دا بيبقى عيب صعب شوية في تحمله وللأسف كمان في الغالب من الصعب يتغير. أنا مش عارف قصدك هو أي أبعاد المشكلة بالظبط يعني مثلا بيطلق بصره بس ولا بيكلم ناس ولا أيه بالظبط لكن عموما فكري في الموضوع تاني إنه في الغالب مش هيبطل كدا وقيمي هل هتقدري تعيشي مع العيب دا وتتجنبيه بقدر الإمكان وفي صفات تانية فيه حلوة تعوض الموضوع دا ولا الموضوع صعب، أقصد بالتجنب إنه مثلا لو بيكلم ناس في الشغل كتير حاولي متكونيش معاه في الوقت دا وهكذا لو الوضع صعب بالنسبالك يبقى قيمي قرار الطلاق بكل مشاكله وتبعاته وشوفي نظام المصاريف هتعمل معاكي أيه يعني هتحتاجي تشتغلي ولا أهلك هيقدروا يخلوكي تعيشي معاهم وإن كان في نصيب في زوج أخر يبقى خير. أي قرار من الاتنين ليه مميزاته وعيوبه الواحد محتاج يقيم عشان ميتفاجئ شيبقى عارف إنه اختار الاختيار دا وإن الاختيار دا ليه مشاكل كذا وكذا. وربنا يوفقك لما فيه الخير
ربنا يبارك فيكي يا رب انتي انسانه بمعنى الكلمه ربنا يخليكي انا الحمد الله قربت من ربنا وجوزي ابتدا يهتم بيا شويه بس مفيش مصاريف خالص بقول انو على ديون وححلت مع ان مامتو هي الي بتوكل وتشرب المهم انو ابتدا يبقى كويس الحمد لله على كل حال انا عايزه اقول لحضرتك شكرا على اهتمامك بيا وكلامي وكنت عايزه من حضرتك اعرف اربي بنتي صح لو حضرتك فاضيه اسالك على شويه حاجات وشََكرا يا احسن دكتوره في العالم😍♥️
تم النشر الخميس، ٢٤ أغسطس ٢٠٢٣
لعرض الإجابة في فدني اضغط هنا