ahmed safwat

ربنا يارب يرزق حضرتك الهدى والتقى والعفاف والغنى. طالما هي فعلا مش قادرة فلا يكلف الله نفسا إلا وسعها. وجهة نظري أحسب مميزات وعيوب قرار الزوجة التانية واكتبهم قدام حضرتك عشان يبقى في وعي ودراية بالإقبال على الخطوة الي جاية وتبعاته، بعدها استشير ناس قريبة من حضرتك من أهل الخبرة او حتى استشارة اجتماعية من على الانترنت مع أي متخصص واستخير ربنا سبحانه وتعالى وإذا تيسر الموضوع ونويت ومقبل خلاص على الزواج حاول تلمح لزوجة حضرتك بلطف مع تبليغها إن حضرتك مقدر موقفها ومش بتتهمها بالتقصير ولا الكلام دا ووضح ليها إن حضرتك محتاج الزواج التاني عشان الإعفاف وحضرتك تقبل إن دا هيضايقها شوية لأنه طبيعي جدا واستعن بالله عز وجل وتوكل على الله. ولا تنسى العدل بقدر الإمكان حتى ترضي الله عز وجل ربنا ييسر لحضرتك ما فيه الخير يارب

قرار التوبة الصادق، البحث عن صحبة صالحة، متناميش فأوضة لوحدك لو امن تنامي فأوضة إخواتك البنات مثلا يبقى أفضل، متدخليش تنامي وأنت معاكي الفون وؤادعي ربنا يوفقك لكدا ويصرف عنك الموضوع دا، صلي الصلاة فأول الوقت وحكي لنفسك ورد قرآن صفحة واحدة في اليوم ومتسيبيهوش ابدا بس حاولي تقرأي بفهم وببطء. بالتوفيق يارب

ربنا سبحانه وتعالى يربط على قلبك وييسر لك ما فيه الخير. هو للأسف العيب دا بيبقى عيب صعب شوية في تحمله وللأسف كمان في الغالب من الصعب يتغير. أنا مش عارف قصدك هو أي أبعاد المشكلة بالظبط يعني مثلا بيطلق بصره بس ولا بيكلم ناس ولا أيه بالظبط لكن عموما فكري في الموضوع تاني إنه في الغالب مش هيبطل كدا وقيمي هل هتقدري تعيشي مع العيب دا وتتجنبيه بقدر الإمكان وفي صفات تانية فيه حلوة تعوض الموضوع دا ولا الموضوع صعب، أقصد بالتجنب إنه مثلا لو بيكلم ناس في الشغل كتير حاولي متكونيش معاه في الوقت دا وهكذا لو الوضع صعب بالنسبالك يبقى قيمي قرار الطلاق بكل مشاكله وتبعاته وشوفي نظام المصاريف هتعمل معاكي أيه يعني هتحتاجي تشتغلي ولا أهلك هيقدروا يخلوكي تعيشي معاهم وإن كان في نصيب في زوج أخر يبقى خير. أي قرار من الاتنين ليه مميزاته وعيوبه الواحد محتاج يقيم عشان ميتفاجئ شيبقى عارف إنه اختار الاختيار دا وإن الاختيار دا ليه مشاكل كذا وكذا. وربنا يوفقك لما فيه الخير

الإحساس بالذنب الزيادة عن اللزوم بيعمل نتيجية عكسية، مش مشكلة الموضوع بسيط بإذن الله استغفري ربنا عشان ضميرك يرتاح و شوفي كرق تانية على النت لتحسين اللغة ومتستسلميش لشعور الذنب الزائد دا لعله من الشيطان حتى لو أي حد فينا أذنب -ودا وارد جدا- يعمل حسنة بعدها علكول ويتوب وإن شاء الله ربنا يمحو ذنبه دا زي ما وعدنا النبي صلى الله عليه وسلم

إياك أن تخلعيه دي من وساوس الشيطان بيلقيه في نفسك ونفس من حولك، ربنا مقالش الي رفيعة متلبس والي مش رفيعة تلبس، اثبتي واستعيني بالله وربنا يرزقك الثبات. دا لينك مبادرة ممكن تفيدك وتوضحلك مواصفات الحجاب الفريضة والإدناء الي بيحصل بالخمار فريضة آه وربنا أمر بيه فآية سورة الأحزاب https://t.me/ElbsehsaahAllahamed

حاول تعجيل زواج إن استطعت بس اختار كويس متخليش الموضوع الي عندك يخليك تختار أي واحدة وخلاص عشان هتلبس وهتندم بعد فترة. لو مش متاح بالنسبالك أكثر من الصيام بنية التقرب إلى الله عز وجل وبنية كسر حدة الشهوة كما أوصى النبي صلى الله عليه وسلم، والصيام فعلا لما بيقلل الأكل والشرب بيعلمك الصبر وكمان الشهوة بتنزل جدا جدا، وكمان غض البصر مهم جدا جدا جدا وازكى لنا كما أخبرنا الله عز وجل. يسر الله لك وطهر قلبك وحصن فرجك وكفر ذنبك

إجابة حضرتك في السؤال نفسه الموضوع لا يرضي الله بأي شكل من الأشكال. واضح إنه عنده حب سيطرة وتحكم زيادة شوية وتعلق قلق برضو باين فموضوع إنه مبيصبرش على تأخير الرد. استعيني بالله عز وجل وسدي كل الابواب الي ممكن ترجعك للعلاقة دي وأشغلي نفسك بما يصلح أمور دينك ودنياكي، ولو حابب يكمل في العلاقة خليه يتقدم لوالدك وحضرتك ووالدك تقيمه وتشوفوا صلاحيته. وحاولي ترتبطي بصحة صالحة تخفف عنك ويعينوكي. يسر الله لكي ووفقك إن شاء الله.

ربنا سبحانه وتعالى يرزقك العافية من مثل هذه العلاقة. مفيش حاجة اسمها حرام تكسري قلبه والكلام دا، الحرام إنك تكملي في العلاقة المحرمة الي فيها تجاوزات كتيرة دي ولا ترضي الله عز وجل قبل كل شيء. ومن كلامك أصلا إن العلاقة فيها إشكالات كبيرة زي إنه بيسب الدين ودا فعل كفر يخرج من الملة أصلا وزي إنه مش عايز يشتغل وكل متقوليله حاجة يقول عشانك وزي إنه بيمد إيده أمال الي زي كدا هيعمل أيه معاكي بعد الزواج. كنت هقولك أقطعي التواصل معاه ولو حابب تكملوا العلاقة يتقدم لوالدك وتفكري فيها وتقييميه بعقلانية لكن واضح جدا من سؤال إنه شخص لا يمكن الارتباط بيه وأنت متمسكة بيه عشان الانجذاب والمشاعر مش أكتر فمنصحكيش. الي تعمليه فوجهة نظري إنك تقطعي العلاقة دي فورا وتتوبي إلى الله عز وجل وتبدأي صفحة جديدة فحياتك تشوفي فيها نفسك وتعليمك وشغلك وتدوري على صحبة صالحة تعينك على القرب من ربنا وتكون علاقات صحية تقدري ترفهي فيها عن نفسك وتحبيهم ويحبوكي. بالتوفيق يارب

نعم والدليل على ذلك قول الله تعالى عن فرعون وقومه (النار يعرضون عليها غدوا وعشيا ويوم تقوم الساعة ادخلوا آل فرعون أشد العذاب) وكثير من أحاديث النبي عليه الصلاة والسلام أثبتت عذاب القبر وأنصح حضرتك بحاجة بسيطة في العقيدة زي دي كدا ضروري جدا https://youtube.com/playlist?list=PL1i_D1Vw3d5OOCuGDrC-t3cBIrSmYRAsg

ربنا سبحانه وتعالى يرزقك الصبر ويربط على قلبك، هو الصبر مش سهل لكن ممكن بإذن الله. من الأسباب المهمة جدا الدعاء كتير كتير كتير فكل الاوقات المتاحة مع عمل صداقات من ناس صالحين والترفيه عن النفس معاهم مع الإنشغال بحضور الدورات النافعة عن الذات والتعامل معها وإدارتها بالإضافة للدعاء تاني والاقتراب من الأهل لو أمكن ومصاحبتهم ومشاركتهم المشاعر والصعوبات

قولها إن الموضوع دا لا يرضي الله و وقف التواصل معاها واقفل كل سككه عشان دا ازكى لكم والله، وكماية البلاوي الي بتحصل لما الناس مبتصدقش الموضوع دا لا تعد ولا تحصى وقلب في الموقع هنا وأنت تشوف لو مش مصدق. وبعد كدا لما تكون أنت مقبل على زواج حطط الصفات الي أنت محتاجها وقيم البنت دي لو ناسبتك استخير ربنا سبحانه وتعالى واستعين بيه وتقدم لأبوها، لو مناسبتش ابحث عن غيرها. وربنا يوفقك ويرشدك للخير يارب

دورات المهندس علاء حامد على التيليجرام رائعة جدا وبيكون ليها جروبات واتس (في منها للبنات بس) وممكن تتعرفي على صحبة صالحة منهم تعينك لأن الصحبة مهمة، وحاولي تدوري على دار تحفيظ قرآن قريبة منك هتعينك على الحفظ وإيجاد صحبة وهتلاقي على النت خطط كتيرة لطلب العلم اختاري أي واحدة تناسبك بدون حيرة وسكهم كلهم وابدأي فيها وبالتوفيق إن شاء الله، واهم شيء أحرصي على تحسين صلاتك والقرب من القرآن دول اهم حاجتين في الطريق

الإعحاب الجنسي لوحده مش كفاية لكلب الارتباط بشخص فيه أنواع تانية من الحب لازم تتوفر قبل وأثناء فترة الخطبة مع الشخص لكي يكون من الأخذ بأسباب سعادة الزواج وهي الحب الرومانسي وحب العشرة، وأنصح حضرتك بدورة على التيليجرام اسمها دورة التأهيل الزواجي بتساعد حضرتك على فهم الذات والعلاقات وخاصة علاقة الزواج وعمل قايمة المعايير الي بتتكلبيها في الزوح الي هتختاريه عشان متختاريش حد عشوائيا او بتتبع المشاعر فقط بدون تفكير بالتوفيق يارب

في جزء من الغلط على الأهل إنهم -بدون قصد- قصروا في إعطاء العاطفة الكافية لأولادهم، ودا مش شماعة نعلق عليها الموضوع لكن نعرف إنه سبب ونحاول نعالجه، وأما الخطأ على الولد ولا البنت فكل حد منهم عليه نسبة خطأ والموضوع بيختلف حسب كل موقف فردي لكن عموما المفروض البنت تكون حاسمة في قفل أبواب الريبة والتعامل غير الضروري مع الأولاد ومتسيبش الباب إن حد يتكلم كلام زيادة ويتعدى حدوده لأن دا هيضرها هي والبنات بتتأثر أكتر من العك دا. بالتوفيق

السكة دي مضملمة وخسايرها ملهاش حدود، و أنت شوفتي بنفسك الألم النفسي الي جاي منه. استعيني بالله عز وجل واشغلي نفسك بمذاكرتك وتعليمك وهواياتك وأنوثتك ودينك وتطوير نفسك وشخصيتك ودوري على صحبة صالحة تعينك على الأمور النافعة وأمر دينك، ودايما ادعي ربنا يوفقك لما فيه الخير بلاش تدعي هو بالذات يكون من نصيبك، وارد دعاءك يستجاب ويبقى مش هو الخير وتعيشي حياة تعيسة برضو. وخلي بالك إن الحالة الي أنت فيها هي عبارة عن إنحذاب وإعجاب وقلب تعلق شوية بسبب الشعور بالفراغ العاطفي لكن هو مسمهوش حب يعني موصلش لكدا. ربنا سبحانه وتعالى يوفقك ويعينك ويرشدك للخير واحذري من الصديقات الي بيدلوكي على الخطأ زي الي دلتك إنك تكلميه من الأول.

الأفضلية نسبية لكن أنا عن نفسي بحب واحد اسمه focus to do

المفروض الكلام مع أي حد أجنبي (بما فيهم بنات العم والعمة والخال والخالة) بيكون في الضرورة والحدود (من قصة سيدنا موسى في القرآن) ١-عند الضرورة. ٢-على قدر الحاجة (الكلام قد الحاجة الي محتاجها). ٣-بدون رفع الكلفة (يعني بنقول لكل واحد باسمه العادي من غير اسم خاص هو متسمي بيه). وهو عموما الولد بيميل إنه يتكلم مع البنت ف لو أنت مقدم على زواج خلال سنة مثلا أو سنة ونص ومستعد تتقدم لخطبة قيمها تقييم عقلاني واسأل عن صفاتها كويس ولو ناسبتك واستخير وتوكل على الله، لكن لو خطوة الزواج مش قريبة فنصيحة نزل التعامل معاها للحد الأدنى (على قدر الضرورة فقط) عشان (ذلكم أطهر لقلوبلكم وقلوبهن) كما قال الله، وربنا يوفقك ويرشدك لما يرضيه

حاولي تقرأي كتاب أو تسمعي ملخص كتاب عن العلاقات وحدود العلاقات والواجبات فيها والهدف منها زي كتاب صحة العلاقات كدا ممكن يفيدك تحطي حدودك ومتسمحيش لحد يتخطاها إلا بمزاجك دا بيدي قوة للشخصية و وضوح للناس الي بيتعاملوا معاها

لا متقبليش أي خطوة زي كدا أبدا لأنه أولا في العالب هيحصل تواصل لا يرضي الله ودا هيفتح عليكي باب شر عظيم هتندمي عليه كتير فيما بعد، شوفي أي حد وسيط يبلغه إنه لو عنده نية لارتباط رسمي يتقدم غير كدا لا

أول حاجة استعيني بالله عز وجل يوفقك لكدا ويعينك ودا أهم سبب بعد كدا كل موقف متاح إنك تتعاملي مع حد حاولي تضغطي على نفسك وتتعاملي (يعني مثلا أنت مع حد ومحتاجين تشتروا حاجة اختاري إنك أنت الي تشتريها مش الحد الي معاكي) كمان حاولي تقللي التواصل مع أصحابك وقرايبك أونلاين وقابليهم واتكلمي معاهم كلما أتيح لأن الأونلاين مختلف عن التعامل الحقيقي ومبيديش خبرة في التعامل مع الناس آخر حاجة الناس المقربين منك قوليلهم إنك عايزة تطوري نفسك في الموضوع دا وخليهم يدعموكي ويشجعوكي ويقولولك رأيهم باستمرار خصوصا لو في ناس من المقربين منك اجتماعيين أصلا حاولي تبقي معاهم كتير وتشوفي بيتعاملوا أزاي واتدربي إنك تتعاملي زيهم  بالتوفيق يارب 

ممكن تتوضا وتبقى تغتسل لما تصحى بس بشرط دا ميضيعش عليك صلاة يعني مينفعش الفجر يأذن وبعدها الشمس تطلع وأنت لسة مغتسلتش ومصليتش الفجر دي كبيرة من أكبر الكبائر إخراج الفجر عن وقته

قولها بصراحة حزم وفنفس الوقت بذوق وأسلوب كويس وهي طبيعي جدا تزعل بس أنت لازم تعمل كدا يعني قولها إن الصداقة مع البنات حرام وأنا توبت لربنا ومش هينفع نتكلم تاني وأمسح الرقم وأقفل كل الأبواب الي ممكن تخليك ترجع تتكلم وحاول كالما أخدت قرار وعرفت الصح متتناقش معاها وارد هي تقولك أيه الدليل وكون إن أنت تقعد تتناقش معاها دا فحد ذاته ممكن هي تقنعك إنكوا تقللوا كلام بس متقطعوش أو تضعف موقفك والشيطان لو مداخله ف الخلاصة قولها الصراحة وبعدين أقفل كل الأبواب وربنا سبحانه وتعالى يعينك يارب

ربنا يرحم والدة حضرتك ويرزقك الصبر ويربط على قلبك شوفي حد من صديقاتك أو أخواتك يعوضك عن جزء من المشاعر والاحتياجات الي كانت بتقدمهالك والدتك حد تتكلمي معاه وتعملي معاه الي كنتي بتعمليه مع والدتك هيعوض حزء من مشاعر فقدك لوالدتك، وقربي من ربنا لأن دي الحاجة الوحيدة الي بتخلي الإنسان يصبر ويحتسب لأنه على علم يقيني بصدق وعد ربنا وإن ربنا سبحانه وتعالى لا يضيع أجر من أحسن عملا ودا يدفع الإنسان يجتهد في عمل الآخرة لأنها هي الباقية ويخافي يعصي ربنا سبحانه وتعالى حتى لا يعاقب وربنا يوفقك ويسعدك

استعيني بالله عز وجل وتحجبي ولا تطيعي أمر والدتك بعدم التحجب وودي والدتك وبريها وأدعي ربنا يهديكي ويهديها وابحثي عن صحبة صالحة تعينك على القرب من ربنا وربنا يوفقك ويعينك

حضرتك عندك حق الكلام دا غلط وتجاوز للحدود ولا يرضى الله سبحانه وتعالى. والخاطب أجنبي عن مخطوبته طالما مكتبوش الكتاب لأن الخطبة هي مجرد وعد بالزواج ممكن تتلغي فأي لحظة. الحاجات الي مسموحة للخاطب إنه ييجي بيت المخطوبة ويتكلم معاها قدام أهلها يسألها عن الحاجات الي تهمه والي هتفيد في الزواج زي مثلا أي طباع المخطوبة وأيه أهدافها ورسالتها في الحياة وأي الي هي مستعدة تقدمه لزوجها في المستقبل. الحل هو إن حضرتك توقفي التواصل الهاتفي طالما بيحصل فيه تجاوزات وخلي التواصل والكلام عندكم في البيت قدام أهلك ولو في إمكانية لكتب الكتاب استخيري ربنا إن كان هذا الخاطب فيه خير ربنا ييسر إتمام الزواج منه وربنا وإن يسر الله القرار فسارعوا بكتب الكتاب وربنا يسعد حضرتك ويوفقكما لكل خير

الحمد لله، دا بفضل ربنا سبحانه وتعالى أكثر من شكره والاستعانة بيه وكما زي منت يا بطل ❤️

وإياكي، يسر الله لكي. الله المستعان

عفوا بالتوفيق

أيا كان الناس بتستغل ولا مبتستغلش دا عمره مهيخلي الغلط صح ولا عمره هيكون عذر عند ربنا

اه جرت tick tick كان كويس جدا بس حبيت دا أكتر

فمجتمعي الي بعيش فيه الناس بتعتبر إنه الي بيدور على حلول لمشاكل نفسية عنده دي حاجة عيب أو الشخص دا مجنون مثلا والأساطير دي، ممكن برضو ناس مبتحبش تصرف فلوس على الصحة النفسية لأنهم مش مقدرين أهمية الوعي والعلاح النفسي + مش متعودين إن في بند في الميزانية اسمه صحة نفسية

من إعلان في تطبيق الصالون

طالما لسة صغيرين فدا دافع أكبر إنك متقبليش لأنه كدا مفيش فرصة للخطبة والزواج قريب فهيحصل كلام وارتباط محرم غير شرعي وهيسببلك مشاكل كتيرة وضغوط نفسية وذنوب كتيرة هتندمي ندم كبير بعد فترة فنصيحة اقفلي الباب من الأول لأن دي سكة ظلام

بالنسبة لأسئلة الرؤية الشرعية فهتكون أسئلة عن الحاجات الي محتاجها فزوجتك في الطباع والأخلاق والحجاب وهكذا ،و بالنسبة لأسئلة فترة الخطوبة كلها فدي أسئلة د. الهاشمي ففترة الخطوبة كلها، أكتب على جوجل أسئلة الخطوبة لد. عبد الرحمن ذاكر الهاشمي هتلاقيها طالعلك فلينك بوست على فيسبوك

وإياك

واستعن بالله وتذكر إطلاع الله عليك وخذ بأسباب إنك متكونش لوحدك ومعاك تيليفونك وربنا سبحانه وتعالى يرزقنا وإياك العافية

ومتنسيش توضحيله إنك واثقة من موقفك وإن دا هو الخير وهو الي يرضي ربنا وإن دي حدود أنت حاطة ومش هتسمحي بتهاون فيها

يبقي اسعتيني بالله وحطي حدود واضحة وعرفيه وياريت لو قدرت توقفوا التواصل الهاتفي وتخلي الكلام لما تتقابلوا بس فبيتكم، لو دا مش هينفع يبقى وضحيله إن دا حرام ولا يرضي الله ومفيش حد مننا يتحمل نار الدنيا فما بالنار بنار الآخرة الي فضلت سبعين ضعفا عنها ؟ وقوليله كمان إن ربنا قد يحرمكم من تمام الزواج بسبب إن كان في معصية لا ترضيه