انا كان ليا صحبه ولسبب ما بعدنا وهي مبقتش عايزاني ف حياتها تاني ومش انا الغلطانه انا اعتذرت لها كتير ومش انا الغلطانه كمان بس هي معرفش مالها مبقتش عايزاني
احنا صحاب من ابتدائي ونا سبتها ع راحتها لان تلت مرات ونا أكلمها وهي مش عايزه المهم دي كانت معايا كل حياتي اتعب او ازعل او تحصلي حاجة بكلمها بعد ما بعدت عني مش لاقيه حد اشكيلو زعلي
باقي صحابي بعتلهم ريكورد وبعيط محدش اهتم هي الي كانت تهتم حقيقي انا متفقداها اوي ف حياتي وبنهار اكتر لما افتكر انها مش معايا بس هي مش عايزاني ونا مش قادره اهين نفسي تاني عشان ترجع مع ان هي كانت تغلط ف حقي كتير وغلط كبير وكنت اسامحها ع طول اول ماتكلمني ومستناش نقعد يوم حتى اكلمها انا اقولها زعلانه ومن غير اعتذار كنت اسامحها
كل الي عملتو اني اتعصبت عليها ف الكلام وجبت حاجة قديمة حصلت بينا كانت غلطانه ف حقي فيها قلبتها عليا وقالت لي انتي بتعايرني وأنتي منافقه ومهما تعملي مكانتك عندي مش هترجع زي ماهي والله شاهد ع كلامي عمري ماكنت منافقه لحد ولا عايرت حد عشان اعاير اقرب ما ليا
انا كنت متعصبه بس واول مره اتعصب ف حياتي كدا واعتذرت لها اني اتعصبت كانت تقولي متبعتليش تاني ومتكلمنيش تاني تلت مرات ونا اعتذر وهي ولا حنت ولا حتى كلمتني كويس بالعكس بتعاملني باهانه بس انا مستعده أنسى كل دا لو رجعت كلمتني
بجد مشتقالها اوي وعمري مافكرت اصاحب غيرها ولا اتغير عليها والله العظيم وكل صحابنا يشهدوا بكدا كانو يحلفوني بيها بس هي شايفه اني اتغيرت مع انه محصلش والله ولما حاولت افهمها ظروفي مبقلتش وقالت لي ابعدي عني
بجد مش عارفه اعمل اي مع نوبه الحزن الي بتجيلي كل ما أفتكرها بزعل اوي والوم نفسي اني اتعصبت مش عارفه اعمل اي انصحوني انا من كتر الزعل جسمي بقا يطلع بقع زرقه
انا كمان مريت بنفس التجربة دي كان عندي صديقة كانت معايا في ابتدائي لكن لما طلعنا اعدادي معدتش بتكلمني وطنشتني تطنيش جامد ومهما حاولت اتقرب منها تاني ونرجع اصحاب زي الاول منفعش برضو انتو مش متخيلين اد ايه علاقتنا كانت حلوه جدا وكنت بحبها جدا في حياتي معرفتش اتصاحب علي صاحبه نقية وجدعة زيها بجد لكن مع الوقت نسيتها لان احنا دلوقتي في ثانوي والكلام دا كان زمان في ابتدائي نصيحتي ليكي حاولي تنسيها ومترجعليهاش ابدا عشان كرامتك مهمة وانا بؤكدلك ان الزمن وانشغال في احوالك هينسيهالك والله العظيم مهما كانت صحبيتكم قوية هي الحياة كده مش ثابتة علي وضع لازم تتصاحبي علي ناس وبعد كده متلاقيهمش وزي منولدنا لوحدنا هنموت لوحدنا
تم النشر الخميس، ٣ سبتمبر ٢٠٢٦
أنا آسفة جدًا يا ألاء إنك بتمري بكل الوجع ده، واضح إن الصداقة دي كانت جزء كبير من حياتك وفقدانها بيوجعك بشدة، خاصة إنك حاولتِ تتصالحي أكتر من مرة واعتذرتِ بصدق. اللي بيحصل دلوقتي مش سهل، وإحساسك بالوحدة والحزن الشديد طبيعي، بس لازم نركز على إنك مش هتقدري تغيري قرار صاحبتك لو هي مش عايزة ترجع، ومحاولاتك المتكررة ممكن تكون بتزود الإهانة لنفسك زي ما قلتِ. أول حاجة، حاولي تقبلي الوضع الحالي بدون ما تلومي نفسك أكتر. أنتِ اتعصبتِ مرة واحدة بعد سنين من التسامح، وده مش يخليكِ منافقة أو غلطانة زي ما هي قالت. الصداقة الحقيقية بتتحمل الغلطات البسيطة وبتسامح، مش بتقطع بسبب موقف واحد. دلوقتي، ركزي على بناء دعم جديد لنفسك: ابدئي تكلمي مع أهلك أو أفراد العيلة اللي بيحبوكِ، أو جربي تشاركي مشاعرك في مذكرات يومية عشان تخففي الضغط اللي على جسمك. الزرق اللي بيظهر في جسمك ده إشارة إن التوتر بيأثر عليكِ جسديًا، فلو استمر، روحي لدكتور عشان تطمني على صحتك. من ناحية إسلامية، ادعي ربنا يشفي قلبك ويبعد عنك اللي مش خير لكِ، وتذكري إن الله بيعوض الصابرين. حاولي تملي وقتك بحاجات بتحبيها زي القراءة أو الرياضة الخفيفة أو حتى تعلم مهارة جديدة، عشان ما تفضليش تفكري فيها طول الوقت. أنتِ قوية ومستحقة صداقات بتقدرك زي ما أنتِ، وهتعدي الفترة دي إن شاء الله. لو عايزة تتكلمي أكتر عن خطوات عملية، أنا هنا. وممكن تبحثي عن أسئلة مشابهة على فدني عشان تشوفي تجارب تانية.
تم النشر الأحد، ٣٠ أغسطس ٢٠٢٦
صدقني انا اللي مبسوطه بكلامي معاكي 🤍 وربنا يثبتك ف اي وقت كلنا اخواتك هنا
تم النشر الثلاثاء، ١ سبتمبر ٢٠٢٦
@Noha N هو الحمدلله بعد مابعدت حسيت اني قربت اكتر لربنا وبقيت مرتاحه ان سري ليا وبس وان اعيش حياتي لوحدي دا شيء عادي مش صعب واكتفيت بأهلي ودراستي وربنا قبل اي حاجه وهي هتعبرها ذكري حلوه عدت ف حياتي مكانتش وحشه معايا برضو عشان افتكرها بالوحش شكرا بجد ليكي ارتاحت لما اتكلمت معاكي💗
تم النشر الثلاثاء، ١ سبتمبر ٢٠٢٦
@الاء محمد لالا انا جايلك اهو من المستقبل وبقلك كل دا مريت بيه حاليا بقيت علاقة سطحية مع الكل بصي ي الاء هتتعرضي لحاجات كتير هتوصلي لمرحلة يعني خلاص انتي نفسك هتملي هتلاقي نفسك اهم حاجه نفسك وراحتك وكل ماتقربي من الله هبقي همك اخرتك بس ويارب توصلي للمرحلة دي خلي همك الجنه وربنا يرزقك بالصحبة الصالحه اللي تعينك ع دينك وبالنسبة ليها ف خلاص طبيعي انتي بشر هتتوجعي يومين تلاته بس دا هطلعك اقوي من الاول وهتعدي والله هتعدي
تم النشر الثلاثاء، ١ سبتمبر ٢٠٢٦
@Noha N مش حاكيه لحد كل الي يسالني اقول مفيش لان غلطتها الي حصلت زمان مينفعش احكيها لحد هخون امانة سرها ومش عايزه حد يشوفها وحشه بعد ماكنت طالعه بيها السما بس كل الي طلبته انها لو سألت عني ف اي حاجه يقولو منعرفش مركزه نفسي وبحاول مفكرش فيها بس ممكن يحصل موقف يفكرني انها كانت معايا وكنا بنضحك سوا ف الموقف هي حرفيا كانت ف يومي كله مفيش حاجة الا وبتفكرني بيها بيت شوارع مدارس اشوف بنات مع بعض وافتكرنا لما كنا ف سنهم بزعل وبتصعب عليا نفسي اوي ان بعد كل حب وحنيه شافتها مني تعمل كدا انا مقتلتش قتيل ولا خونتها ولا عملت حاجة وحشه يخليها بالشكل دا معايا حتي ساعات بدخل عندها مش بلاقي ريبوست واحد عليا انها زعلانه او فكراني والي واجعني اكتر لما قالتلي انا مقولتلكيش تعملي حاجه عشاني ومطلبتش منك حاجه ونا حرفيا كنت راميه نفسي ف نار عشانها بس الحمدلله اكيد فيها خير رب الخير لا يأتي الا بالخير
تم النشر الثلاثاء، ١ سبتمبر ٢٠٢٦
@الاء محمد بصي كنت ف يوم متعلقه ببنت زيك كنت بغير عليها من الهوا لدرجة متتخيليهاش بس هي مش تقبلت دا وشافت صحاب تاني هل اموت نفسي طب انا؟ !كل واحد شايف راحته فين وكله بعدي مش بتقعد غير لذكري أو الأثر وقفي محاولات وخلاص كدا اشغلي وقتك بقي واعملي اي حاجه مفيدة تعلميها ركزي ع الاء وبس مش نشغل بالنا ولا بيها ولا غيرها وربنا يحفظك ولو صداقتكم فيها غير ربنا هرجعكم لبعض ف عفو وعافيه صلي للقيام وادعي متزعليش نفسك طالما عملتي الخير
تم النشر الثلاثاء، ١ سبتمبر ٢٠٢٦
ردك عجبني بجد ي الاء متزعليش نفسك طالما عاملتي ربنا فيها لآخر لحظه خلاص انتي كدا تمام بصي اي اتنين اصحاب بحصل بينهم خلاف بس معلش يعني خلاف عن خلاف يفرق يعني الحاجه اللي تنهي العلاقه دي بتبقي حالة صعبه بتبقي موقع موجع لكن مفيش بينكم دا انا من كلامك مش شايفه في حاجه تخليها للدرجة تبعد البعد دا وتصدك خلاص سيبيها ع راحتها وادعي بالخير وادعي ربنا يعوضك ويوفقك ف حياتك وبصي متحكيش لحد من صحابكم انكم اتخانقتو سيبيها مع نفسها متبعتيش اي رساله تاني خالص خالص هترجع نفسها مع الوقت وتكلمك لان خلاص انتي فهمتها انك عاوزها وبعتي مسج كتير واعتذار خلاص كفاية بجد @الاء محمد
تم النشر الثلاثاء، ١ سبتمبر ٢٠٢٦
@Noha N وقبل ماتعصب عليها حلمت حلم وحش اوي اننا هنبعد وكنت صاحيه خايفه منه لاني مقدرش ابعد عنها بعتلها الحلم وبعت تفسيره ان هيحصل خلاف بينا ممكن يتسبب ف بعد قولتلها انا اول مره اخاف من حلم كدا مهما يحصل احنا صحاب كل حاجة بتهون وبتعدي بس صحوبتنا مستحيل تهون خليكي فاكره كدا راحت مسكت الرساله دي ضدي وراحت شكت لزميلتنا التالته دي اني كنت ناويه البعد من الاول عشان كدا بعتلها الكلام ده وبجيبها فيها وصحبتنا دي كل ماقولها كلميها اسأليها اي سبب البعد تقولي فكك وكبري دماغك منها انا عارفه انها مش عايزه توصلنا ببعض تاني وبحاول افهملها كدا وهي عارفه كدا اكيد بس بتنكر انا غلطت ف حقها اه لما اتعصبت بس كان بغرض انها زيها زيي مش ملاك المفروض تسامحني وهي الي غلطت ف حقي الاول برضو بس حتي لو احنا لينا سنين مع بعض تهون عليها عادي مفيش مره تسامحني هيا
تم النشر الثلاثاء، ١ سبتمبر ٢٠٢٦
@Noha N هي مسافره وليها صحاب هناك ونا ليا صحاب هنا هي بتحكي اسراراها ليهم عادي ولا اي حد بس انا بنسبالي السر لو حكيته لغيره مش سر دي حاجة عاديه الكل يعرفها صحبتي التالته دب زميلة درسه بحكم اننا بنشوف بعض كل يوم كنا دروس ومدرسه وحاليا جامعه وبتجيلي البيت وكدا ممكن تحصل حاجات بسيطه ف يومي تبقي هي عارفها قبل ماتصل بصحبتي دي واقولها يعني مثلا لو تعبانه وقافله بتعرف توصلي وتكلمني وتسال انا بتجيلي نوبة حزن ع حاجه حصلت معايا ف الماضي بيحصلي جمود مش بعرف اتكلم مع حد ولا ارد ع حد وممكن اقفل يومين تلاته لحد ماخف وارجع افتح وهي حكتلها الموضوع ده كتير انو بيكون غصب عني ممكن ابقي فاتحه اشوف فيديوهات بس ماليش نفس اتكلم مع حد دا غير ان قبلها بكون مهريه عياط فابحاول افك عن نفسي بالفيديوهات ومش قاصده كدا دا غصب عني قالتلي تمام اخر مره قفلت كنت تعبانه اوي وسخونه مفتحتش يومين صحبتي التالته دي رنت عليا مردتش طول اليوم كانت بترن عليا ونا مبردش فارنت ع امي وادتهاني قالتلي قافله ليه قولتلها تعبانه وابقي قولي لصحبتي التانيه عشان مش هعرل افتح قالتلي حاضر خفيت وفتحت مسألتنيش مالك ولا فيكي اي ولا اي حاجه زعلت وشلتها ف نفسي لاني بدور عليها حتي لو قفلت نص يوم وهي عندها برد بعدين بعاتبها قالتلي صحبتك دي مقالتليش حاجة ونتي بتفضليها عني قولتلها مفضلتهاش هي رنت كتير ومردتش ورنت ع امي وامي ادتهاني واسأليها انت مفكرتيش تعملي زيها ليه قالتلي انا رنيت عليكي ورد اخوكي الصغير وقال انه مش ف البيت اخويا الصغير مقاليش الكلام دا وجبته وشهدته اذا كان قايلي ولا لا وقال لا وقولتلها بلاش تدخلي صحبتنا التالته دي بينا قولتلك كذا مره إنها بتحب توقع بينا الصحاب زي ماعملت قبل كدا قدام عيننا ف واحده تانيه واحنا الاتنين عندنا سوء تفاهم كدبت علينا احنا الاتنين قالتلي مرضتش تصدقني ولا تسمعني اول مره اعتذرلتها فيها كانت بتعلق رسايلي كنت بكتبلها جرايد حرفيا اعتذار وليه عملت كدا واننا نتخانق عادي بس منبعدش وهي ولا هنا ومسحت رقمي ومسحتني من كل مكاني عندي بعتلها ماسنجر بعدين قولتلها حقك عليا للمره التانيه علقتها 12يوم ولما جيت اعاتبها للمره التالته قالتلي انتي مبعتيش تاني من بعد حقك عليا وافتكرتك مش عيزاني قولتلها مين فينا الي المفروض يفهم كدا برضو مش مغلطه نفسها وشرحت تاني وبعت رسايل تاني كتير والي كانت بتقول بعايرها هي عايرتني وقالتلي كلام وحش اوي كلام ميدلش اني كنت صحبة عمرها ف يوم والمعامله زفت والضحك والاستهزاء بكلامي كنت بقرا كلامها والله العظيم يدخل ف قلبي سكاكين ازاي اتجرأت قالت كدا فيا اخر حاجة حسيت ان كرامتي اتهانت معاها قولتلها انا جيتلك كتير وحاولت اصلح معاكي كتير ونتي بعد دا كله مطلعاني وحشه وبتشتكيني للناس انا لو روحي واقفه ع خسارتك اخسر روحي ولا اخسرك انتي ومفيش مره جيتي غلطانه فيها خليتك تعتذري حتي كنت بعاملك بكل حنيه وحب وأنتي بتعملي معايا العكس اشتكيني للناس كلها اني وحشه ونا مش هقول فيكي نص كلمه قدام حد وهأكد ع كلامك اني وحشه بس بينك وبين نفسك خليكي عارفه انا عملت اي عشانك لو ضميرك هيرتاح وهتنامي مرتاحه وانتي عارفه انك كدابه تمام ومش هبعتلك تاني زي ماطلبتي وبس
تم النشر الثلاثاء، ١ سبتمبر ٢٠٢٦
@الاء محمد بصي هو ممكن تكون مقتنعه انك بتفضلي صاحبتك التانيه ف بعدت عشان كدا بصي خلاص سيبيها براحتها انا بحسبك انه لما ذكرتي الموقف عشان تعايري بعتذرلك+وقفي اعتذرات عامة في ناس لما تتعلق بيكي مبحبش تشوفك مع حد تاني غالبا هي حست انك بتفضليها أو بعدتي عنها أو شي من دا بصي متعتذريش خلاص هي مش عاوزه تسمع خلاص طالما عملتي اللي عليكي خلاص ع راحتها خليكي مع نفسك ومتتعلقيش بحد ولا هي ولا غيرها عدين يبت الناس انتي واحده قريبين من بعض اي دخل البت التالته وسطكم؟
تم النشر الثلاثاء، ١ سبتمبر ٢٠٢٦
@Nasef Ibrahim مش عارفه بس دي اول مره اغلط ف حقها هي الي كانت تغلط تبعد يوم او اسبوع وتكلمني كنت اقولها زعلت منك ف كذا تقولي اصل حصل كذا وكذا اقولها حصل خير مزعلتش من غير اعتذار حتي فامش عارفه هي كدا فعلا ولا اي
تم النشر الاثنين، ٣١ أغسطس ٢٠٢٦
@Noha N هوف تفاصيل كتير هتبينلك اني مش غلطانه وان السبب الي خلاني ذكرت غلطها ان غلطت نفس غلطتي بل وهي غلطها كبير لو حد مكاني مكنش هيسامح وهي جات ع حاجه ملهاش لازمه ولا حصل اي حاجه تقولي ماليش دعوه بيكي تاني اتعصبت وقولتلها عملتي كذا وسامحتك دلوقتي لما جه دورك مسامحتيش وهي اصلا بتغير من صاحبه ليا هي صحبتي التانيه من النوع الي بيحب يبين ان اعرف كل حاجة عن صحبتك عشان هي كمان بتغير من حبي ليها واني بفضلها وبحكي كل اسراري ليها فهمتها كتير انها كدابه وان محصلش مني دي نهائي البنت كانت بتلعب عليا وعليها ووقعت قبل كدا بينا وبين واحده صحبتنا تالته وكان ع ايدك برضو مصدقاها هي ونا لا مع اني دايما اقولها عمري ماقدر اصاحب غيرك ولا اشوف السر سر لو اتحكي لغيرك وبرضو مفيش فايده انا 20يوم ونا بصالح فيها بكل الطرق ودلوقتي لينا شهر وشهدت أخويا الصغير ع موقف صحبتنا دي قالتلي مش عايزه اسمع حاجه متبعتليش
تم النشر الاثنين، ٣١ أغسطس ٢٠٢٦
خلي بالك ممكن تبقي بتلعب عليكي لعبه نفسيه مثل الحب والاختفاء والرجوع تاني من غير اي سبب
تم النشر الاثنين، ٣١ أغسطس ٢٠٢٦
بصي صلي ع النبي انا لو حصل موقف مع صحبتي وهي ذكرت موقف قديم انا بقفل جامد وبحس اللي قدامي بشيل اصل دا موقف واقفل ورجعتو تعاملتو لي تذكري موقف قديم عدا؟؟ هي حقها تزعل وحقها تطول كمان ف الزعل لان الأمر موجع بجد هي قالتلك تغيرتي راجعي نفسك وشوفي اي وصلك ل كدا واساسا انتي لما تعصبتي متعصبتيش من فراغ انتي حصل موقف خلاكي تتعصبي وتجيبي القديم ع الجديد ف انتي شوفي اكيد في سبب حصل ومعلش اعتذرتي في ناس تاخد يومين تلاته بعدين بفكو اصبري عليها بعد كم يوم وقتها واجهيها وانك متقصديش وانك باقية عليها وفهميها خالص يعني عشان تحس انك متمسكة بيها وان شاء الله خير وتاني مرة لما تحطي لقدر الله ف موقف زي دا متجيبيش القديم حركة مش لطيفه والله بتقلك منافقه لان انتي تعاملتي معاها وتيجي مرة وحده تذكري الموقف ف هي شايفاكي كدا ف اعملي زي مافهمتك وعلاقتكم هتتصلح متقلقيش
تم النشر الاثنين، ٣١ أغسطس ٢٠٢٦
لعرض السؤال في فدني اضغط هنا