السلام عليكم، أولا ربنا يوفقك ويرزقك من واسع فضله وحلاله. ثانيا، أهم حاجة لا تيأسي أبدا وضروري جدا تبرمجي أفكارك بحيث ميكونش فيه قلق جواك من ناحية المال والوضع المادي وإحساس الحاجة دائما لتأمين دخل ثابت لأن كل ده يؤثر سلبا على سعيك وإيجادك لعمل. ثالثا، أنصحك وبشدة إذا مش عندك حساب لينكدن اعملي حساب ضروري وانشطي عليه.. اكتبي مهاراتك وإيه اللي تقدري تقدميه للعملاء وانشري على حسابك منشورات تظهر معلوماتك ومهاراتك وضعي إنجازاتك وأعمالك السابقة، وخطوة مهمة جدا على لينكدن إنك تعملي شبكة علاقات مكونة من أشخاص في نفس مجالك والمجالات اللي تلامس مجالك واللي ممكن يحتاجوا مهاراتك. وتفاعلي معهم، ده هيخليكِ تظهري وتتعرفي وهيزود احتمالية ترشيحهم لك لو حد طلب منسق، يعني خليكِ ظاهرة واسمك معروف عشان تخطري على البال أول ما تيجي فرص. شوفي السؤال دول بخصوص لينكدن https://www.fedni.net/q/93718846/كيف-أزيد-التفاعل-علي-بوست-محتوى وفيه على يوتيوب دورات لشرح لينكد إن والطريقة الصح لعمل حساب والنشاط عليه. رابعا، إذا فيه مهارات إضافية بتنطلب مع التنسيق فتعلميها وطوري من نفسك بحيث تتفوقي على أي منسقيين عاديين ويزيد الطلب على شغلك وطبعا ده هيكون مع رفع السعر.. يعني لا تتنازلي.. أحيانا فيه عملاء بتطلب المهارات الزيادة دي "فوق البيعة" ويتوقعوا ياخدوا خدمة متقدمة بنفس سعر الخدمة العادية. أخيرا، هرجع وأقول لا تيأسي ولا تقلقي ويا ريت تواظبي على قراءة سورة البقرة يوميا وتتصدقي ولو بمبلغ صغير أسبوعيا أو شهريا حسب مقدرتك عشان ربنا يزيد من البركة والرزق الحلال في حياتك. وبالتوفيق دائما.
بصي، عن نفسي أول مرة عملت حساب لينكد إن من كذا سنة وللأسف عشان مكنتش أعرف التعامل الصح معه وإزاي استخدمه حسيت إنه صعب واتعقدت وقتها لأن هتلاقي الكل بينشر خبراته وإنجازاته وهتحسي إنك متأخرة عن الكل، عشان كده قفلته ساعتها كم سنة تانية لحد ما ربنا وفقني ولقيت ناس نصحت به وإزاي فعلا تستفيدي منه وتعملي حساب صح فرجعت فتحت الحساب وعدلته. هحاول ألاقي لك دورة كويسة من اللي قابلوني قبل كده عن شرحه وأضع لك الرابط هنا وربنا يوفقك وتعرفي تستفادي منه إن شاء الله.
تم النشر الخميس، ١٦ أبريل ٢٠٢٦
حاضر، أنا عملت حساب لينكدإن من فترة بس حسيته ملوش لازمة😅، بالنسبة للأسعار معاكي حق فيها وأنا كمان عاملة خصومات للكُتاب المبتدئين وفيه كمان أسعار أقل للدور بس مش بتوفق برضه، الحمد لله على كل حال، أنا أخذت بنصايح حضرتك في تعلم اللغة الانجليزية وبحاول أستمر. شكرًا🌷
تم النشر الثلاثاء، ١٤ أبريل ٢٠٢٦
لعرض الإجابة في فدني اضغط هنا