السلام عليكم
أنا بشتغل منسقة كتب وروايات على برنامج Word من 3 سنين تقريبا
حاليا بشتغل في دار نشر واحدة لكن مقدرش أعتمد عليها كمصدر دخل لإني أجري غير ثابت وكمان فيه فترة ركود والشغل قليل وبعلن على شغل في صفحتي ومش بيجيلي شغل، وبعت ايميلات كتير لدور نشر في مصر ودور نشر برا مصر
بعت لأكتر من 77 دار
فيه اللي دار مبتدئة وأسعارها غير مناسبة ليا وفيه اللي عايزين انديزاين وفيه اللي مش بيردوا أساسا
أنا بشتغل كل أنواع الملفات من روايات وخواطر ودواوين شِعر وكتب عامة وقصص مصورة.
هل من نصيحة؟
السلام عليكم، أولا ربنا يوفقك ويرزقك من واسع فضله وحلاله. ثانيا، أهم حاجة لا تيأسي أبدا وضروري جدا تبرمجي أفكارك بحيث ميكونش فيه قلق جواك من ناحية المال والوضع المادي وإحساس الحاجة دائما لتأمين دخل ثابت لأن كل ده يؤثر سلبا على سعيك وإيجادك لعمل. ثالثا، أنصحك وبشدة إذا مش عندك حساب لينكدن اعملي حساب ضروري وانشطي عليه.. اكتبي مهاراتك وإيه اللي تقدري تقدميه للعملاء وانشري على حسابك منشورات تظهر معلوماتك ومهاراتك وضعي إنجازاتك وأعمالك السابقة، وخطوة مهمة جدا على لينكدن إنك تعملي شبكة علاقات مكونة من أشخاص في نفس مجالك والمجالات اللي تلامس مجالك واللي ممكن يحتاجوا مهاراتك. وتفاعلي معهم، ده هيخليكِ تظهري وتتعرفي وهيزود احتمالية ترشيحهم لك لو حد طلب منسق، يعني خليكِ ظاهرة واسمك معروف عشان تخطري على البال أول ما تيجي فرص. شوفي السؤال دول بخصوص لينكدن https://www.fedni.net/q/93718846/كيف-أزيد-التفاعل-علي-بوست-محتوى وفيه على يوتيوب دورات لشرح لينكد إن والطريقة الصح لعمل حساب والنشاط عليه. رابعا، إذا فيه مهارات إضافية بتنطلب مع التنسيق فتعلميها وطوري من نفسك بحيث تتفوقي على أي منسقيين عاديين ويزيد الطلب على شغلك وطبعا ده هيكون مع رفع السعر.. يعني لا تتنازلي.. أحيانا فيه عملاء بتطلب المهارات الزيادة دي "فوق البيعة" ويتوقعوا ياخدوا خدمة متقدمة بنفس سعر الخدمة العادية. أخيرا، هرجع وأقول لا تيأسي ولا تقلقي ويا ريت تواظبي على قراءة سورة البقرة يوميا وتتصدقي ولو بمبلغ صغير أسبوعيا أو شهريا حسب مقدرتك عشان ربنا يزيد من البركة والرزق الحلال في حياتك. وبالتوفيق دائما.
تم النشر الثلاثاء، ١٤ أبريل ٢٠٢٦
وعليكم السلام ورحمة الله وبركاته يا ذكية! 😊 أولاً، برافو عليكِ على الـ3 سنين خبرة في التنسيق على Word، ده إنجاز كبير ومهارة مطلوبة جداً في عالم النشر. اليأس طبيعي لما الدخل غير مستقر، بس أنتِ مش لوحدك، والحلول موجودة. هقولكِ خطوات عملية خطوة بخطوة عشان تفتحي أبواب جديدة: ابني بورتفوليو قوي : اجمعي أعمالك السابقة (روايات، شعر، قصص مصورة) في PDF أو موقع بسيط زي Behance أو Google Sites. أرفقيه مع كل إيميل أو إعلان، وحددي أسعارك بوضوح (مثلاً: 50-100 جنيه للصفحة حسب التعقيد). ده هيخلي الدور نشر تشوفي قيمتك فوراً. تعلمي InDesign بسرعة : كتير من الدور الكبيرة بتطلب Adobe InDesign. خدي كورس مجاني على يوتيوب أو Udemy بـ10 دولار، وفي أسبوعين هتكوني جاهزة. هيفتحلكِ أبواب دور نشر محترفة برا مصر زي دار الساقي أو نوفل. وسعي الانتشار : سجلي في منصات فريلانس عربية زي "مستقل" أو "خمسات"، و"Upwork" للعالمي (اكتبي وصف بالإنجليزي عن خبرتك). انضمي لجروبات فيسبوك زي "منسقو الكتب والروايات" أو "دور النشر المصرية"، واعرضي خدماتك هناك يومياً. حدثي LinkedIn بـ"Book Layout Specialist" واتصلي بمحررين وكتاب. تنويع الدخل : اعرضي خدمات إضافية زي تنسيق PDFs للكتب الإلكترونية على Amazon KDP، أو مساعدة كتاب مستقلين في نشر أعمالهم الذاتي. الصبر مفتاح الفرج، يا حبيبتي، وتذكري قول الله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ}. ادعي ربنا يرزقكِ من حيث لا تحتسبين، وابدئي اليوم بخطوة صغيرة زي تحديث البورتفوليو. لو عايزة نصائح أكتر، ابحثي في فدني عن أسئبة مشابه، أو شوفي صفحة الخبراء هنا: https://www.fedni.net/experts – فيه خبراء في التوظيف والنشر هيساعدوكِ. أنتِ قادرة، هتنجحي إن شاء الله! 💪❤️ إيه رأيكِ نبدأ مع بعض؟ قوليلي الخطوة الأولى اللي هتعمليها.
تم النشر الاثنين، ١٣ أبريل ٢٠٢٦
وعليكم السلام ورحمة الله وبركاتة ابعتى تانى وتالت وأكتر من مرا ولو بعتى ل ٧٧ دار كملى ١٠٠ دار انتى بتجتهدى ولازم هتلاقى بس نصيحة حاولى تزودى مهارات تانية على شغلك دا بحيث لما تعرضى شغلك وانتى قادرة على إية تكون ليكى الأولوية عن غيرك نزلى على جروبات ك شغل خاص بيكى مش لازم دار ممكن كاتب لوحدة بيدور على حد واستعينى بالله كدا ولا تيأسى ربنا يرزقك من حيث لا تعلمين الرزق الواسع المبارك ويبارك سعيك وجهدك دا ويؤجرك على اجتهادك 🤍
تم النشر الثلاثاء، ١٤ أبريل ٢٠٢٦
ولك المثل يا أفندم، أنا بحاول أتعلم انديزاين بس الجهاز بتاعي مش بيحمل البرنامج وحاليا بتعلم انجليزي عشان أشتغل في دور أجنبية.
تم النشر الثلاثاء، ١٤ أبريل ٢٠٢٦
لعرض السؤال في فدني اضغط هنا