السلام عليكم
لو سمحتم محتاجة طريقة ابطل بيها نهائي اني افكر في شخص معين انا معجبه بيه بس فرق العمر بيني وبينه هو اكبر مني ب 14 سنه وكمان مش عايز يتجوز دلوقتي اصلا فدي حاجه مضايقاني وانا عايزه ابطل افكر فيه ومش عارفه اتصرف و3/4 الحلول حاولتها يعني الحلول اللي اصحابي نصحوني بيها عملتها كلها بس برده باجي قبل النوم وبفتكره ثاني وبفكر تاني مع العلم ان ما فيش حاجه حصلت يمكن بس شويه كلام بسيط في الحصص بتاعته لان هو المستر بتاعي وكده بس اللي عنده نصيحه يقدر يقدمها يقدمها لعلها تفيد
وعليكم السلام ورحمة الله وبركاته .. علاقتك ب والدك عامله ازاي؟ هل قريب منك .. وبيتكلم معاكي وبتتفاهموا ولا لا؟ والمدرس بتاعك .. ايه اللي خلاكي تقولي انك معجبة به؟
تم النشر الخميس، ٧ مارس ٢٠٢٤
و عالفكرة جهاد مش روبوت دي اخصائية نفسية 😂
تم النشر الجمعة، ٨ مارس ٢٠٢٤
ربنا يديمك ليا يا حبيبة قلبي هاتي رقمك بجد مش عايزة اضيع شخصية جميلة زيك من ايدي 😔🫂♥
تم النشر السبت، ٩ مارس ٢٠٢٤
اشكرك جدا🥹🥹♥🌹
تم النشر السبت، ٩ مارس ٢٠٢٤
ما شاء الله عليكي بجد يا قمر ، انتي شاطرة جدا و بجد حيبقي ليكي مستقبل بارع بإذن الله ، ربنا يوفقك و ركزي دايما في الدين و دراستك و تطوير ذاتك و انتي اصلا شاطرة و حتبقي اعظم و اعظم ، برافو عليكي ، ما شاء الله
تم النشر السبت، ٩ مارس ٢٠٢٤
حبيبتي ربنا يوفقك يارب ، حرشحلك برضه روايات جميلة تفيدك بإذن الله ، سلسلة مملكة البلاغة ل د. حنان لاشين. رواية القصر الاسود و ثاني أكسيد الحب ل دكتورة مني سلامة و معظم رواياتها عظيمة بجد ، رواية عقل بلا جسد للعراب أحمد خالد توفيق ، رواية رحلة الحسن و كتاب فن الكلام و كتاب قهوه صباحية مع النفس و كتاب لأ بطعم الفلامنكو و كتاب احببت وغدا و ابي الذي اكره
تم النشر السبت، ٩ مارس ٢٠٢٤
العفو و بجد استغلي الفترة دي كمان انك تسمعي حاجات مفيدة و تنفعك اكتر ، في سيرة نبوية لأحمد عامر دي جميلة جدا و حتفيدك اوي و اسلوبه بسيط و في سلسلة بودكاست وعي و سلسلة ايه المشكلة برضه ، كل ده حيفيدك ان شاء الله و اقري كتب و روايات و ذاكري و احلمي بمستقبلك ، ربنا يسعدك و يوفقك و لو احتجتي شيء انا موجودة
تم النشر الجمعة، ٨ مارس ٢٠٢٤
انتي مش حتبطلي تفكري بس لازم تشغلي دماغك علشان كدا ، حاول تتناسي ده و تركزي في الأولوية دلوقتي الي هي دراستك و بعدها صدقيني حيجيلك حد مناسب ليكي بس المهم انه في الوقت المناسب ، مع الوقت ان شاء الله حتنسي كل ده المهم انك تتجاهلي و الاكيد انك تعرفي ان كلنا طبيعي اننا عندنا احتياج ، بس المهم اننا مش بنمشي ورا الاحتياج طول الوقت
تم النشر الجمعة، ٨ مارس ٢٠٢٤
لا متقوليش كدا لنفسك انتي غاليه و ربنا حيرزقك بكل الخير بس في الوقت المناسب ، ربنا حيرزقك زوج صالح ان شاء الله يارب بس لما تكبري
تم النشر الجمعة، ٨ مارس ٢٠٢٤
لما تخلصي المراهقه حتحتاجي حد تحبيه و تعيشي معاه اكيد طبعا بس ساعتها حتبقي بالوعي الكافي انك تختاري شريك مش شخص يديكي شويه مشاعر بس
تم النشر الجمعة، ٨ مارس ٢٠٢٤
لما تريحي دماغك ، فكري في نفسك و امسكي ورقه و اكتبي انتي عايزة توصلي لفين و عايزة تبقي ايه و نفسك في ايه و ابدأ خطوات في تحقيقه ، انتي لسه صغيرة جدا علي الارتباط ، الانسان في الفترة دي الجزء الي في الدماغ بتاع القرارات الصح و المنطق مش بيكون هو الي متحكم ، العواطف بشكل كبير الي بتتحكم
تم النشر الجمعة، ٨ مارس ٢٠٢٤
اشغلي دماغك قبل ما هي تشغلك يعني اقري روايات او كتب توعيكي اكتر و تحبي و تكون هوايتك ، حاولي تبدأ تكتبي انتي حاسه بايه و عايزة ايه معظم الوقت علشان تفهمي نفسك اكتر ، و كذلك بصي لمستقبلك و احلمي باحلام ده وقتها مش احلام بعيدة
تم النشر الجمعة، ٨ مارس ٢٠٢٤
بصي يا ستي انتي عايزاه اخ او صديق او حتي اب بس مش لازم يكون اب بشكل كامل ، المشاعر مش لازم من الحبيب علشان انتي مش محتاجه مشاعر حب و هيام ، انتي محتاجة حد يحسسك انك جميلة و شاطرة و قوية و ذكية و كذلك و محتاجة حد يسمعك اكيد و ياخد رأيك و في نفس الوقت زي كل البنات في الوقت ده محتاجة حد يكون زي كراش ليكي زيهم ، فانتي اخترتي حد مختلف علشان يبقي بتاعك لوحدك و في نفس الوقت في السن ده علشان يعوضك عن مشاعرك المفقودة و مش مصدر اعجاب البنات علشان يبقي بتاعك انتي ف تحسي انك مميزة
تم النشر الجمعة، ٨ مارس ٢٠٢٤
اهم حاجه بقا عيشي سنك يعني خليكي مختمره عادي بس البسي الوان و البسي لبس جميل و مريح و مناسب ليكي ، عيشي سنك و بلاش تسبقي الاحداث
تم النشر الجمعة، ٨ مارس ٢٠٢٤
فهمتيني؟
تم النشر الجمعة، ٨ مارس ٢٠٢٤
انتي عندك احتياج عاطفي لمشاعر و ده طبيعي لكن الي مش طبيعي انك ترتبطي بحد كدا
تم النشر الجمعة، ٨ مارس ٢٠٢٤
هو مش راجل مناسب ليكي اصلا ١٤ سنه ده يعني كان قدامه تلات سنين اربعه و يقدر يخلفك ، انتي لما تكبري اكتر و يبقي سنك مناسب للارتباط ساعتها لازم تدوري علي حد يشاركك حياتك مش ابدا شخص اكبر او اعقل او احسن منك
تم النشر الجمعة، ٨ مارس ٢٠٢٤
ازاي بقا تتغلبي علي كدا ، حاولي علي قد ما تقدري تشغلي كل وقتك و لما تروحي حصته تركزي بس في الماده و تمنعي نغسك من انك تبصي له حتي
تم النشر الجمعة، ٨ مارس ٢٠٢٤
فلما بصيتي برا لقيتي مدرس سنه اكبر من سنك ف كدا ممكن يعرف اكتر منك و يوجهك و يأمرك ساعات عشان هو ادري منك اكيد و في نفس الوقت هو مش امور عشان انتي مش عايزاه يكون حبيبك يا قمر انتي عايزاه يكون شخص يديكي مشاعر فقط
تم النشر الجمعة، ٨ مارس ٢٠٢٤
بصي يا قمر ، الشخص مش محتاج يبقي اكبر منك ١٠ او ١٥ سنه علشان يبقي دماغه قريبه من دماغك بالعكس انتي بس محتاجه شخص واعي و عاقل و اكبر منك ب حوالي ٣ او ٥ بالكتير ، لكن الفرق الكبير ده تماما مش صحي و حتعاني معاناه لو ارتبطتي بحد كبير كدا ، ده غير أن خلاصه الموضوع بتاعك انك مش بتحبيه انتي بس شايفاه صورة من صور الاب بس علي اصغر ، انتي في الفترة دي المفروض محتاجة مشاعر من راجل في حياتك الطبيعي ان يكون من اخوكي او ابوكي لكن لما الاب و الاخ مش موجودين بتحاول تبصي برا عليهم
تم النشر الجمعة، ٨ مارس ٢٠٢٤
ليه لازم عشر سنين ؟
تم النشر الجمعة، ٨ مارس ٢٠٢٤
انا فهماكي يا قمر ، انا بس بسأل عشان اعرف اقولك الحل
تم النشر الجمعة، ٨ مارس ٢٠٢٤
معلش سؤال ,هل صحابك معظمهم عندهم ما يسمي بالكراش و كدا؟
تم النشر الجمعة، ٨ مارس ٢٠٢٤
طيب يبقي انتي محتاجه تدوري انتي ليه معجبه بيه ؟
تم النشر الجمعة، ٨ مارس ٢٠٢٤
حتي لو مميز ، دوري حد تاني ، دوري في اليوتيوب ، لكن بلاش تسيبي باب و تخربي حياتك
تم النشر الجمعة، ٨ مارس ٢٠٢٤
سيبي المدرس ده بسرعه ، انتي مش بتحبيه انتي عندك فراغ عاطفي فقط و محتاجه حد تحسي بمشاعر و بس ، ابعدي عنه بكل الطرق و اشغلي نفسك و كل دقيقه في وقتك ادعي ربنا ان يبعده عنك و يرزقك بالخير فقط ، ركزي في مستقبلك و ابعدي عنه في اسرع وقت
تم النشر الخميس، ٧ مارس ٢٠٢٤
ربنا يجازيك كل خير يا رب ويبارك لك يا حبيبه قلبي يا علياء تسلمي لي والله انا لسه كنت مخلصه السيره النبويه كلها لدكتور علاء حامد وماشيه في مدرسه الذاريات وخلصت الفقه الميسر برده لدكتور علاء حامد كلهم لدكتور علاء حامد ودخلت ثاني في تفسير سوره ال عمران للدكتور حسن الحسيني للشيخ قصدي حسن الحسيني وبعد كده هدخل ثاني في هدايات من الاجزاء لدكتور رامي النحراوي وان شاء الله ارجع اتابع تاني بودكاست وعي في اقرب وقت انا ما كنتش بقرا قصص ولا روايات ولا لي دعوه بالكلام ده كنت بقول لما اجي اقرا لازم اقرا حاجه مفيده بس ان شاء الله النهارده اقرا روايات اولا علشان الحصيله اللغويه عندي في اللغه العربيه مش احسن حاجه ثانيا علشان عايزه اقلل تفكير شويه بحاجه برده ما تكونش مفيده عشان الحاجات المفيده كثير بتخليني امل ان شاء الله هسمعي كلامك يا حبيبه قلبي تسلمي لي والله ما انحرمش منك يا رب
تم النشر الجمعة، ٨ مارس ٢٠٢٤
عايزه اشكرك جدا والله هعمل اللي انت بتقوليه ده ان شاء الله يحصل فرق
تم النشر الجمعة، ٨ مارس ٢٠٢٤
بس من ناحيه انا عايزه حد فانا اه محتاجه حد جدا وطول الوقت متضايقه نفسي في حد يكون قاعد جنبي يشاركني وقتي يشاركني ايامي يشاركني افكاري واحلامي ودي حاجه اصلا محساني بان انا متضايقه وعقده بس بجد يعني ممكن في سن معين لما اوصل له ابطل افكر على شخص يكون جنبي وببطل افكر في كل الكلام ده يا ريت والله طب السن ده كام
تم النشر الجمعة، ٨ مارس ٢٠٢٤
انا ليه عندي احساس اصلا ان انا هفضل وحيده طول عمري وما فيش حد هيتجوزني عشان كده انا بحاول ابطل افكر في اي حد عشان خلاص انا مش عايزه اتجوز حد
تم النشر الجمعة، ٨ مارس ٢٠٢٤
استني لحظه انا عندي سؤال هو انا لما اخلص سن المراهقه مش هحتاج حد احبه
تم النشر الجمعة، ٨ مارس ٢٠٢٤
والله كنت فكراها روبوتت😂😂😂😂
تم النشر الجمعة، ٨ مارس ٢٠٢٤
مش اوي برضو مش هعرف اشغل يومي كله بالاسلوب دة لازم يكون في فترة من الوقت اريح فيها اكيد دماغي هتفكر فيها هفكر فمين يتراا
تم النشر الجمعة، ٨ مارس ٢٠٢٤
والشخص اللي بيديكي مشاعر ده بيكون حبيبك ولا بيكون ايه طيب
تم النشر الجمعة، ٨ مارس ٢٠٢٤
لاا مسمحلكييش خالث هو امور بالنسبالي والله و مش عايزاه يكون امور علشان انا بطبيعتي ما بحبش الولاد الامامير انا بحب الولد يكون وحش عشان ما فيش حد يبص له غيري وعشان ما حدش يجي جنبه غيري فعشان الحلوين دول بيكونوا ملزقين وبتوع بنات ومش لطاف عشان كده انا ما بحبوش يكون حلو لكن انا مش واخداه حلو قصدي واخداه مش حلو يعني علشان انا مش عايزاه يكون حبيبي امال انا هكون بعمل ايه يعني هكون انا عايزاه يكون ايه اكيد مش هكون عايزاه يكون اب مش للدرجه دي😂♥
تم النشر الجمعة، ٨ مارس ٢٠٢٤
عشان يبقى دماغه قريبه شويه من دماغي ما حسوش طفل بزيادة😂😂😂♥
تم النشر الجمعة، ٨ مارس ٢٠٢٤
عايزه اقول لك والله العظيم بقرف منهم وبحسهم ملزقين واطفال وعارفه احساس ان انت مثلا بتفكري تتجوزي ابنك هو ده نفس الاحساس اللي بحس بيه لما بحاول افكر في شخص في نفس ثاني او اكبر بالسنه او السنتين او تسعه بالظبط لازم 10 فيما فوق لكن غير كده بيكونوا اطفال وانا اصلا ابان كبيره جدا جدا جدا جدا عن عمري يعني انا الناس في الشارع بتقول لي يا مدام وانا عندي 14 سنه ولما بلبس خمار مثلا اسود عليه النظاره ومش حاطه اي اي حاجه في وشي ولا حتى كريم تفتيح ولا اي حاجه ممكن يقولوا لي يا حاجه وده طبعا مش في شكلي بس ده في شكلي وفي تفكيري وفي حياتي كلها وده اتقال لي من كذا شخص قبل كده
تم النشر الجمعة، ٨ مارس ٢٠٢٤
طب سؤال انتي ليه مش بتعجبي مثلا بحد من زمايلك الي ادك او اكبر سنه؟
تم النشر الجمعة، ٨ مارس ٢٠٢٤
بس انا طول عمري ما كانش عندي كراش ولا الكلام ده وكمان انا مختمره وبحفظ قران وشخصيه كويسه والله
تم النشر الجمعة، ٨ مارس ٢٠٢٤
لا مش معظمهم الحمد لله كلهم
تم النشر الجمعة، ٨ مارس ٢٠٢٤
عشان اسلوبه حلو وعشان هو مش امور😂😂 بصي الروبوت باين اللي اسمه جهاد ده او جاد كان لسه بيسالني نفس السؤال وجاوبت عليه ممكن تقري كده الاجابه وبعدين تكملي نقاش معايا عشان انت لطيفه خالص وانا حبيتك يمكن يكون معاكي حل بس انا عايزه اقول لك فعلا فعلا هو مش امور يعني انا ماما مسمياه دكر الضفدع😂😂😂😂😂💔 ملحوظه كمان ماما تعرف ان انا معجبه بيه ونفسها ان هو يجي يتجوزني والله كلنا نفسنا اصلا ان انا اتجوز وامشي من البيت هنا مع اني في ثالثه اعدادي مش عارفه ايه ده والله
تم النشر الجمعة، ٨ مارس ٢٠٢٤
ما فيش صدقيني حاجه على اليوتيوب لو كان في ما كانتش الدفعه بتاعه مدرستنا كلها وبقيه الدفع اللي في مدارس تانيه كلهم بياخدوا عند المدرس ده ما فيش حد اصلا بيذاكر الانجلش المستوى الرفيع ده بالذات في البيت من كتر ما هو صعب انا قبل ما اعرف مستر الانجلش ده كنت باخد عند مستر تاني ب 70 جنيه وعايزه اقول لك القسط درجتين في ال english مع المستر اللي كان ب 70 جنيه ده وفي المستوى الرفيع نقست يمكن 9 درجات او 10 درجات انما مع مستر اللي انا معاه دلوقتي ده قفلت في ال english ونقست اربع درجات ونص بس في المستوى الرفيع ودي معجزه اصلا
تم النشر الجمعة، ٨ مارس ٢٠٢٤
و لو مفيش مدرس انجلش بفهم منه غيره و رخيص جدا حصته و تجريبي مش عربي و مدرسيين التجؤيبي قليليين جدا و غاليين و هو الوحيد المميز سبحان الله في كل حاجة😞😞
تم النشر الجمعة، ٨ مارس ٢٠٢٤
لعرض السؤال في فدني اضغط هنا