انا بنت وانا صغيره مكنتش بحب اروح الحضانه ولو روحت كنت بهرب لما ابويا وامى زهقوا قعدونى فى البيت وبابا اللى علمنى القراءه والكتابه ولو كنت بغلط كان يضربنى ضرب جامد لحد انهارده وانا عندى ١٦ سنه لسه فاكره كل قلم اخدته على وشى وفضلت لحد الان اضرب ضرب شديد لحد ما كرهت ابويا ومش قادره اقول كده دايما خوفا من الله وعقابه لانه فى النهايه اسمو ابويا وده سببلى خوف من كل حاجه ومن كل كلمه
اختى بنتاخنق كتير وابويا بسبب التفرقه كرهنا فى بعض
مش لاقيه اى اهتام من اهلى ولا حنان ولا تقديردابما شايفنى قليله وبيقارنونى بغيرى لحد ما فقدت الثقه فى نفسى وصدقت انى قليله فعلا
معنديش صحاب بيحبونى معنديش صحاب بيكملو معايا كل الناس ليها فتره وبتمشى نفسى فى صحبه تحبنى ومتسبنيش زى كل البنات
انا بخاف ربنا جدا انا عملت ايه عشان يحصلى كل ده انا فعلا حياتى سوده مفيهاش حاجه تفرحنى نفسى انهى حياتى بس خايفه من ربنا
ده نبذه بسيطه جدا جدا عن حياتى
نفسى حد يساعدنى احل مشاكلى
ساعة بتكون التربية فيه شئ من القسوة والعنف لكن تأكدي إن مفيش حد بيحبك قد والدك علشان كده هو كان حريص علي تعليمك مع انة كان ممكن يكبر دماغه ويتحاهلك ويقول دا بنت موش لازم تتعلم لكن هو عمل عكس كده ،وكمان الاب موش ليه سعة الصدر علي تعليم اولادة علشان اضغط انفسي بتاع الشغل وبلاش تركزي اوي مع معاملته للاختك سواء كويس أو وحشه لكن تأكدي أن هو بيحبك وكمان انتي ليس صغير في السن وفي مرحلة صعبه من العمر فيها تقلبات مزجية وبيكون الإنسان مننا نفسه في المرحلة دا أن هو يحس بالاهتمام والحب ويتحب وعنده عاطفة قوية ولكن كل دا بيمرر مع الوقت وبتوصلي لمرحلة النضج. أما بالنسبة نفسك تصحبي حد كويس لازم انتي تكوتني مميزه في كلامك ،لبسك ،حياتك شوي شوي هتلقي اصدقاء هم إلا عاوزين يتعرفوا عليك مع اني احدثك عن الاصدقاء وانا ليس لي اصدقاء فساعة بتكون الوحدة افضل بكتير...بلاش استعجال كل حاجه هتتحسن للأفضل بس الصبر وقربي من ربنا ذي ما انتي ...🌸
تم النشر الاثنين، ٩ أكتوبر ٢٠٢٣
بالنسبة للاهل للاسف اوقات حب الاهل بيكون بطريقة غلط .. وانتي طبعا او اي حد هيفكر في الموضوع من بره، هيلاقي انه عدم حب اساسا، بل انه كره، او عنف. او اي شئ انتي ذكرتيه. فيه عاملين مهمين جدا بيأثروا على تربية الاباء لاولادهم .. اول عامل هو تنشئتهم هما، يعني الاب او الام دول اتربوا ازاي؟ هل كان فيه عنف من وهما صغيرين؟ هل كانوا محبوبين اساسا من قبل اهلم؟ لان ده هينعكس بقى على طريقة تربيتهم لابنائهم. فيه نوعين (فاقد الشئ يعطيه) و (فاقد الشئ لا يعطيه) مين اللي بيقرر ده الشخص نفسه. ل اما يكون ضحيه .. ل اما يكون ناجي. وده نفس الكلمتين اللي هقولهم ليكي، ل اما تكوني ضحية ل اما تكوني الناجي. يعني ايه الكلام ده؟ لو بابا او ماما قبلوا يكونوا الضحية ل نتجية افعال اهلهم .. بكده هيكونوا نسخة طبق الاصل منهم في المستقبل. لو قبلوا او قدروا انهم يتمردوا على ده، هيكونوا اشخاص ناجيين .. هيكونوا متمردين على وضعهم. وهنا ننتقل لنقطة الوعي. ياترى بابا اساسا واعي ل اللي بيعملوا؟ ياترى هو عارف انه بيعمل حاجه غلط فيكي بانه يضربك؟ ما ممكن يكون بيعمل ده حبا فيكي؟ هتقوليلي حبا فيا؟ طيب ازاي؟ اه حبا فيكي، هو مش عارف ايه الصح وايه الغلط، بيتعامل معاكي بناءا على خبرته في التربية ... بيتم مقارنتك ب اصحابك علشان يكون تحفيز ليكي وتبقى احسن، لان هما شايفين من وجهة نظرهم ان ده هيخليها احسن، وان مثلا ممكن تغير وتبقى اشطر منهم. لان النتيجة انهم عايزين فعلا اشطر حد واحسن حد. ايه اللي يجبر بابا مثلا انه يعلمك من البيت؟ وبنفسه! يعني انتي كنتي مش بتحبي المدرسة وانتي صغيرة ايه اللي كان جابره مثلا انه هو اللي يقوم بالدور ده؟ لانه مش عايزك اقل من حد .. اه طريقته سيئة .. بس ايه رايك نركز على النيه؟ نيته ايه؟ ايه مش معقول، بابا معملش معاكي اي حاجه حلوة خالص؟ ولا ماما؟ فكري هتلاقي ... بالنسبة لصحابك .. قصة اننا فترات ديه في حياة بعض، هي مش لازم اوي الحقيقة. ولكن في العموم محدش يضمن حتى الشئ الالهي .. يعني غصب عننا احنا فترات سواء رضينا او لا. وهنا انا بأشير (للوفاة). وده مقصدي بالتدخل الالهي. طيب الصحاب بقى .. انتي عايشة علشان ايه؟ علشان تكوني صحاب للابد؟ ولا علشان تنتقي صحاب كويسين؟ هل من الضروري اننا نعمم مثلا على كل الناس انهم كلهم وحشين؟ اكيد لا، انتي وقعتي دلوقت ف ناس مش كويسة، بس هل ده يعني ان كل الناس مش كويسة؟ هل ده يعني اننا نقفل حياتنا على نفسنا ومنعرفش حد؟ اكيد لا .. انتي لسه العمر قدامك، لسه حياتك هتكون فيها حاجات كتير، متقفليش على نفسك من المنظور اللي انتي شايفة نفسك منه حاليا. خليكي مرنه مع نفسك، ووسعي مدارك دماغك. ربنا يوفقك
تم النشر الاثنين، ٩ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة🌷 حلو قوي ان علاقتك بربنا كويسه الحمدلله ودا مصدر قوة واساس ممكن تبني عليه احنا نقدر نتحكم في نفسنا وتصرفاتنا وردة فعلنا وغير مسئولين غير أفعال الغير يحكمنا التعامل معه انه والدك او والدتك او صلة رحم من الاسره ممكن نحاول نقوم بدورنا معاهم ابتغاء الثواب من الله قد يكون تعاملهم ابتلاء مثلا او نتيجة لتربيتهم وانهم شايفين ان دي التربيه بالنسبة لهم هيفيدك قوي تسطيح العلاقة نفسيا حبي نفسك زي ماانتي اعرفي نفسك الاول اعرفي احتياجاتك مشاعرك اكتبي افكارك اقري واسمعي حاجات تفهمك عن نفسك اكتر كل انسان مسئول عن تعافيه
تم النشر الاثنين، ٩ أكتوبر ٢٠٢٣
• ما سبب هروبك من الحضانة ، هل كُنتي تتعرضي لأي إيذاء ؟
تم النشر الخميس، ٢٥ يناير ٢٠٢٤
معلشي ربنا هيعوضك قولي لنفسك ديماا انك جميله وانك تتحبي بجد مش فتره🥹🤍
تم النشر الاثنين، ٩ أكتوبر ٢٠٢٣
لعرض السؤال في فدني اضغط هنا