بصراحة أنا شبهك في حتة الاهتمام دي شوية . ولحد دلوقتي فاكرة إني كنت ساعات في الشتا أتعمد أنام من غير غطا عشان والدتي تيجي تغطيني وتزعل إني نايمة كده 😂. أما موضوع المراية والكاميرا فبصراحة ده منتشر أكتر مما الناس متخيلة. أنا شفت بالصدفه كذا شخص بيعمل كده ، وكذا حد من صحابي قال إنه بيعملها برضو وكانوا بيحكوا الموضوع وهما بيتريقوا على نفسهم، فطلعنا كلنا في الهوا سوا 😂.و هوا الموضوع دا فعلا تافه و بيضايق بصراحه بس انا بقولك عشان اعرفك انك مش لوحدك 🥲. ربنا يهدينا. بس أنا مختلفة عنك في حتة إني لما بتعب فعلًا مبحبش أحكي ولا أقعد أوصف تعبي للناس، بتكسف من الشكوى أصلًا. ومع الوقت بدأت أقتنع إن الإنسان كل ما استنى من الناس إنها تلاحظ وتفهم وتديه الاهتمام اللي محتاجه بيتعب أكتر، لأن محدش هيبقى مركز معانا طول الوقت زي ما إحنا متخيلين. فبقيت أحاول أدي لنفسي الاهتمام ده بنفسي، ولقيت إن الإحساس ده خف عندي شوية.
فعلا عندك حق ، تسلميلي .
تم النشر الجمعة، ١٩ يونيو ٢٠٢٦
لعرض الإجابة في فدني اضغط هنا