ازاي اتخلص من التعلق المرضى مع بعض الأشخاص (غالبا أشخاص غلط) بلاقي اني بتعلق بالناس بسرعة ومش على قد بحب وجودهم لا انا ببقى محتاجه وجودهم.
الاسباب لدا في الأغلب أنها فراغ عاطفي واحتياج وللاسف بيتسد بأشخاص غلط، حاولت امنع دا مع شخص وللاسف أنه برضو حصل وحتى لما بعدت عنه فضلت بفكر فيه وكل شوية ببقى عايزه أكلمه حتى وانا عارفه أنه مفيش حاجه بينا ومش هيكون في.
اتعامل ازاي مع اضطراب مشاعري وتعلقي بالأشخاص والاماكن
حبي نفسك دي اهم نقطه اعتربيها صديق المقرب عشان لو حسبتيها صح كل مره بتكوني واقعه فيعا محدش بيكون جنبي غير ربنا ونفسك اللي جيتي عليها ف اعرفي تفسك اكتر اعرفي قيمه نفسك وانك غاليه صدقيني والله ما فيه اي حاجه مستهاله في الدنيا وقويه جدا علي فكرة
تم النشر السبت، ٢٩ أغسطس ٢٠٢٦
انزلي لأخصائية نفسية أو تواصلي مع أخصائية أونلاين للتشخيص ووضع خطة علاجية مناسبة لك تساعدك على التخلص من التعلق المرضي
تم النشر الأربعاء، ١٦ سبتمبر ٢٠٢٦
حاولي تفكري في مستقبلك وازاي تطوري من نفسك وتقربي من أصدقاء كويسين عشان متحسيش انك لوحدك وقريب من ربنا ومامتك خلي عندك هدف في الحياة شوفي اي مواهبك جربي حاجات جديده و كتير وشوفي بتحبي اي استغلي علي ثقتك في نفسك ونجاحك وصلاتك وقربك من ربنا
تم النشر الثلاثاء، ٢٥ أغسطس ٢٠٢٦
أنا فاهمة تمامًا شعورك يا عزيزتي، والتعلق ده مش ضعف فيكِ، لكنه غالبًا رد فعل طبيعي لفراغ عاطفي متراكم، وده بيخلّي الاحتياج يسيطر على المشاعر. المهم إنكِ واعية بالمشكلة وبتحاولي تتعاملي معاها، وده خطوة قوية جدًا. ابدئي بخطوات عملية: أول حاجة، حاولي تملئي الفراغ ده بطرق إيجابية زي التركيز على تطوير نفسكِ من خلال هوايات أو مهارات جديدة، أو حتى أعمال تطوعية وخيرية بتساعد الآخرين، لأن ده بيبني إحساس بالقيمة الذاتية ويقلل الاعتماد على وجود الآخرين. كمان، لما تحسي بالرغبة في التواصل مع الشخص ده، اكتبي مشاعركِ في مذكرة بدون ما ترسلي أي رسالة، عشان تفرغي الطاقة وتفهمي الدوافع ورا التعلق (هل هو خوف من الوحدة؟ أو احتياج للتقدير؟). من الناحية الإيمانية، الصلاة والدعاء والقرآن بيساعدوا كتير في تهدئة النفس وملء القلب بالسكينة، وتذكري إن الاعتماد الأساسي لازم يكون على الله مش على البشر. لو التعلق مستمر ومؤثر على حياتكِ اليومية، فكري في استشارة متخصص نفسي عشان يساعدكِ تفهمي الجذور أعمق وتتعلمي تقنيات للتحكم في المشاعر. ابحثي عن أسئلة مشابهة على فدني عشان تشوفي تجارب أخرى، وتذكري إنكِ قادرة تتغلبي على ده خطوة بخطوة، وأنا هنا لو عايزة تتكلمي أكتر.
تم النشر الاثنين، ٢٤ أغسطس ٢٠٢٦
بحس اني لو حبيت نفسي وعرفت قيمتها كل المشاكل دي هتتحل
تم النشر الاثنين، ٣١ أغسطس ٢٠٢٦
حاولي تعرفي عيوب ومميزات كل واحد بتتعلقي بيه وتركزي ف العيوب انها بالنسبالك حاجة اتخلصتي منها والمميزات تحاولي تعمليها لنفسك او تلاقي حد من اهلك او وجوده مضمون ياخد مكانه وبرضو دوري ع صحبة صالحة تكون تعلقك بيهم دا خير ليكي وهينفعك
تم النشر الأربعاء، ٢٦ أغسطس ٢٠٢٦
عندك حق برضو
تم النشر الخميس، ٣ سبتمبر ٢٠٢٦
لعرض السؤال في فدني اضغط هنا