حبيبتي أهلك هيكونوا فخورين جدا بيكي لما تاخدي الماستر و كمان دا هيفتحلك شغل يليق بمستواكي الفكري تقدري بيه تعوضي أهلك عن المصاريف والتعب اللي مروا بيه ففتره دراستك.. لكن ممكن أفهم إنتِ حالياا كدا موقفة دراسة ومش بتشتغلي يعني مفيش إستفادة.. كمان إنتِ قلتِ إن لو طلبتي منهم فلوس مش هيرفضوا يعني الحمدلله متاح .. إنتِ مسؤولة منهم على فكره ومينفعش يكون في إحراج في طلب الفلوس منهم لأنهم اهلك والطبيعي إنهم يصرفوا عليكي لحد ما تتجوزي
توكلي على الله وقوليلهم على المصاريف وخلي عندك نيه تعوضيهم عن تعبهم معاكي بعد ما تشتغلي بالماستر بإذن الله وصدقيني لو خدتي رأيهم هيقولولك كنوز الدنيا بس تكملي حلمك يا حبيبتي هما عايشين عشان يشوفوكي بتنجحي في حياتك ودي أهم حاجه عندهم أكيد
تم النشر السبت، ٢٥ مايو ٢٠٢٤
ده طبعا قيسي عليه حاجات كتير ده من فترة جالي قبول ف تدريب رئاسي مهم مارضتش أقوالهم عشان مفروض في سفر و هتكلف مبلغ هين 200او 300 أحرجت جدا أقول وسبت الفرصه تروح ، أنا غبيه اوي ف الموضوع ده وبجد خلاص مش قادرة اتحرك ومتكتفه وحسه أنا الذنب مع نفسي أنا بظلم نفسي أنا بضيع فرص ووقت أنا لو اشتغلت كنت هنطلق ومش هستخسر جنيه ف كريري والله
تم النشر الخميس، ٢٣ مايو ٢٠٢٤
هل صح كده ولا اقولهم ع المصاريف واتوكل ع الله ولا حرام عليا و اصبر ولا اعمل ايه
تم النشر الخميس، ٢٣ مايو ٢٠٢٤
متاح بس هبقى بضغط عليهم أنا حسه بكده لأن في مسؤوليات زادت وكمان بسبب الاسعار ف الدخل مش زي زمان ، ف محرجه اوي اوي اطلب وأنا شايفه كل ده ومع أن المبلغ الي عايزاه مش كبير خالص بس واقف حياتي عليه ، هو الفترة دي طبعا ماعداش يوم عليا غير وأنا بفكر وضاغطه نفسي ومخنوقه وكمان أنا بذاكر انجليزي عشان عندي امتحان وده كمان عايز فلوس ف كل ما افكر ف كل ده بحس اللي هو كتير كده ، الجامعه لو عينتني هترجع المصاريف الماستر الي دفعتها بقول كده لنفسي واني هعوضهم بس والله بقى تقيل الموضوع عليا لدرجه بنزل ادور ع اي شغل حتى لو ف محل مع اني كده بنزل من مستوى تعبي ع مدار السنين اللي فاتت رغم مافيش شغل عيب ولا حرام اني اشتغل شغل أقل مني بس ده الي بيجي ف بالي
تم النشر الخميس، ٢٣ مايو ٢٠٢٤
لعرض الإجابة في فدني اضغط هنا