والله من خبرتي كوني شاب ومن معاشرتي للشباب فا خطيبك مش بيعمل كده فالغالب لأنه القلب الابيضاني (حتي لو بيضحك علي نفسه ومفهم نفسه انه كده)، هو فالغالب مبسوط بالوضع. اتنين بيحبوه ولو اتضايق من واحده بيروح يشتكي للتانيه ومش رابط نفسه بأي واحده. الي هتضايقه الباب يفوت جمل خليني مع التانيه. ولنفترض انه القلب الابيضاني الخايف علي قلب المحبوبه التانيه فا ليه قلبه مش ابيض معاكي ومش مقدرك كونك خطيبته والشخص الي اختاره. انتي قوليله انك هتسيبيه فخلال اسبوع لو مقطعش طرق التواصل مع التانيه ولو مسابهاش يبقي هو عايزاها هي مش عايزك انتي. ولو سابها خير وبركه. والي بيعمله هو عباره عن انه بيعطل البنت التانيه وبيديها مخدر اني جمبك وهو مش جمبها وفالغالب مش جمبك انتي كمان. هو الوحيد الكسبان من الوضع دا. ونصيحه اختاري حد يكون اب لعيالك غيره. حد يكون يستحق الثقه ويحترم مشاعر الشخص الي معاه. لأن بالمنظر دا بعد الجواز هتلاقيه بيكلم بنات ولما تتخانقي معاه هيقولك متبقيش انانيه والكلام المسموم دا كله.
شكرا ل حضرتك 🤍🤍
تم النشر الخميس، ١ فبراير ٢٠٢٤
خلاص ابدأي معاه انتي فالموضوع دا لأنه موضوع كبير ميستحملش انك تستنيه لما يتكلم فيه. وعلي الاقل هتكوني كده الشخص الي بيدير الحوار. واحب افكرك انك قولتي جمله كده فالنص "واني مكنتش موجوده في الفتره دي مع اني كنت موجوده" فا من كلامك انه كذب عليكي فهذه النقطه فا مفيش شئ يمنع انه كذب عليكي فمواضع تانيه فالكلام . عموماً كلميه وقوليله ينهي الوضع دا بأي شكل من الاشكال لأن الي بيعمله مش حل والافضل ليكي وليها وليه انه ينهي الموضوع دا وميبصش وراه تاني ويبدأ حياته الجديده الي هو عايزها معاكي . وكان فيه دكتور نفسي مشهور كده لا يحضرني اسمه كان بيقول النهايات الحقيقيه لا يسبقها وداع فا لما حد سأله طب ولو حصل وداع قاله يبقي فيه شك فالرغبه في النهايه. كلام الدكتور مش قران فالنهايه لكن كلامه ليه جزء ملامس للواقع. فا يا يروح ينهي علاقته بيها ويقفل كل الابواب ويبص علي الي جي ويسيبه من الماضي يا خلاص شوفي الانسب ليكي. الخلاصه كلميه ان الوضع دا حتما لازم ينتهي حالا.
تم النشر الخميس، ١ فبراير ٢٠٢٤
ممكن كل شئ وارد بيحكيلي ل اسباب غريبه بس في حاجه اسمها ثقه وهو فاتح ليا حياته كلها حرفيا مفيش راجل بيعمل كدا ، ولاكن هرجع واقول ل حضرتك أن اه فعلا الوضع مش كويس ومش مناسب ولا ليا ولا لي هو ولا ليها بس انا عايزة اعرف لو كلمته أقوله اي بالظبط !؟ أكلمه انا ولا استني لما يجي يفتح هو الموضوع !؟ أكلمه شات ولا فون ولا لما اشوفه !؟ دا اللي انا عايزة اعرفه دلوقتي
تم النشر الخميس، ١ فبراير ٢٠٢٤
هو انا وضحت أنه مرتبط بيها ؟؟؟ هو مش مرتبط بيها ع فكرا وكلامه كله معاها بحدود وهو مش مقعدها جنبه هي اللي موجوده يعني هي لو مشيت هو مش هيمسك فيها فاهم دا ؟!
تم النشر الخميس، ١ فبراير ٢٠٢٤
عموماً انا فاهم ان الحب دايما بيبقي اعمي. انا حاليا لا بتهمك ولا بتهمه وانتي ادري بنفسك وبيه. لكن فالعموم الموضوع يرجعلك اذا حابه ترتبطي بواحد مقعد واحده جمبه عشان ميجرحش مشاعرها (وانتي مشاعرك تتجرح عادي مش مشكله اهم شئ متكونيش "انانيه"). انا لو مكانك فالغالب مش هرضي. لأني فمكاني الان مش هرتبط بواحده تقولي انا عرفت الشخص دا قبلك ومش عايزه اسيبه عشان مجرحهوش ومتبقاش اناني انا هخليه معايا لحد ما اخليه يبعد عني بدون ما اجرحه. وزي ما بقولك لو هو فعلا مش عايزها هي وعايزك انتي فا يعملها بلوك من دلوقتي لأن كده لعب بيها وتضييع وقت و مخدر بيديهولها وامل زائف. فا لو انتي فعلا مش انانيه يبقي لازم تخليه يا يفركش معاها ويخلي الكلام واضح عشان البنت متتعلقش بيه او بأمل زائف يا تخليه يروحلها. وكونه حكالك مش شئ تقدري تجزمي بيه انه عايزك انتي وانه راجل امين. والله انا اعرف واحد والله كان بيعمل كده لأسباب عجيبه احنا فغنى عن ذكرها. فا احيانا دي بتبقي رغبه عند الراجل انه يحكي للطرف الاخر الكلام دا. انا معرفهوش عموما عشان اجزملك انه كده بس انا شايف من كلامك ان الوضع مش وضع كويس خالص ولا منطقي حتي. وشكراً
تم النشر الخميس، ١ فبراير ٢٠٢٤
هو اللي عمله غلط مقولتش حاجه بس احنا بنعالج الغلط سوا وكمان في انسانه مشاعرها اتعلقت بيه اكيد مش هحب اني أذيها علشان انا ارتاح ولاني اغصبه ع حاجه يعملها علشان انا ارتاح لانه بسهوله ممكن يعملها من ورايا حضرتك فاهم دا ولا لا ؟؟
تم النشر الخميس، ١ فبراير ٢٠٢٤
مع احترامي ل حضرتك يعني بس مسمحلكش تتكلم عنه بالشكل دا وانك فجأه طلعته بيلعب بيا وبيها وانت متعرفش جوانب الموضوع كامله ! هو لو انت زي ما بتقول كان ممكن عادي جدا يرتبط بيها ويخطبني وميقوليش ع اللي حصل واهو اختارني انا ام ل أولاده وهصون بيته وهو يقضيها برا ، لاكن هو معملش كدا هو اتكلم معايا بكل صراحه لانه واقع في مشكله والوضع مش عاجبه ف عايزني اساعده نحل الموضوع مش اتخانق معاه واحطه في مقارنه ي انا ي هي !! لانه هو لو كدا مكنش حكالي ولا اتكلم وكان خبي وداري زي ولاد كتير بتكلم بدل الواحده 10 وكمان مشاكلي مش بيحكيهالها لانه الواتساب واكونتاته معايا يعني كل حاجه قصاد عيني
تم النشر الخميس، ١ فبراير ٢٠٢٤
لعرض الإجابة في فدني اضغط هنا