السلام عليكم ولا اول مره هتكلم في موضوع زي دا مع حد في السوشيال ميديا أو اتكلم مع حد عموما
انا كنت مرتبطه ب ابن خالتي سنه كامله وكنا كويسين جدا مع بعض وبنحكي كل حاجه ل بعض وهو شخص كويس وطيب ومحترم وبيحبني وبيخاف عليا ومبيقدرش يخبئ عني حاجه دا بحكم اني عودته ع أننا هيبقا في بينا مساحة نبقا صحاب نحكي كل حاجه فيها علشان منتكلمش مع حد برا
المهم قبل ما نكمل سنه مرتبطين هو كان في محافظه تانيه بحكم أنه هيشتغل ونفس الفتره كانت في ظروف مش احسن حاجه في بيتهم ومشاكل كتير وضغط انا كنت معاه فيها ومقدراه جدا ومستحمله تقلباته دي اه كنت بضايق أنه مش بيكلمني زي الاول ولا بعرف أوصله احيانا لاكن كنت بقول معلش ضغط عليه بردو وكنت برجع اصالحه
لحد ما في يوم اتخانقنا خناقه كبيرة وسيبنا بعض وبعدها ب اسبوع هو نزل وقرر أنه يخطبني وفعلا اتخطبنا والحمد لله
المشكله أنه قبل يوم الخطوبه حكالي أنه اتعرف ع بنت في المحافظة التانيه والبنت حبته واتعلقت بيه ومش عارفه تسيبه وهو قالها أنه هيخطب بس هي مش مستوعبه الفكره دي ولحد الان هي بتلجأله وبتتكلمه كل فين وفين بس هو بعد المكالمه بيجي يحكيلي ع طول اللي حصل واللي اتقال احيانا بتقبل الكلام وبتناقش معاه كصاحبته واحيانا لا بزعل وبقوله انت لي دخلتها من الاول " هو بيقولي أنه ندمان ولحظة ضعف واني مكنتش موجوده في الفتره دي مع اني كنت موجوده وبيقولي انه غصب عنه وأنه لما قرر يختار اختارني انا واتخطبنا مع أنه كان صعب نتخطب دلوقتي لأننا سننا واحد ولسه صغيرين وبيقولي انا حكيتلك انتي مكتشفتيش دا
بس انا بجد الموضوع مضايقني وحاسه اني فقدت ثقتي فيه وتايهه اوي ومش مصدقه أنه عمل كدا وانا مكنتش مقصره ونفس الوقت مضايقه أنه هو ضميره مأنبه عليها وعايز يساعدها تنساه وأنها بتكلمه كل فين وفين دا بردو مضايقني
حد يفهمني اعمل اي وانصرف ازاي واقوله اي علشان الموضوع دا يتقفل وهو ميحسش بتأنيب الضمير من ناحيتها وأنه علقها بيه ومشي ؟؟
والله من خبرتي كوني شاب ومن معاشرتي للشباب فا خطيبك مش بيعمل كده فالغالب لأنه القلب الابيضاني (حتي لو بيضحك علي نفسه ومفهم نفسه انه كده)، هو فالغالب مبسوط بالوضع. اتنين بيحبوه ولو اتضايق من واحده بيروح يشتكي للتانيه ومش رابط نفسه بأي واحده. الي هتضايقه الباب يفوت جمل خليني مع التانيه. ولنفترض انه القلب الابيضاني الخايف علي قلب المحبوبه التانيه فا ليه قلبه مش ابيض معاكي ومش مقدرك كونك خطيبته والشخص الي اختاره. انتي قوليله انك هتسيبيه فخلال اسبوع لو مقطعش طرق التواصل مع التانيه ولو مسابهاش يبقي هو عايزاها هي مش عايزك انتي. ولو سابها خير وبركه. والي بيعمله هو عباره عن انه بيعطل البنت التانيه وبيديها مخدر اني جمبك وهو مش جمبها وفالغالب مش جمبك انتي كمان. هو الوحيد الكسبان من الوضع دا. ونصيحه اختاري حد يكون اب لعيالك غيره. حد يكون يستحق الثقه ويحترم مشاعر الشخص الي معاه. لأن بالمنظر دا بعد الجواز هتلاقيه بيكلم بنات ولما تتخانقي معاه هيقولك متبقيش انانيه والكلام المسموم دا كله.
تم النشر الخميس، ١ فبراير ٢٠٢٤
وعليكم السلام ورحمة الله وبركاته .. بصي هي تحسب له انه جه وحكى ليكي .. ولكن مش معنى ده انه يخلى الباب موارب. هو بالشكل ده مخلي الباب موارب، يعني ليه مقفلوش؟ لو هو خايف يقفله علشان البنت وكده .. ما هو ده الصح واللي لازم يحصل؟ يعني البنت ديه ايه ذنبها دلوقت! حبت واحد وهتفضل تحبه وهو بيحب واحده تانية!! الافضل يقفل الباب ده فورا اه هي هتتعب شوية ولكن مفيش حل تاني. كده الموضوع مش هيبقى طبيعي .. ويحط نفسه مكانك ..هل هو هيبقى متقبل ده ؟ لو انتي مكانه! اتكلمي معاه وبهدوء كده وشوفي رده هيكون ايه؟
تم النشر الأربعاء، ٣١ يناير ٢٠٢٤
اعتقد ان اللي بيحب واحده حتى لما بيسيبها مش بيرتبط بحد تاني بالسهوله دي ممكن يكون حد عرف بالموضوع ده وهدده انه هيعرفك خصوصا انه كان هيخطبك فقرر ان هو يبدا بنفسه ويقول لك بدل ما انت تكتشفي ان هو خانك ثانيا ازاي بيحبك وخايف على البنت انا مش فاهمه خلاصه الكلام يا تكون انت في حياته رقم واحد وموضوع البنت دي سخيف جدا ولا يمكن التناقش فيه حتى لو باقي عليك يقفل الموضوع ده خالص وانت كمان تبيني له انك متضايقه
تم النشر الخميس، ١ فبراير ٢٠٢٤
بصي ان الله غفور رحيم وادام صرحك عدى بي شرط انه ميكلمش البنت التانيه حتي لة بصداقه
تم النشر السبت، ٣ فبراير ٢٠٢٤
لعرض السؤال في فدني اضغط هنا