انا ثانويه عامه انا زي طالبه فى بدايه السنه حماس وكدا بس لظروف كل حاجه اتغيرت من شهر عشره وانا تعبانه نفسيا على طول ومخنوقه ومش طايقه المذاكره وكرهت نفسي اوي اوي وكنت حاسه انى غريبه
و حصلي انهيار عصبي كذا مره كشفت واتشخصت باكتئاب واضطراب قلق عايشه فى رعب وتوتر على طول والفيزياء من اول شهر فى السنه ذاكرتها وبعدين مفتحتهاش تانى
بقيت المواد مراكمه أجزاء هحاول المها المهم انا عايزه اقسم السنه لانى عايزه احاول اخفف ضغط عني ولما كلمت ماما على الموضوع ده قالتلى انتى حره ومش موافقه على القرار وقالتلي صاحبك يبقوا فى الجامعه وانتى لسه فى ثانوي وضغط لسنه تاني ملحوظه برضو انا هأجل فيزياء وانجليزي بس لانى حاسه انى مش هجيب فيهم مجموع هى بصت على الناس وكلامهم وكمان كان فيه واحده جارتي قسمت ومجابتش مجموع وهى باصه عليها انى ممكن او اكيد هبقي زيها جماعه انا مش عارفه اعمل ايه محتاره ومخنوقه انا شايفه انها ينه مش هتضيع وهطور نفسي فيها اكتر واحسن صحتي النفسيه
كنت ناويه بعد ثانوي اخد سنه بريك ف هى زيها واعمل فيها اللى كنت ناويه اعمله
كلامي ملخبط اسفه بس ربنا يعلم بحالى والله
انا معرفش حوار انك تقسمي السنه ده لازم يبقى في اجراءات من قبلها بشويه ولا عادي قبل الامتحانات علطول بس في رأيي لو ينفع تصبري وتبدأي مذاكره كانك هتدخلي امتحان كل المواد عادي جدا وان شاء الله مجرد ما تبدأي اصلا هتلاقي الدنيا مشيت معاكي كويس اوي هي الفكره بس انك تبطلي تفكري في القرار وتبدأي شغل علطول وتقدري تسالي كل مدرس ازاي تلمي كل ماده او اي اهم حاجه تحليها وهكذا لأنه بجد السنه الجايه مش مضمونه والواحد بيبقى مفكر انه قدام هيبقى عنده وقت اكتر ف حين انه ميعرفش اي هيحصل + فكري انك لسه عندك الوقت وتقدري تخلصي من كل ده بدل ما تفضلي سنه كامله كمان في الضغط ده، وبالنسبه للخوف والتوتر اللي انتي فيه فانا مقدراه وممكن تطمني نفسك انك هتحاولي ولو مقدرتيش تخلصي عادي مش هتضيعي وهيبقى عندك اوبشن انك تأجلي وقتها بس على الاقل هتكوني حاولتي وده هيديكي مساحه انك تحاولي وتجتهدي والتوتر والخوف اللي غالبا موقفينك اخف واقل طبعا ده في حالة انه ينفع تأجلي قرارك ده ولو مينفعش ولازم تاخدي قرار حاليا فكل اللي اقدر اقولهولك متخافيش ادعي واستخيري وانوي انك تشيلي مسؤولية قرارك ايا كان واللي ربنا ييسره ليكي اعمليه ومتحطيش في اعتبارك الناس المهم انتي هتقدري تستحملي ايه واي لا وصدقيني الشخص الصادق ربنا بيكرمه بس خليكي ناويه تعملي اللي عليكي في كل الاحوال وربنا يوفقك
تم النشر السبت، ٢١ مارس ٢٠٢٦
أولاً كلامك مش ملخبط خالص. أنا فهمت كل حاجة وحاسس بثقل اللي بتشيليه. بتعيشي حاجة صعبة جداً: جسمك وعقلك قالولك "وقفي" في وقت المجتمع كله بيقولك "اجري". ده مش فشل — ده إنهاك حقيقي. طب ليه بتمري بده؟ المخ البشري عنده طاقة محدودة. لما بتتعرضي لضغط مستمر لفترة طويلة بيحصل إرهاق في الجهاز العصبي، وعلامته الأساسية إن كل حاجة بتبقى تقيلة حتى اللي كانت سهلة. اللي حصلك من شهر عشرة مش ضعف إرادة — ده جسمك اشتغل بأكتر من طاقته لفترة وجه يوم قال كفاية. الاكتئاب واضطراب القلق اللي اتشخصتِ بيهم بيسرقوا منك الطاقة اللازمة للتركيز، ويخلّوا أي مهمة صغيرة تحسي إنها جبل. يعني مشكلتك مش في المذاكرة — المذاكرة بس هي اللي بتظهر فيها المشكلة. خطة المذاكرة الفكرة إنك متطلبيش من نفسك كتير دفعة واحدة. كل يوم هتعملي 10 جلسات، كل جلسة 30 دقيقة، وبين كل جلسة وتانية راحة 10 دقائق على الأقل. مثلا **الفيزياء** هتاخدي منها 4 جلسات في اليوم. الجلسة الأولى قراءة الباب من غير حفظ بس عشان تتعرفي عليه. الجلسة التانية تكتبي أهم 5 نقط بكلامك إنتي. الجلسة التالتة تحلي 3 أسئلة بس مش أكتر. الجلسة الرابعة مراجعة سريعة لكل اللي اتعمل. مثلا **الإنجليزي** هتاخدي منه 3 جلسات. الأولى 10 كلمات جديدة مع جملة لكل كلمة. التانية تمرين قراءة قصير. التالتة قواعد نقطة واحدة بس. **باقي المواد** هتاخدي منها 3 جلسات موزعين حسب أقرب امتحان. وهكذا قاعدة مهمة جداً لو يوم صعب ومش قادرة تكملي الـ10 جلسات — متعاقبيش نفسك. القاعدة الوحيدة إنك مش مرتين متتاليين بتوقفي خالص. يوم وقع، تاني يوم ترجعي. وبخصوص قرار القسم، مش لازم تقرري دلوقتي. جسمك وعقلك في وضع إنهاك وده أسوأ وقت لقرارات كبيرة. السنة البريك اللي بتفكري فيها مش هروب، ده ذكاء. خدي الثانوية الأول وبعدين قرري بعقل مرتاح. بالتوفيق 😊
تم النشر السبت، ٢١ مارس ٢٠٢٦
يا حبيبتي، أول حاجة أقولك إني فاهمة تمامًا إحساسك ده، وكلامك مش ملخبط خالص، ده صرخة من قلب تعبان نفسيًا وده طبيعي مع اللي بتمري بيه. أنتِ طالبة ثانوية عامة قوية وبتحاولي، وده يستحق الإعجاب. خلينا نرتب الأمور خطوة خطوة عشان تخففي الضغط ده. 1. صحتك النفسية أولوية رقم 1 : أنتِ تشخصتِ بالاكتئاب والقلق، وده مش هزار. استمري في العلاج اللي كشفتِ عليه (دواء أو جلسات)، ولو محتاجة دعم إضافي، روحي لدكتور نفسي متخصص. تقسيم السنة ممكن يكون خطوة ذكية جدًا لو هيخفف الرعب ده ويخليكِ تطوري نفسك بدون انهيار، خاصة إنك ناوية سنة بريك بعد كده – يعني مش هتضيع سنة، هتكسبي صحة وتركيز أحسن. 2. القرار بتاع التقسيم : إيجابياته : تخفيف التراكم (الفيزياء والإنجليزي هتأجليهم وتركزي على الباقي)، وقت للراحة النفسية، وهتدرسِ بكفاءة أعلى. مش كل اللي قسمت فشلت زي جارتك، كتير نجحوا ووصلوا جامعات كويسة. سلبياته : تأخير سنة عن الأصحاب، بس الجامعة مش سباق، والصحة أهم. ماما خايفة عليكِ، فكلميها بهدوء: قوليلها "أنا عارفة مخاوفك، بس لو كملت كده هنهار، والتقسيم هيساعدني أجيب مجموع أحسن وأدخل اللي أحبه". 3. خطة عملية دلوقتي (لو مش هتقسمي فورًا) : رتبي المواد : ابدئي بالأولويات (رياضيات، كيميا، إلخ). خصصي يومين أسبوعيًا للفيزياء بس ساعة واحدة عشان متكرهيهاش أكتر. جدول يومي بسيط : 3-4 ساعات دراسة مقسمة (ساعة دراسة + 10 دقايق راحة). نامي 8 ساعات، كلي وجبات منتظمة، ومشي 20 دقيقة يوميًا (ده بيحسن المزاج طبيعي). تقنية صغيرة : استخدمي "Pomodoro" – 25 دقيقة دراسة مركزة، بعدين مكافأة، وركزي على "اللي هقدر أعمله النهاردة بس". 4. دعم إسلامي سريع : توكلي على ربنا، صلي الضحى يوميًا وقولي "اللهم أعني على ذكرك وشكرك وحسن عبادتك"، وادعي في السجود: "يا رب فرج همي ويسر أمري". ربنا مش هيضيع تعبك. أنتِ بطلة بتحاربي. لو محتاجة استشارة نفسية أو تعليمية، روحي https://www.fedni.net/experts وابحثي عن خبراء ثانوية عامة أو نفسية. كمان، ابحثي في فدني عن "تقسيم ثانوية عامة" هتلاقي إجابات تفيدك. قوليلي إيه رأيك في الخطة دي، أو لو عايزة نعدلها؟ أنتِ هتنجحي إن شاء الله، مع الوقت هتحبي نفسك تاني. 💕
تم النشر السبت، ٢١ مارس ٢٠٢٦
محدش هيشيل شيلتها لو جابت مجموع وحش ومحدش هيرحمها من مجتمع واقارب خدي السنة براحتك وحاولي تطلعي باعلي مجموع
تم النشر السبت، ٢١ مارس ٢٠٢٦
طيب بما انك قررتي خففي المواد يعني مثلا ادخلي فى المواد المش بتضاف فى المجموع و مادتين أساسي منها تكسري رهبة اللجن و يبقى خففتي ع نفسك الضغط شوية من السنه الجاية و متمريش بدا تاني و يبقى الدنيا رايقة بالنسبة ليكي
تم النشر السبت، ٢١ مارس ٢٠٢٦
موفقة وبإذن الله ربنا يجبر بخاطرك
تم النشر السبت، ٢١ مارس ٢٠٢٦
ده اللى. بفكر فيه والله انى عايزه اجيب مجموع عالى وادخل كليه أحلامي وهما مش هيجوا فى الاخر يقولولي معلش اصلك كنتي تعبانه ومضغوطه مش هستحمل انى مجبش مجموع لقدر الله وان شاء الله هعمل اللى عليا واحسن من نفسي وأثبت ان السنه مش هتضيع وشكرا اوي
تم النشر السبت، ٢١ مارس ٢٠٢٦
شدي حيلك لسه في وقت يا روحي بجد بقولك ماتنمش الفتره دي ذكري كويس جدا بجد مش هتندمي النتيجه دي بتاعه ربنا
تم النشر الأحد، ٢٢ مارس ٢٠٢٦
ضغط الشهرين صعبين عليا انا وضحت انى عندي اضطراب قلق ولسه فى بدايه العلاج يعني لو شايفه انها حاجه او فتره وتعدي ف بالنسبالى لا لانى للاسف بشوف الموضوع بحجم اكبر من اللي. شايفينه
تم النشر السبت، ٢١ مارس ٢٠٢٦
القسمة حل مش حلو ضغط شهرين احسن من ضغط نفس السنة تاني و عادي هتقدر تلم المواد ليه فيه وقت
تم النشر السبت، ٢١ مارس ٢٠٢٦
لو حاسه فعلا انك متقدريش بلاش تضغطي نفسك واقسمي السنه
تم النشر السبت، ٢١ مارس ٢٠٢٦
عادي اسمعي المراجعات و حلي على اساسها و المتعرفهوش شوف الجزء بتاع الشرح للنقطة ديه بس مش كل حاجه
تم النشر السبت، ٢١ مارس ٢٠٢٦
المستر قال مينفعش تراجعي دروس انتي اصلا مسمعتهاش وهما خلاص المدرسين هيبدوا مراجعات نهائيه
تم النشر السبت، ٢١ مارس ٢٠٢٦
شعور الضغط دا طبيعي و لكن الحل دلوقت انك ترمي نفسك و تلحقي الدنيا ع قد م تقدري طيب ازاي اولا امشي مع المدرسين ف الباقي من المنهج و حاولي تجمعي معاه من القديم و حلي كثييير طبعا و ربنا معاك
تم النشر السبت، ٢١ مارس ٢٠٢٦
لعرض السؤال في فدني اضغط هنا