اخويا في ٣ث علمي علوم، مستواه متوسط وبحاول أقنعه يقسم السنة وهو رافض .
هل قراره صح ولا احاول أقنعه تاني ؟
هو مبسوط بمذاكرة بداية السنة وشايف إن درجات امتحانات الشوامل والاختبارات السريعة هي اللي هتكون في آخر السنة ومش راضي يقبل إن الموضوع مختلف عن كده
السلام عليكم و رحمه الله و بركاته أنا كمان تالته ثانوي علمي رياضه ، أنا شايفه إن حتى لو مستواه متوسط إحنا لسه في البدايه يقدر يغير مُدرسين أو يقوي نفسه ف الماده الي ضعيف فيها ، ده غير إن في البدايه طبيعي يكون في صعوبه معاه ف فهم بعض المواد ، ماده ذي الفيزياء مثلاً ف هي منهجها مُختلف عن أي سنه درسناها فيها قبل كدا ف الموضوع محتاج صبر و جُهد مش من البدايه هيكون شاطر في الماده بسهوله،، و تقسيم السنه أسوأ شيء ممكن يعمله ، هيضيع سنه من عُمره و لو مجبش المجموع الي ف باله نفسيته هتتعب ، ده غير كون صحابه هيبقوا أكبر منو و هو لسه ف تالته عايش التعب النفسي لسنتين متواصلين هيبقا صعب هو حقيقي قرار كل المدرسين بيحذرونا منو حتى لو كُنا مراكمين ، الأحسن ياخد السنه على مره واحده و يرضى بالمجموع أياً كان ف ربنا أكيد هيقدرله الخير حتى لو مش في الكليه الي عايزها ،ف اتركه على راحته هو صح في قراره و بالتوفيق
تم النشر الثلاثاء، ١٤ أكتوبر ٢٠٢٥
كويس والله انو عندو اخ ذيك و كدا مهتم بيه و عارف مصلحته قسمه السنه اولا مش حاجه وحشه ف ناس كتير بتقسم و بتجيب و بتطلع من الأوائل كمان و انا شوفت دا و ف ناس بردو بتقسم و مش بتجيب مجموع و ف بردو اللي مش بيقسم و بيجيب و هكذا ل اللي ميجبش اهم حاجه المذاكره و الاستمرارية بجد طالما بيذاكر و مش بيراكم خلاص هوا كدا ان شاء الله ربنا يوفقه خليك بس معاه لو فضل مكمل و بيذاكر اول ب اول و لازما متابعه جامده معاه ف ناس كتير كانت بتطلع من الأوائل و تيجي ف تالته والله ما بتجيب مجموع و ف ناس عمرهم ما طلعو و تلاقيهم ف احسن كليات تالته ثانوي عمرها ما كانت مقياس ل مستواه ف السنين اللي فاتت هيا عايزه حد عندو صبر و مذاكرته و خلاص و هوا طبعا ليه حريه الاختيار طالما هيستحمل ضغط سنه و يكمل و يذاكر خلاص لو حس انو هيتعب و مش عارف ينظم وقته و مذاكرته و كدا يقسم
تم النشر الثلاثاء، ٢١ أكتوبر ٢٠٢٥
ليه يقسم السنه الموضوع مش مستاهل هو بس يعمل ال عليه ويذاكر بإجتهاد وربنا مش هيضيع تعبه والله الفكرة دي مش كويسه خالص يعني ممكن تكون كويسه شويه لطالب ازهر علمي اما عام مش مستهله وهو مستواه متوسط يعني عادي احنا لسه ف اول السنه بس مع الحل الكتير طول السنه هيبقا مستواه احسن بكتير وربنا يوفقه ويكرمه بمجموع عالي يفرحه ويفرحكم.
تم النشر الجمعة، ١٧ أكتوبر ٢٠٢٥
٣ ث لا تستحق انه بضيع سنة من عمره عشانها ... انا جايلك من المستقبل و بقولك كده و اللي مكتوبله هياخده ولو كان اي و طالما هو مبسوط و مجتهد و شايف هو بيعمل اي سيبه يفكر و يتخذ قراراته و يبقي مسؤول عن نفسه هو هيبقي راجل مش عيل صغير
تم النشر الخميس، ١٦ أكتوبر ٢٠٢٥
مرحبًا، سعيده بتواصلك معي 😊 خليني أساعدك تفهم الوضع وتحاول تتعامل معه بحكمة وحنان. أولاً، من الطبيعي أن يكون الطالب في ٣ث عنده ضغوط وتوتر، خصوصًا مع حجم المواد وطبيعة التقييم اللي بيكون أكثر شدة في السنة النهائية. قرار أخوك بعدم تقسيم السنة ممكن يكون نابع من شعوره بالراحة في النظام الحالي، لكنه في نفس الوقت يبدو غير مدرك تمامًا لطبيعة التقييم وأهميته. نقاط تقدر تركز عليها مع أخوك لتقنعه بتغيير قراره أو على الأقل يفكر فيه بجدية أكبر: فهم طبيعة التقييم الفعلي في ٣ث : هناك امتحانات شهرية (شوامل) وامتحانات قصيرة، لكنها ليست فقط من تقيم الطالب. في نهاية السنة هناك امتحان نهائي شامل غالبًا ما يحدد مستقبله الجامعي. من غير تقسيم السنة، الطالب قد يواجه ضغط أكبر في نهاية العام، مما قد يؤثر على مستواه. توضيح الفوائد الحقيقية لتقسيم السنة : التقسيم يخفف الضغط، ويعطي فرصة لمراجعة وفهم أفضل للمادة. فرص أكبر لتحسين الدرجات من خلال الامتحانات المقسمة. إدارة الوقت أفضل وأكثر مرونة. الاستماع له والتفاهم : حاول تسمع منه أكثر عن سبب تمسكه بقراره. هل هو خائف من التغيير؟ أو مؤمن بأن طريقته هي الأفضل؟ هذا الحوار يساعدك تفهمه وتشرح له بطريقة تناسبه. تذكيره بالهدف الأسمى : مستقبله الجامعي والمهني، وكيف أن النجاح اليوم هو أساس لمستقبله. وأخيرًا، حاول تدعمه وتبقى بجانبه، لأن الدعم والتشجيع هم أهم عوامل نجاح الطالب. وإذا احتجت نصائح أكثر تخصصًا، ممكن تستشيروا خبراء تعليم في فدني من خلال صفحة الخبراء https://www.fedni.net/experts . هل ترغب في نصائح عملية لمساعدته بتنظيم المذاكرة أو إعداد خطة دراسية؟ أنا هنا دائمًا لمساعدتك أنت وأخوك! 🌟
تم النشر الثلاثاء، ١٤ أكتوبر ٢٠٢٥
صدقني تقسيم السنة صعب لان تالتة ثانوي متعبة جدا جدا جدا ، وكمان تخيل صحابه في اولى جامعة وهو لسه مخلصش ثانوية عامة حرفياً دي لوحدها تجيب اكتئاب
تم النشر الثلاثاء، ١٤ أكتوبر ٢٠٢٥
أسوأ قرار انه يقسم السنه ، مفيش حد قسم السنه وكان مبسوط
تم النشر الثلاثاء، ١٤ أكتوبر ٢٠٢٥
لعرض السؤال في فدني اضغط هنا