Zain Zain

اول حاجة اطلع باي شكل من دايرة الديون دي لأنك لو دخلت بحره هتغرق و مش هتعرف تطلع منه تاني ثانيا اول ما تقولي فلوس + بسرعة + مبالغ حلوة + حلال... اقولك علي طول الفريلانس ... اتعلم اي مهارة واشتغل ليها علي مواقع زي خمسات و مستقل .... أي مهارة حرفيا ... مش هقولك أكتر من كده دور بقي انت فب الموضوع و شوف يوتيوب و غيره

٣ ث لا تستحق انه بضيع سنة من عمره عشانها ... انا جايلك من المستقبل و بقولك كده و اللي مكتوبله هياخده ولو كان اي و طالما هو مبسوط و مجتهد و شايف هو بيعمل اي سيبه يفكر و يتخذ قراراته و يبقي مسؤول عن نفسه هو هيبقي راجل مش عيل صغير

حاجة واحدة بس واعمليلها deadline تحققي فيها تقدم عالي جدا و تتفوقي فيها احسن ما تعملي خطوات صغيرة في كل واحدة ... امشي ع مهلك واحدة واحدة ركزي في حاجة واحدة جمب دراستك بس دلوقتي و هتشوفي الفرق... بعدين ادخلي ع اللي بعدها

حضرتك معملتيش حاجة غلط بالعكس ده صح الصح وانك اعتبرتيهم فعلا زي ولادك ف متحسيش بالذنب وانتي مش غلطانة ابدا .. الله اعلم لو كنتي سبتيهم كان حصل فيهم اي ... بس الفكرة انك لو كنتي قعدتي اتكلمتي مع الشعنون الصغير راس المشكلة ده و حاولتي تهديه هو بأي شكل كانت المشكلة هتتحل من البداية ... و جوزك قال كده بس بدافع الغيرة و غريزته مش أكتر هو مش عايز اي حد يقلل منك باي شكل كائن من كان ده بس كل الموضوع

السلام عليكم بص ال grammar اللي بتاخده هتلخصه عندك في مايند مابس يعني اعمله خرائط ذهنية و اكتب اهم الحاجات و التركات اللي المدرسين بيقولوها و هما بيحلو لان دي هتساعدك تحل احسن و هي دي تركات الحل بالإضافة للقاعدة الأساسية اللي في الكتاب لما تلخصها بايديك من غير ما تحفظها هتلاقيها ثبتت في مخك ... و يا حبذا لو لقيت حد تشرحله القاعدة دي بعد ما فهمتها او تفتح الكاميرا و تتخيل نفسك بتشرح و تشرح او تفتح شات جي بي تي و تكلمه بالمايك و تشرحله ... ده كده هتلزق في دماغك مش هتروح ... ثانيا بقي انك بعد كده تبدأ تحل و كل ما يقف معاك سؤال تعلم عليه و لما تروح للمستر تساله ع كل تفصيلة و ليه و ازاي طب ولو ... استفسر ع كل حاجة لان طبيعي جدا وانت بتحل هتلاقي حاجات جديدة و مش كل حاجة هتكون اتشرحت اكيد في جديد و ده بتكتشفه لما تحل .. انت بتحل عشان تتعلم حاجة جديدة ولو عندك غلط تصححه انت بتتدرب مش في امتحان اخى السنة خد بالك! ثانيا الكلمات لما تاخدها ابدا حل عليها ع طول قبل ما تحفظها و مش مشكلة ترجع للدرس وانت بتحل لان هي لو هملت كده هتثبت معاك بعدها لو ما ثبتت تعمل اي؟ تروح تقرا كل الكلمات انجلش الاول و بعدها ترجمتها عربي مرتين او ٣ ... بعدها لو ما ثبتت هتاخد كل الكلمات الجديدة او الصعبة بس و تحطها في جمل و تبدأ بقي كل كلمة تجيبلها جمل من خيالك ... واستعمل الكلمات دي في يومك ... اخر خطوة بقي هي انك تقعد تعيد و تزيد في الكلمات دي .... وأنصحك في بنت اسمها ياسمين خالد تقريبا بتقدم محتوي للانجلش علي اليوتيوب تحفة جدا و هتساعدك تحسن الانجلش بتاعك و تديك تركات حلوة ... بالتوفيق

لو ناوية خير توكلي علي الله موقع مرات الأب طبيعته انه حساس اصلا لان حتي انتي لو قلتي للولد روح ذاكر ده عنده فعل شرير و تصرف مرات اب و كلهم هيشوفوكي بتكرهيهم مش خايفة علي مصلحتهم زي ولادك والناس مهما عملتي هتنظرلك موضع شك بس ده ميهمكش طالما انتي بتراعي ربنا فيهم زي ولادك واعرف زوجات اب كتير الأطفال حرفيا بيعتبروهم امهم .... خليكي حنينة معاهم و اسمعيهم حاولي تقربي وتفهميهم يحبو اي يكرهو اي و متنسيش أولادك انتي بردو ... ف السر عاملي الطرفين كأنهم ولادك مفيش فرق شوفي انتي بتعملي اي مع أولادك واعمليه معاهم و المفروض تقعدي مع زوجك في الاول و تتفقي معاه علي ده لانه لازم يعرف انك دلوقتي زي امهم ف طبيعي هتقولي يبني ذاكر يبني استحمي يبني اعمل اعمل ... ف هما لازم يتقبلو ده و ميشوفوهوش تصرف مرات اب منك

ممكن يكون بسبب ضعف عضلات الحوض خصوصا مع زيادة الوزن ده بيضعفها جربي تعملي تمارين كيجل بتقوي عضلات المثانة و الحوض عامة .. هتحسي بتحسن ... بس بردو اكشفي عند دكتور مسالك شاطر و متخصص واحكيله نفس الكلام اللي حكيتيه هنا بالتفصيل وان شاء الله هيلاقيلك الحل

السلام عليكم جرثومة المعدة ليس لها علاج ينهيها تمام بل هي موجودة في الجسم عادي بس بتنشط في فترات و فترات تانية بتهدي فانتي ممكن تاخدي العلاج و تتحسن و ممكن بعد فترة ترجع نوباتها تاني ... بس انصحك تأكلي تفاح و تجلي خروب و تشربيه و تحسني نظام اكلك اليومي يعني بلاش المسبك و الحاجات دي و ممكن تكشفي و تتابعي عند دكتور باطنة كويس و تحكيله الموضوع بالتفصيل عشان يحللك مشكلة الأنيميا وان شاء الله خير

مش هتقدري تنامي بعد ما بطلتي تستخدمي التيليفون لان ببساطة حضرتك كنتي مدمنة عليه و سبتيه فجأة ف طبيعي تظهرلك اعراض انسحاب و هتخلي التأقلم أصعب... و يخليكي بدل متحلي المشكلة تلجأي لمشاكل تانية...الحل يبدأ لما نفهم ان احنا مش أبطال و مشاكل حياتنا عمرها ما بتتحل مرة واحدة لازم ناخد كل حاجة براحة خطوة خطوة و منضغطش ع نفسنا عشان كل حاجة في حياتنا تتظبط واحدة واحدة دي و بعدها دي ... بالنسبة لموضوع النوم اسهري و اصحي يوم بدري متناميش و يفضل اليوم ده يكون عندك مشاوير برا البيت عشان متناميش و اشغلي نفسك لاخر اليوم بعيد عن أي مكان جلوس او نوم اعملي اي نشاط ان شاء تلعبي عشان متناميش مش لازم تذاكري يومها اهم حاجة إلهي نفسك عن النوم و تعالي ع اخر اليوم كده قبل الساعة ١١:٣٠ يعني ع ١٠ ٩ كده المعاد اللي يريحك نامي فيه هتلاقي قاتلك التعب و عايزة تنامي واظبطي مؤقت ع عدد الساعات اللي جسمك بيكتفي نوم بيها مهما كانت اي اهم حاجة تصحي مكتفية نوم و نشيطة عشان يومك يبقي فعال مش تصحي كسلانة من قلة النوم او تعبانة من كثره كل جسم وله طبيعته يعني انا مثلا انسان بيشبع نوم من ٩ ساعات شخص تاني اربعة شخص تالت ٧..٨.. و هكذا الساعات دي مش احنا اللي بنحددها جسمنا ع حسب مدي الراحة اللي بنحس ليها بعد ما نصحي ف شوفي انتي عدد ساعات نومك اي و ناميها كلها غالبا هي بتتقاس بانك بعد التجربة دي بتقيسي عدد الساعات اللي نمتيها في اول يوم ده بعد التعب و تسيبي مخك يصحي وحده بدون منبه ده يبقي عدد الساعات اللي انتي بتكتفي بيه .. احسبيه بقي عشان تظبطي مؤقتاتك عليه ويفضل يكون وقت صحيانك مناسب لوقت الفجر عشان تصلي و تذاكري ... و بس بقي و كده باقي الايام هي كل الفكرة في أول يوم و بعدها الباقي سهل و هو التثبيت .. مهم جدا خلال اليوم ابعدي عن أي أماكن عقلك مرتبط فيها بالراحة و النوم و اول ساعة تصحي فيها متمسكيش التليفون و آخر ساعة قبل ما تنامي عشان ده بياثر علي مستويات الدوبامين في جسمك ... ف السر في أول يوم والباقي تثبيت .. هتتعبي في أول أيام لكن كافحي و حاولي كل حاجة محتاجة صبر عشان تشوفي النتيجة و تفرحي

السلام عليكم ممكن تروحي لطبيبة نسائية افضل شئ لان هنا الاغلب ناس مش متخصصة و محدش هنا عنده أدوات او القدرة انه يفحصك انتي محتاجة فحص شامل و تشخيص و متابعة و نظام حياة صحي وانتي في بداية حياتك ما تستعجليش و كل ده هيتحل ان شاء الله

لو ربنا كاتبلك تاخديها ها تخديها .. اشتغلي بس انتي و ملكيش دعوة بالباقي .. انا واحد من الناس الكلية اللي انا فيها حتي بعد ما ظهرت نتيجتي مكنتش بحلم اني ادخلها اصلا ... ف تفائلي خير و مهما كان اللي هتدخليه هيبقي فيه الخير اشغلي بس نفسك بالسعي و بطلي تلفي في الفيديوهات عشان مش هيجيلك منها غير التعب و الأمراض النفسية انا واحد من الناس والله بحمد ربنا اني اتخذت احسن قرار في حياتي الي الان و هو اني بطلت اقرا كومنتات اي فيديو مهما كانت جدلية .. واي فيديو بحسه هيعكر صفوى و نفسيتي مش بفتحه.. اعتزلي ما يؤذيكي عشان تعيشي مبسوطة و اسعي و ملكيش دعوة بالباقي

قسمي الفيديو لاوقات قصيرة يعني مثلا فيديو 30 دقيقة اكتبي في to do list وقسمي الفيديو ده لفقرات صغيرة عبارة عن خمس دقايق و كل ما تخلصي 5 دقايق اعملي عليها صح و طول منتي بتسمعي ال 5 دقايق قولي هما ال 5 دقايق دول و اخلص خالص مش هذاكر حاجة تاني هتلاقي نفسك تلقائيا بتركزي متسرعيش الفيديو و ابعدي لو جمبك تليفون او حد بيشتتك حطي جمبك كباية ماية كبيرة و كل شوية اشربي خدي حباية اوميجا 3 كل اليوم الصبح واهتمي باكلك و نظامك الغذائي جدا و نامي كويس قبلها و كملي بردو في حوار الورقة والقلم بردو عشان متفقديش تركيزك في حاجة بيقولو عليها بردو تعالج التشتيت و هي انك وانتي بتسمعي تجيبي ورقة و قلم و تشخبطي فيها بطريقة عشوائية انتي بتسمعي الشرح معرفش بصراحة لكن بيقولو كويسة و لو بتتفرجي علي ريلز كتير و شورتز بطليها لانها بتضعف التركيز و متخليش فترات دراستك طويلة يعني ساعة او 50 دقية او 90 بالكتتير عشان متضعفيش تركيزك و كل فترة من دول خدي راحة 10 دقايق تمشي فيهم رجلك تكلمي حد من اهلك تشمي هوا بس اوعي تمسكي التيليفون ..... وابقي اقرئي عن الدوبامين و اسمعي فيديوهات عنه و اثر الموبايل علي انتظام الدوبامين في جسمنا و مدي تاثير ده علي التركيز بالتوفيق

ببساطة احسبيه خلي في ساعة في ايديك واحسبي الوقت الحاجة الفلانية .. ساعة أو اتنين ... ف timer لكل مهمة في حياتك وقت مهما حصل مش هتزيد عنه و بردو اصحي بدري ... بركة مش طبيعية

طبيب نفسي يا آنسة شام ... الأذكار و القرآن والرقية طبعا لازم منها لكن الهلاوس و الوساوس و غيره دي تنذر بشكل كبير بمشكلة ممكن تكون عضوية او اضطراب نفسي ... متاخديش الموضوع بسهولة ارجوكي

ملكيش حل غير تروحي دكتور نفسي ... انتي عندك اضطراب ولازم يتعالج!!!!!! ما تستهتري بالموضوع!!!

بصي متحاوليش تحولي كل شئ في الحياة لعقوق و مش عقوق .. في حاجة اسمها حقك و حاجة اسمها حقهم ... يعني انتي دلوقتي بترتاحي لما تنامي ع جنبك اليمين و هما قالولك نامي ع جمبك الشمال وانتي رفضتي هل ده عقوق!! قالولك متشربيش وشربتي هل ده عقوق؟ شخص متقدملك وانتي مش عايزاه قالولك وافقي ورفضتي ده عقوق؟؟ لا ده حقك بلاش تحبكيها اوي عشان هتفلت منك و هتلاقي نفسك لو بتفكري بالطريقة دي مش هتسمعي كلامهم تاني بعد كده اصلا ... و بعدين مش لازم كل حاجة في تعارض معاهم تبقي زعيق و خناق قولي حاضر طيب واعملي اللي في دماغك و بعدها لو شافوكي بتذاكري بالليل قوليلهم اسفة انا برتاح لما بذاكر كده ... مش هتخشي النار متخافيش .. لازم تفرقي بين حقوقك و حقوقهم و حياتك و حياتهم و تتعلمي المسؤولية و انك تشوفي الأنسب ليكي و تتخذي قراراتك بنفسك لأنهم مش هيفضلو موجودين معاكي طول العمر يقولولك اعملي كذا و ماتعمليش كذا.... لو فضلتي كده هتكبري شاطرة اه و تدخلي المجال اللي نفسك فيه بس هتبقي ضعيفة الشخصية و دي في حد ذاتها كارثة!! و علي فكرة احنا بشر يعني بنختلف الرسول صل الله عليه وسلم لما شاف اكل لم تستسغه نفسه مقالش للناس متاكلهوش ولا نهاهم عنه هو بس خلاهم ياكلو براحتهم ... لازم تفهمي ان دي حياة و احنا مش شبه بعض كل واحد طبعه بيختلف عن التاني و دي مباحات لو اختلفنا فيها مش هنخش النار والله ... الرسول كان بيحب نوع من الاكل و اللبس و الشرب يمكن حد تاني مكانش بيحبه هل لو ما اكلناش الاكل ده حرام؟؟؟ لا عادي لان دي حاجات مباااااحة ... لازم تفرقي بين المباحات و الواجبات يا آنسة

انتي ادري يا فندم مش هقدر اقول أكتر من اللي قلته شوفي المناسب واعمليه

لما ينفجر الصمام...

ملكيش دعوة برايهم خلي شخصيتك قوية و لو مش عاجبك او مش مرتاحة متوافقيش لان ممكن ... من برا الله الله و من جوا يعلم الله ... و بعدين بعد الجواز في حقوق لازم توفيها ولو مش مرتاحة للشخص ده مش هتعرفي توفيها و ده مينفعش!!

و عايز اقولك حاجة ... إن الطبيب بيتعامل معاكي ع انك حالة!!!! يعني بيتعامل معاكي ع ان في مرض و هو بيعالجه مش بيشوفلك كشخص ... نظرة الاطباء للمرضي تختلف عن نظرة عامة الناس لهم .. الطبيب أتعرض عليه الحالات دي مئات المرات ف هو بيعالج مرض يريت تفهمو!!! و طبعا لو في فرصة انك تروحي لدكتورة روحي طبعا لكن لو مفيش فرصة محدش من حقه انه يقولك اقعدي في بيتك عاني!!

ملكيش دعوة بيهم ذاكري في الوقت اللي تركزي فيهم وانسب وقت ليكي

روحي مع زوجك حالتك صعبة و محتاجة علاج ... الضرورات تبيح المحظورات .. دي صحتك و دي ضرورة!!! انا مش عارف مين اللي بيخترعو دين جديد و عايزينك تم.وتي. و ما تروحيش تكشفي

جمب دراستك مهارة اتعلميها واكسبي منها فلوس ... بس جمب دراستك مش عشانها تقصري بدراستك ما تخليها تاخذ كل وقتك هي بس خلي غرضها الترفيه عنك و ممكن تتعلميها و ما تشتغلي بيها عادي ... بس هي الفكرة انه الشغل يكسر الملل

بالنسبة لموضوع الضرب .. هو رغم انه ما ينفعش ولا وانتي صغيرة ولا انتي كبيرة بس لما تبقي كبيرة و قدام الناس الوضع مستفز أكتر بصراحة و مينفعش يستمر كده ... انتي مش طفلة ... لو جت تضربك بحاجة خديها منها وارميها بعيد .. مش بقولك تهجمي عليها واضربي والدتك لا انا قولتلك بس ادفعي عن نفسك الاذي و احفظي كرامتك انتي مش صغيرة ولازم هي تفهم ده ! خدي منها الحاجة اللي هتضربك بيها وارميها بعيد وقت ما هتضربك انتي بني ءادمة وأكيد عندك قدرات بدنية تدافعي عن نفسك .. لو جت تضربك بإديها ادخلي اوضتك واقفلي ع نفسك الباب لحد ما تهدي ... م تشتميش ما ترديش ما تمديش ايدك اوعي طبعا ... دافعي عن نفسك بس و كل ما يصدر منها فعل يقلل من كرامتك ما ترديش عليها خليك باردة زي الصنم عشان تعرف انك انسان و ليكي كرامة و اللي بتعمله ده ما ينفعش ... غير ده طبعا بريها استحملي كلامها مترديش عليها خالص لو طلبت رايك في موضع او قالت حاجة قولي اه طيب حاضر واسكتي متفتحيش معاها كلام لان اللي شبهها بيستناكي تتكلمي عشان يقارنك بغيرك او يطلعك غلطانة بدون سبب حتي ... كوباية شاي و قعدة حلوة مع بعض لما تكون رايقة و مبسوطة مجرد اسمعيها و مش لازم تتكلمي لما تلاقيها بتقول حاجة بتفرحها او بتضحك أبدى رد فعل بسيط زي الابتسام او الضحك او تعليق ظريف ... مع الوقت علاقتكم هتتحسن ... تجنبي الجدال و الخناق و دوري علي السلام هتندمي لو مقضتيش وقت حلو مع امك في حياتها .. حياتك هتبقي لحسن لما تتعلمي تتعاملي مع شخصيتها و تفهمي هي بتحب اي و بتكره اي ... ركزي ع اللي بتحبه و تجنبي اللي بتكرهه...ربنا يسهلك الحال

ثانيا انا حصلي موقف مشابه لموقفك تقريبا و امي كانت بتعمل معايا نفس الحركات دي ... و بتستفزني و كل م تشوفني مضايق بتعند معايا و تعقد الموضوع أكتر... مش هكدب انا كنت بتخانق زيك بالظبط و بحس بالسخط و ان المفروض امي متكونش كده و المفروض و المفروض ... بس لما كانت امي بتمرض و لا تتعب كنت برجع افكر في كل اللي فات .. واقول لو فقدتها دلوقتي هعمل اي؟ هحس باي بعد ما تمشي و تسيبني بعد كل اللي عملته؟ ... عارفة كنت بقعد معاها في مرضها و ممكن تشتمني و تدعي عليا...بس المرادي انا متخانقتش انا اتعلمت ... اتعلمت ازاي اعيش مع امي سعيد و اي اللي كان المفروض اعمله ... اتعلمت اني ما افضضش معاها تاني نهائيا ... لأنها مش هتديني حل و هتطلعني في كل الحالات غلطان ... مش هستني منها تتغير ابدا لان مفيش انسان بيتغير الا لو هو عايز كده انا مش هجبرها علي حاجة ف مش هفضفض معاها نهائيا ممكن اكتب مشاعري في ورقة بس م اقولهاش...كنت بعتبر اني معنديش ام كفاية بس انها عايشة و قاعدة مالية عليا الدنيا ... اتعلمت بردو اني لو بنتكلم في موضوع جدلي واختلفت مع رأيها ما احاولش اجادل وأثبت وجهة نظري حتي لو انا عارف انها صح ... لان ده كان هينتهي بخناق وانا مش عايز كده انا عايز اعيش مع امي فترة عمرها سعيد عشان ما اندم بعدين حتي لو هي مكانتش احسن شخص بس خلاص اللي حصل حصل و دي امي اللي ربنا اخترهالي و انا مش هعرف اغيرها وا اغير في صفاتها اي حاجة .. في الموضيع الجدالية كنت بكتب باني اقولها اه ... صح فعلا او اسكت مش لازم اطبل او اجادل او احرق دمي باي شكل انا عايز بس السلام ... كنت بحب اقعد معاها و نشرب كباية شاي سوا نتفرج علي حاجة بتحبها او نتكلم في موضوع تحبه مش مهم اقول رأيي او اقعد افضفض او افتح موضوع جدلي عشان نتخانق لا صدقيني لو عملتي كده هتلاقيها قلبت انسان فرفوش و بتحكي عن حاجات حلوة ف حياتها ... لما تزعق او تشتم اضحكي و قوليلها حاضر ماشي ... "هو كده؟ طيب ماشي!" خدي الموضوع معاها بهزار ... لو اتكلمت ف حاجة مش عجباكي او حاجة مش عايزة تعمليها قوليلها حاضر ماشي و متعمليش الحاجة اللي اجبرتك عليها ... الخلاصة مشي الحياة معاها بسلام لان صدقيني العمر قصير و مهما كانت هي انسان سئ مش هتفرحي ابدا لما هي تتوفي و انتو مقضتوش وقت حلو مع بعض ... حتي لو هي ما كانتش بتحاول من ناحيتها حاولي انتي من ناحيتك ... لان اغلب امهاتنا الزمن ده مش مؤهلين يكونو أمهات من الناحية العاطفية وانك تاخدي منهم العطف و الحنان و الفضفضة ... لأنهم بيتشائمو و لو شافوني بتعيطي هيقولوا عليكي نكدية و و و ... ف اتمني محدش يشوف ان اللي بيعملوه صح او يحاول يعمل زيهم لما يكون اب او ام او يشوفهم قدوة اصلا ... احنا محتاجين نكون قدوة و ده مش الصح ... ف حاولي تعيشي مع امك حياة كويسة بقدر الإمكان متحاوليش تعتمدي عليها من الناحية العاطفية ك ام .. حاولي تدوري علي مصدر تلني خالة صديقة .. نفسك ... إلخ اهم حاجة مش مصدر حرام .... لأنها مش هتعرف توفرلك ده هي مش ام بالقدر الكافي تقبلي ده عشان تقدري تعيشي باقي حياتك من غير ما يجيلك مشاكل نفسية و عشان لما تكبري تعرفي تكوني ام احسن من كده ... هو الموضوع مؤذي بجد فعلا وانا معاكي ف ده .. بس هنعمل اي ... دول امهاتنا ولازم نتحملها

عارفة ... انتي مش لوحدك كل الأمهات من الجيل ده طالعين كده ... من النادر م تلاقي واحدة تشذ عن القاعدة لان جيلهم شايف ان دي التربية الصح يمكن هما اتربو بالطريقة دي او ممكن أسوأ من كده كمان ممكن تلاقي طفولتهم مكانتش احسن حاجة و شبابهم كمان ... و هي بردو ام و بتعولك لوحدها فقدري خوفها عليكي و انها بتفكر ازاي تأمن حياتك ... ولو كانت فكرت في الجانب المادي بس و تجاهلت الجانب العاطفي بسبب الظروف الضاغطة اللي هي فيها... فالتمسي ليها العذر ولو أخطأت لأنها كمان هي بردو مضغوطة و هي ما اتربتش على انها تتحضن او يتقالها كلام حلو فهي مش هتقدر تديكي حاجة هي نفسها مخدتهاش ... انتي عارفة ليه ربنا قال ﴿وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا﴾ (الإسراء: 23) ليه خص فترة الكبر؟ ليه مقالش و هما شباب او و هما في العشرينات او الثلاثينات؟ لأن الإنسان اصلا بطبيعته لما يبدأ يكبر في السن يبدأ خلقه يضيق و يبدأ يرجع تاني كأنه طفل صغير يعمل مشاكل و عايز الناس تصالحه ... آه و الله ده اللي بيحصل و ده اللي هيحصلنا كلنا لما نكبر فربنا أمرنا ان احنا نقدر ظروف اهلنا في الفترة دي و نفهم أزمة السن اللي هما بيمرو بيها لان هيجي يوم و نكون مكانهم و هنحتاج احنا كمان اللي يستحملنا و يعاملنا كاطفال....دي حاجة ثانيا

روحي اكشفي

الموضوع ممكن ميكونش بسيط ... روحي لدكتور مخ واعصاب

لا عادي طبعا تكملي ... اعرف كتير ستات متجوزة و بتكمل تعليمها عادي لو جوزك داعمك و بيساعدك هتقدري إن شاء الله سهلة و بسيطة

حقك طبعا و حرام انه يعمل كده روحو دار الإفتاء

ممكن يرجع يتصبغ تاني

خد الناس على قد عقلها و تغاضى عن حاجات كتير متحاولش تبني عداوات سلك ومشي اومورك .... و عموما البعد عن الناس حاجة كويسة كفاية يكون حواليك 1 او اتنين باكتير ناس ذهبية و قريبة منك جدا امينة و مخلصة و تفهمك و غالبا مش هتلاقي غير اهلك و باقي العلاقات خليها صداقات سطحية ساعة حلوة نقضيها مع بعض اساعدك و تساعدني اقضيلك مصلحة و تقضيلي و هكذا و دايما خلي الناس شايلالك جميلة دي هتخلي علاقتك حلوة و كويسة ساعد باللي تقدر عليه بس متجيش علي حقك ولا تخلي حد يضحك عليك او يستغلك و اسمع بودكاست عن العلاقات ... انصحك ياسر الحزيمي

اقعد مع اختك اتفاهم معاها شوف اي سبب رفضها له هل منطقي او غير منطقي ممكن هي رافضة عشرته اصلا حتى لو هو انسان كويس و ده بيت وولاد فلازم تفكرو كويس قبل قرار زي ده و فكرو في سلبيات الطلاق قبل ما تعملو اي حاجة خدو الموضوع قبل و بعد وشوفو المميزات و العيوب قبل و بعد لان الاطفال دول ذنبهم في رقبة الظالم

من الاخر اشتغلي لوحدك مش عند شركة عشان وقتك وابداي سوقي لنفسك في الحاجة اللي انتي شاطرة فيها عشان تعملي بيزنيس لوحدك

شوفي لا تياسي حاولي تكتفي بالمتاح و المجاني حاليا لحد ما ربنا ييسر الامور ... ابداي بالتعلم من المصادر المجانية و هي مش وحشة والله هتلاقي حاجات كتير كويسة و انتي من خبرتك في الشغل هتتعلمي اكتر ... ثانيا انتي مينفعش تشتغلي كموظفة لان وقتك مش كفاية و مش هينفع تشتغلي 8 او 9 ساعات ف انا اقترح انك تشوفي نفسك كويسة ف اي في الفريلنس و تبدئي انتي تستقلي بنفسك و تسوقي لمهاراتك و تعرضي شغلك وانجازاتك و تعملي بورتيفوليو يعني البزنس بتاعك انتي مش تبع شركة اعرضي خدماتك للناس كده هيبقي اسهل عليكي بكتيييير و مش هياخد وقت من يومك 4 او 3 ساعات بس لو انتي مستقلة لوحدك و بتسوقي لنفسك لكن كشغل عند حد لا انصحك واهتمي جدا بالتسويق لنفسك لان ده اللي بيجذب الناس يعني انتي مثلا شاطرة في المونتاج فهتعرضي صورة مصغرة ليوتيوبر مشهور تعليها من شغلك و تعرضي قبل و بعد و هكذا تصوري فيديو وانتي بتعدلي فيديو قبل و بعد او اوا او و هكذا بقي مهم جدا جدا البورتيفوليو تكتبي فيه شغلك وانجازاتك لان ده اللي بيتعرض علي العملاء و ده اللي بيجيبهم ليكي واعملي حساب علي لينكد ان هيجيلك عليه شغل كتييير جدا في مجالك وظايف ب 4 ساعات ووظايف ب 8 انتي واللي يناسبكك المهم اقراي عن الحاجات دي قبل ما تعمليها عشان دي هتفيدك حرفيا ده لو انتي حابة تشتغلي مع حد و علي فكرة الكورسات المدفوعة كلها متوفرة علي coursera و udemy متوفر المحتوي كله لتعلم مهارات مختلفة هتتعلمي و تكتسبي المهارة لكن مش هتاخدي شهادة مش مهم المهم انك اتعلمتي و بداتي تطبقي ده علي شغلك و ده وحده كفاية و بالتوفيق

بيفضل عنده المعلومات لمدة شهرين و بعدها بتحذف