إجابة علي السؤال: كيف أتخلص من الأرق وآثاره السلبية؟

مش هتقدري تنامي بعد ما بطلتي تستخدمي التيليفون لان ببساطة حضرتك كنتي مدمنة عليه و سبتيه فجأة ف طبيعي تظهرلك اعراض انسحاب و هتخلي التأقلم أصعب... و يخليكي بدل متحلي المشكلة تلجأي لمشاكل تانية...الحل يبدأ لما نفهم ان احنا مش أبطال و مشاكل حياتنا عمرها ما بتتحل مرة واحدة لازم ناخد كل حاجة براحة خطوة خطوة و منضغطش ع نفسنا عشان كل حاجة في حياتنا تتظبط واحدة واحدة دي و بعدها دي ... بالنسبة لموضوع النوم اسهري و اصحي يوم بدري متناميش و يفضل اليوم ده يكون عندك مشاوير برا البيت عشان متناميش و اشغلي نفسك لاخر اليوم بعيد عن أي مكان جلوس او نوم اعملي اي نشاط ان شاء تلعبي عشان متناميش مش لازم تذاكري يومها اهم حاجة إلهي نفسك عن النوم و تعالي ع اخر اليوم كده قبل الساعة ١١:٣٠ يعني ع ١٠ ٩ كده المعاد اللي يريحك نامي فيه هتلاقي قاتلك التعب و عايزة تنامي واظبطي مؤقت ع عدد الساعات اللي جسمك بيكتفي نوم بيها مهما كانت اي اهم حاجة تصحي مكتفية نوم و نشيطة عشان يومك يبقي فعال مش تصحي كسلانة من قلة النوم او تعبانة من كثره كل جسم وله طبيعته يعني انا مثلا انسان بيشبع نوم من ٩ ساعات شخص تاني اربعة شخص تالت ٧..٨.. و هكذا الساعات دي مش احنا اللي بنحددها جسمنا ع حسب مدي الراحة اللي بنحس ليها بعد ما نصحي ف شوفي انتي عدد ساعات نومك اي و ناميها كلها غالبا هي بتتقاس بانك بعد التجربة دي بتقيسي عدد الساعات اللي نمتيها في اول يوم ده بعد التعب و تسيبي مخك يصحي وحده بدون منبه ده يبقي عدد الساعات اللي انتي بتكتفي بيه .. احسبيه بقي عشان تظبطي مؤقتاتك عليه ويفضل يكون وقت صحيانك مناسب لوقت الفجر عشان تصلي و تذاكري ... و بس بقي و كده باقي الايام هي كل الفكرة في أول يوم و بعدها الباقي سهل و هو التثبيت .. مهم جدا خلال اليوم ابعدي عن أي أماكن عقلك مرتبط فيها بالراحة و النوم و اول ساعة تصحي فيها متمسكيش التليفون و آخر ساعة قبل ما تنامي عشان ده بياثر علي مستويات الدوبامين في جسمك ... ف السر في أول يوم والباقي تثبيت .. هتتعبي في أول أيام لكن كافحي و حاولي كل حاجة محتاجة صبر عشان تشوفي النتيجة و تفرحي

إجابة من Zain Zain

تم النشر الأحد، ٢٨ سبتمبر ٢٠٢٥

1 تعليق

أنا مجربه الحلول دي قبلت كده بس فشلت 🙂..بس هحاول تاني ان شاء الله

تم النشر الأحد، ٢٨ سبتمبر ٢٠٢٥

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك