إزاي أجدد علاقتي بالناس واخليها احسن
لأني حاسس إن علاقتي مع معظم الناس مش حلوة وفيها شيئ من الجفاء
وبحس إن الناس مش بتفهمني ساعات
مش عارف هل ده بسببي ولا ايه
وشكراً
السلام عليكم ورحمه الله وبركاته. السلام عليكم ورحمه الله وبركاته. طيب خلينا كده نقيم الموقف الاول ونشوف ايه هي الحاجات اللي انت بتشوفها كردود افعال من الناس اللي حواليك بتحسسك انه تعاملك ان شاء الله في حاجه وايه الحاجات اللي وانت بتتواصل مع الناس انت شخصيا بتحس ان هي بتمثل لك صعوبه يعني في ايه عند الناس اللي حواليك بيحسسك انه انا مش عارف اقول ايه او ايه الافضل يتقال هل انت بتتصرف بشكل تلقائي ااا تعاملاتك طيب في البيت هل انتوا علب بتتعاملوا اصلا بطريقه وديه ولا بطريقه جافه ولا بطريقه عنيفه الخلفيه اللي عندك في البيت عامله ازاي ده كل ده مهم وبعدين خليني بقى يعني في الفويس اللي جاي كده هقول لك شويه حاجات هنقول شويه حاجات كده هي من السمات بتاعت الذكاء الاجتماعي او التواصل الجيد مع الاخرين احنا محتاجين ايه عشان نحس انه في تواصل جيد ما بيننا وما بين الاخرين التواصل ده بقى يكون موصل ودي يكون موصل لطف يكون موصل كل حاجه اول حاجه محتاج انك تكون متاكد انت وانت واقف بتتكلم مع مع شخص هل انت اديته الاهتمام اللي يليق بيه ولا لا دي اول حاجه هل انت مركز فعلا مع الشخص اللي قدامك ولا انت حاسس ان في شيء مشتتك مثلا شيء في شكله انت بدات تركز مثلا مع اللبس اللي لابسه فما بداش ااا يبقى في تركيز للكلام اللي هو بيقوله دي نقطه ثالث نقطه ايه المسافه اللي ما بينك وما بين الشخص ده يعني الحدود علاقتك بيه ااا علشان تقدر تقيم تتعامل معاه لحد فين ده الجزء اللي من ناحيتك طيب من على الاتجاه الاخر ايه اللي انت بتكون منتظره من الاخرين؟ هل بتبقى دائما متوقع منهم ردود افعال محدده ولا انت ما بتبقاش متوقع ردود افعال محدده ومستعد لكل شيء. اللي قدامك بيكون هو مقبل عليك ولا لا؟ هل في دائما ما بينك وما بين اللي قدامك شيء انتوا الاتنين مشتركين فيه ولا لا الحاجات دي هي اللي بتحدد لنا ان احنا نقدر نعمل فخلينا نبسط الموضوع شويه ونقول على حاجات بسيطه اولا لما اكون بتعامل مع حد قدامي اهتم قوي ان انا احافظ على ابتسامتي وانا بكلمه حتى لو بنتناقش في موضوع احنا مختلفين فيه ده بيفرق جدا فالابتسامه هي رقم 1 نمره 2 لما يكون الشخص بيتكلم على شيء مؤلم بالنسبه له انا محتاج ان انا اتعاطف معاه اتعاطف معاه ازاي بقى ان انا اقول له هي اقوله معلش ربنا يقويك وخلاص كده بشكل جامد لا انا محتاج انه ملامح وشي تقول له ان انا حاسس بيه ممكن لو ااا انا يعني ده شخص انا علاقتي قريبه بيه صديق مثلا او حد من الاقارب احط ايدي على كتفه كده وط بطب عليه او اقول له او اشد على ايده انا وانا بسلم عليه علشان احسسه انه انا حاسس بالالم اللي انت بتحكي عنه انه ده وضع صعب او دي حاجه مؤلمه التواصل الانساني ده والتواصل بالكلام وبالشعور مهم جدا ان هو يبان على جسمي وعلى تعبيرات وشي اا مهم قوي قوي. رقم 3. كل ما انت اتعاملت مع اللي قدامك انه هو شخص وارد ان هو يخطئ وكنت رحيم به كل ما التعامل بقى فيه قدر من الليون والمرونه والرحمه كبير جدا هو ده اللي بيقرب الناس من بعض ويكون مفيش جفاء ما بينهم اللي هو لا يعني والله رغم ان انت يعني وقعت في الغلطه دي بس يعني انا عذرك برده عشان خاطر اكيد مخدتش بالك اكيد كان ظروفك صعبه اكيد كان الوقت ده مش مناسب فوقعت في الغلطه دي وهكذا ده بيفرق قوي قوي لما البني ادم يلاقي حد حاسس بيه بس انا جاوبني على الاسئله اللي انا سالتها لك في الفويس الاولاني عشان نشوف الوضع بالنسبه لك ايه اكثر حاجه مصعباه ونحاول نفيدك ان شاء الله.
تم النشر الثلاثاء، ٥ أغسطس ٢٠٢٥
مرحباً بك، وأشكرك على ثقتك يا أخي. موضوع العلاقات الاجتماعية مهم جدًا في حياتنا، وفهمك لهذا الشعور هو بداية ممتازة لأي تطوير تريده. خليني أشرح لك الموضوع خطوة بخطوة: التقييم الذاتي: أحيانًا لما نحس بالجفاء في العلاقات، لازم نراجع سلوكنا ونشوف هل في حاجة ممكن نحسنها. مثلاً: هل أنت صريح في التعبير عن مشاعرك وأفكارك؟ هل تستمع للآخرين بتركيز وتفهم وجهة نظرهم؟ هل تعبر عن تقديرك لهم ومشاعرك بطريقة واضحة؟ فتح قنوات الحوار: التواصل المفتوح والصريح هو حل مهم. جرب تبدأ محادثة بسيطة مع الناس اللي تشعر بينهم فجوة، اسألهم عن شعورهم وشاركهم شعورك بهدوء وصدق. هذا يعطي فرصة للفهم المتبادل ويقلل سوء التفاهم. الاهتمام والتقدير: حاول تظهر اهتمامك الحقيقي بالآخرين مهما كانت الأمور بسيطة. طلّع لهم كلمات مودة أو ساعدهم حتى في أشياء صغيرة، هذا يبني ثقة وحب متبادل. المرونة والتسامح: لا تتوقع الكمال من نفسك أو من الآخرين، وحاول تكون أقل صرامة مع الأخطاء والاختلافات. التسامح يخفف الكثير من حدة العلاقات وتجديدها. العمل على لغة الجسد والصوت: لغة الجسد مثل الابتسامة، ونبرة الصوت الدافئة لها تأثير قوي في تعزيز التفاعل الإيجابي. الصبر وعدم الاستعجال: تجديد العلاقه ممكن يحتاج وقت وجهد منتظم، فلا تحبط إذا لم تظهر النتائج فورًا. وأخيرًا، أحيانًا الشك في أن المشكلة "من ناحيتك" قد يكون بسبب القلق أو التفكير الزائد. فربما يستحق منك أن تراقب مشاعرك وأفكارك بدون حكم قاسٍ على نفسك، وكأنك تنظر نظرة مشجعة. إن احتجت دعم أعمق، فأنا أنصحك بزيارة قسم الخبراء على فدني [https://www.fedni.net/experts] حيث تستطيع التواصل مع أخصائيين في العلاقات الاجتماعية والتنمية الذاتية. هل ترغب أساعدك بوضع خطوات محددة يومية أو أسبوعية لتجدد علاقاتك؟ أنا هنا معك!
تم النشر الاثنين، ٤ أغسطس ٢٠٢٥
خد الناس على قد عقلها و تغاضى عن حاجات كتير متحاولش تبني عداوات سلك ومشي اومورك .... و عموما البعد عن الناس حاجة كويسة كفاية يكون حواليك 1 او اتنين باكتير ناس ذهبية و قريبة منك جدا امينة و مخلصة و تفهمك و غالبا مش هتلاقي غير اهلك و باقي العلاقات خليها صداقات سطحية ساعة حلوة نقضيها مع بعض اساعدك و تساعدني اقضيلك مصلحة و تقضيلي و هكذا و دايما خلي الناس شايلالك جميلة دي هتخلي علاقتك حلوة و كويسة ساعد باللي تقدر عليه بس متجيش علي حقك ولا تخلي حد يضحك عليك او يستغلك و اسمع بودكاست عن العلاقات ... انصحك ياسر الحزيمي
تم النشر الاثنين، ٤ أغسطس ٢٠٢٥
حب نفسك واهتم بها وتلقائيا هتتحسن علاقتك بالناس
تم النشر الأربعاء، ٦ أغسطس ٢٠٢٥
لسانك حصانك
تم النشر الأربعاء، ٦ أغسطس ٢٠٢٥
لعرض السؤال في فدني اضغط هنا