مشتته ومش لاقيه نفسي حاسه اني مش عرفاني بعمل حاجات لو حد غيري عملها هنتقده وهنتقد تصرفاته
بقيت عصبيه وصوتي عالي متوتره 90%من وقتي بحب اقضيه لوحدي ولو قعدت مع ناس غصب عني قرايبي صحابي وبنبسط بالقعده بس لما برجع البيت مش بحس اني عايزه اقابل حد او اقعد مع حد
بتكلم مع ماما بأسلوب وحش بتبقى عايزه تفضفض معايا او تتكلم بطنشها وببقى حاسه بخنقه اول مابسمعها بتتكلم بزعل اوي من نفسي ونفسي احب ماما او احب اتكلم معاها بس اول ما بتبقى عايزه تقرب مني بنفر منها
وقتي كله ف اوضتي ممكن اقعد طول اليوم حتى لو جعانه مش هطلع اجيب اكل لنفسي بحب ماما بس مش عارفه اكون كويسه معاها او مش فاهمه ليه بنفر من الكلام معاها وليه بحب اكون لوحدي وبعامل اختي الصغيره [11سنه] بطريقه مش حلوه وبدعي عليها بس بندم ف ساعتها
وعندي سرعة غضب رهيبه وممكن اكره انسان لمجرد انه عمل حركه او قال كلمه وحشه حتى لو مش قاصد حتى لو طول عمره كويس معايا
منفعش ف ارتباط بحس اني مش بيعجبني حد ولو وصلت لمرحلة الخطوبه ببقى عايزه اهرب مع اني اتحبيت بشكل جميل نفسي احب نفسي استقر واحب اهلي ويحبوني مشتته ومش فاهمه حاجه
ادعي كتير انك تتقبلي مامتك ومتنفريش منها وارد ممكن تكون عملت معاكي مواقف مش حلوه قبل كده ادت الى تراكمات جواكي خلتك غصب عنك بتنفري منها ..ولكن ماما وبابا خط احمر ..تعالي على نفسك وحاولي تسمعيها كإنها صاحبتك حاولي واحده واحده وكده انتي بتبريها وفكري مثلا لو لقدر الله ماتت هل هتبقي مبسوطة باللي بتعمليه دلوقتي ولا هتندمي ندم شديد اوييي ..اعرفي ان وجودها بس نعمه رهيبة انتي مش مدركاها او الشيطان بيحاول يبعدك عن فضل عظيم وهو البر ..حاولي تخصصي جزء من اليوم لسماعها وادعي كتير تعرفي تعملي ده عارفة ان الموضوع مش سهل .. وبالنسبة لأختك هى برضو نعمة حاولي افهميها واحتويها حتى لو هى احيانا مستفزه صدقيني هى مش مدركه افعالها ..
تم النشر الجمعة، ٢١ أغسطس ٢٠٢٦
نعم، من اللي بتصفيه يبدو إنك بتمري بفترة صعبة جدًا ومشاعرك مختلطة ومؤلمة، وده طبيعي إنك تحسي بالتشتت والغضب السريع والرغبة في العزلة. مش عيب خالص إنك تفكري في زيارة طبيب نفسي، بل ده خطوة شجاعة ومفيدة جدًا في حالتك، لأن الأعراض اللي بتوصفيها (التوتر المستمر، النفور من الأهل رغم حبك ليهم، سرعة الغضب، والشعور بالخنق) ممكن تكون إشارات لضغط نفسي أو اكتئاب خفيف يحتاج دعم متخصص عشان تقدري تفهمي نفسك أكتر وتتعاملي معاها بهدوء. حاولي تبدئي بخطوات صغيرة عملية دلوقتي، زي إنك تكتبي يومياتك كل يوم عن مشاعرك بدون حكم، أو تحددي وقت قصير (مثل ١٠ دقايق) تقضيه مع ماما بطريقة هادية حتى لو بسيطة زي شرب شاي معاها، وده هيساعدك تبني الرابطة تدريجيًا بدون ضغط. كمان، لما تحسي بالغضب، جربي تحولي الطاقة دي لنشاط بسيط زي المشي في الأوضة أو الاستماع لقرآن، عشان تهدي نفسك وتقللي الندم اللي بيجي بعد كده. أنتِ مش لوحدك في الشعور ده، وكتير من الستات بيمرّوا بتجارب مشابهة وبتحسنوا لما يطلبوا المساعدة المناسبة. لو عايزة آراء إضافية، ابحثي عن أسئلة مشابهة على فدني عشان تشوفي تجارب الآخرين. خدي خطوة لزيارة الطبيب النفسي قريبًا، هتكوني أقوى وأكثر استقرارًا إن شاء الله.
تم النشر الأربعاء، ١٩ أغسطس ٢٠٢٦
مبدئيا التحليل هو نص الحل لكل المشاكل لو جيتي حضرتك بصيتي علي نفسك علي سلوكات وانفعالات غير واعيه بيها أثناء الفعل والدليل الندم علي كده لحظه الكنترول علي العقل والتفكير لوحدك وسلوكيات اخري مع احترامي قد تكون غير سويه ناتجه عن اي ناتجه عن شي نفسي طبعي كبت بكميه من المشاعر والآلام المتراكمة واللي بتطلع علي هيئه غضب في وش اي حد يعمل حاجه صغيره قدامك ف الحل أن حضرتك تحرري الكبت بوسائل زي الكتابه أو الحديث مع حد وسيله تريح حضرتك واه التفريغ مهم جدا اكتر مما تتصورين وبس ربنا يوفقك
تم النشر السبت، ٢٢ أغسطس ٢٠٢٦
حبيبتي اطمني بس ده خوف من الرفض انتي بتبعدي قبل ماحد يبعد عنك ده فقد احساس الامان بدليل ارتباطك بالغرفه
تم النشر الخميس، ٢٠ أغسطس ٢٠٢٦
انصح بأنك تفرغي غضبك على ورق باستخدام كتابة الأفكار والتعبير عن المشاعر ؟
تم النشر الجمعة، ٢٨ أغسطس ٢٠٢٦
علاقتي ب بابا وحشه جدا اخر فتره
تم النشر الأربعاء، ٢٦ أغسطس ٢٠٢٦
ايه علاقتك بوالدك
تم النشر الأحد، ٢٣ أغسطس ٢٠٢٦
لعرض السؤال في فدني اضغط هنا