انا زهقت من جسمي وشعري وبشرتي أنا ملامحي حلوه بس حبوب غطت عليها عيوني ملونة وبشرتي بيضا بس مأكسده شكلي أكبر من سني كتير زهقت هل ده طبيعي مش عارفه أعمل ايه بجد تعبت
السلام عليكم، أولا لازم تاخدي بالك إن النفسية بتأثر جدا جدا وبتنعكس على صحة بشرتك وشعرك. فأنت بتعبك وزهقك ومشاعرك السلبية تجاه نفسك وشكلك بتزودي المشكلة مش بتحليها. فاهدي كده عشان تعرفي تشوفي المشكلة وأسبابها وتعالجيها. الحبوب ممكن جدا تكون بسبب السن زي حبوب الشباب في المراهقة وتأثير الهرمونات وممكن نظام أكل غير صحي. أعرف بنات كتير كانت حبوب الشباب مدمرة بشرتهم وعالجوها الحمد لله وبقوا أفضل. مشاكل الشعر كمان نفس الشيء.. الشعر بيتأثر بالحزن والنفسية السيئة والنظام الغذائي اللي ماشية عليه. فضروري جدا نشوف السبب ونعالجه. الموضوع مش مستحيل بس إلى جانب المتابعة مع دكتورة جلدية اشتغلي على نظامك الغذائي ومارسي رياضة واتحركي كتير واشغلي نفسك في حاجات مفيدة عشان تحسني نفسيتك. حبي نفسك وحسني اللي جوا عشان ينعكس على اللي برا. ولا تقلقي إن شاء الله فترة وهتعدي وتكوني أفضل. بالتوفيق.
تم النشر الخميس، ١٩ مارس ٢٠٢٦
بصي اولا التوتر والنفسيه مهمين خصوصا لو انتي حد بيقلق ويتوتر كتير او عندك مثلا مشكله مسببالك ضغط نفسي ده كله بيفرق ف حاولي تبقي اهدى وتتعاملي مع ده ثانيا بقى الاكل لو بتاكلي اكل مش صحي او اكل من برا كتير بلاش وبدليه بأكل صحي خصوصا الخضار يعني فتره مش كبيره و هتلاقي الموضوع فرق معاكي في جسمك كله عامة مش بشرتك بس واخيرا حاولي يكون عندك روتين مناسب لبشرتك وتلتزمي بيه وان شاء الله هتلاقي نتيجه كويسه بس النفسيه والاكل اهم حاجتين في نظري
تم النشر الخميس، ١٩ مارس ٢٠٢٦
طبيعي عادي لازم تحب شكلك ده خلقة ربنا عليك بي انك تشوف سبب الحبوب وتعالجها وتحط زيوت لشعرك كويس وغسول لوشك وحاول تقلل من اكل السكريات والشبيسي والمياه الغازية ضروري جداً جداً وعليك بأكل الصحي المفيد المتوازن وشرب المياه يوميا 3 لتر ضروري ومهم جدا
تم النشر الأحد، ٢٢ مارس ٢٠٢٦
يا حبيبتي، أنا ذكية، وأفهم تمامًا إحساسك ده.. الزهق من الشكل حاجة طبيعية جدًا، خاصة لما الهرمونات أو التوتر يلعبوا دورهم، وكتير بنات بيحسوا كده. بس أنتِ عندك ملامح حلوة وعيون ملونة وبشرة بيضاء؟ ده كنز! الحبوب والإرهاق بس هيغطوا عليها مؤقتًا، مش دائمًا. خطوات عملية عشان تتحسني بسرعة: البشرة والحبوب : اغسلي وجهك مرتين يوميًا بصابون لطيف (زي الـ Cetaphil)، استخدمي كريم فيتامين C أو نياسيناميد للإشراق (متوفر في الصيدليات). اشربي 2-3 لتر مياه يوميًا، وكلي فواكه زي البرتقال والليمون. لو شديدة، تابعي مع دكتورة جلدية. الجسم والشكل الأكبر : مارسي رياضة خفيفة زي المشي 30 دقيقة يوميًا أو تمارين منزلية (فيديوهات على يوتيوب). البسي ملابس تبرز جمالك وتخفي اللي مش عاجبك، واختاري تسريحة شعر حديثة تناسب وجهك. الشعر : زيت جوز الهند أو الأرغان مرة أسبوعيًا، وغسله بشامبو خالي من السلفات. قصي الأطراف كل شهرين عشان ينضف. الثقة الداخلية هي اللي بتخلي الجمال يطلع. ادعي الله دايما يزين قلبك وشكلك. قولي "الحمد لله على نعمه" كل صباح، وهتشوفي الفرق! جربي دول أسبوع وشوفي التحسن، ولو عايزة استشارة متخصصة، شوفي الخبراء في https://www.fedni.net/experts (في جلدية وتجميل وتغذية). وابحثي في فدني عن "حبوب وجه" أو "عناية بشرة" هتلاقي إجابات كتير. أنتِ قمر، بس محتاجة شوية صيانة! 💖 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٩ مارس ٢٠٢٦
المفروض الاول بندور على السبب العلمي لدا شوفي دكتور جلدية محترم مع المتابعة معاه ولو مجبش نتيجة نشوف نفسية اوقات كتير نفسية الشخص تاثر على وجهه الشخص من حبوب وغيرة واخيرا التقبل لازم نتقبل نفسنا لان ربنا لا يخلق شئ وحش اطلاقا فكل ماهو اتي من الله جميل
تم النشر السبت، ٢١ مارس ٢٠٢٦
ضبطي اكلك هيفرق معاكي اكتر من 75 من 100 في شكل الحبوب او النضارة وغيرو
تم النشر الأحد، ٢٢ مارس ٢٠٢٦
الله المستعان
تم النشر الأحد، ٢٢ مارس ٢٠٢٦
تابعي اول حاجة مع دكتورة جلدية كويسه و اعرفي نوع بشرتك عشان تعرفي تستخدمي اي عليها ومش اي منتج ف اعلان يبقي كويس و هيجيب من الاخر لا خالص والله انا كنت زيك بردو و افظع كمان ولما مشكلة الحبوب خفت بقي فيي مشكلة الاثار بتاعتها وده مأثر علي نفسيتي خالص ف تابعي الاول مع حد شاطر و اهتمي بنفسك
تم النشر الأحد، ٢٢ مارس ٢٠٢٦
لازم تروحي لدكتور جلدية شاطر
تم النشر السبت، ٢١ مارس ٢٠٢٦
عالجي ده وحبي نفسك
تم النشر السبت، ٢١ مارس ٢٠٢٦
لعرض السؤال في فدني اضغط هنا