السلام عليكم
مش عارفه ابدأ منين او اقول اي بصراحه بس انا بنت من وانا وصغيرة كنت بحاول اقرب من ربنا بكل حاجه كنت ناويه اخلص حفظ قرآن وبدأت اتحجب من سن صغير خالص ومبلبسش بناطيل خالص بس في فترة اعدادي دي انا معرفش اي الي حصل ولا كان في اي بس كنت بمارس العادة السرية وانا معرفش اصلا يعني اي ولا اعرف معنى لأي حاجه عن الشعور ده وليه وكنت كل مرة ببكي ببقى حاسه انه حاجه غلط بس معرفش وبقول لربنا انا مش فاهمه فهمني لو بعمل حاجه غلط ماما تعرف واي حد لحد ما أمي عرفت فعلا وانا وقفت وفهمتني ان ده غلط
فترة الثانوي والاعدادي كان تشتت وان كل حاجه مبتتحققش من مجموع من مدرسة نفسي اخشها مع اني بحس اني بكلم ربنا ديما وهو سامعني ديما وفي حاجات بتتحقق فعلا بس كل مابدعي دعاء كبير ميتحققش ثقتي بدأت تضعف اوي في نفسي وبقيت حتي اني مبحولش اني اغير ده عشان ممكن ميتحققش في الثانوي فضلت ادعي كتير وبحاول كان ديما الشيطان بيتغلب عليا في نقط كتير عدم مذاكرة عياط من غير سبب تفكير سلبي
ديما افكر في اي حاجه خصوصا ان كان عندي مشاكل كتير مع بابا واهلي كنت ديما بحاول اعتزلهم بسببولي تعب ديما ومجبتش المجموع الي كان نفسي فيه في الثانوي كالعاده حسيت ان العالم وقف فعلا قدامي بعدت عن ربنا خالص وبقيت بسمع اغاني الي كنت ديما بخانق صحابي عليها وبقيت بتعرف اون لاين علي ولاد وصحبتي عرفتني علي ابلكيشن كل يوم بتعرف علي ولد بكلمهم بالساعات وبقيت بعمل حاجات بستغرب نفسي بيها
نزلت شغل وبقيت بعيده اوي عن اهلي مهو الي بيربطني بيهم كان الفلوس ومبقتش باخد حتي احتياجاتي الاساسيه في البيت بقيت بجبها حسست نفسي بالحرية وان محدش يقدر يسألني عن اي حاجه وموضوع الولاد ده فضل معايه ورجعت للعادة السرية تاني وزادت اني بسرش علي حاجه اباحيه والولاد الي بكلمها بتاخد كل وقتي حرفيا مبهتم بالمذاكرة خالص هو الشغل الاساسي عشان من غيره مش هيبقي معايه اي فلوس وهرجع محتاجه لأي وهما مش هيدوني كده كده علي رأي اختي انا كفايه علي الي ادفع فيا في الثانوي ومعرفتش اجيب مجموع بس الكلية غير جبت ماجبتش محدش هيعرف حاجه
قللت الصلاة لحد مابقيت مبصليش حتي حفظ القرآن مبحفظش حبيت ولد كان معجب بيه في الشغل وطلع مدمن وانا بعدت هو كان شخص ابن ناس الحمد لله انه مأذنيش واتعرفت علي شاب هو حبني وانا حبيته يعتبر بس مع كل ده انا موقفتش اني اكلم شباب تانيه واتعرف علي شباب اكتر كلهم بيعجبوا بيا عشان شكلي حلو وانا ببقي عارفه انه هيعجب بيه مكنش فارق معايه انه بيتسلي ولا لاء بس حصل ان في حد دعي عليا عشان اذيته وبعدت هما كلهم كبار واكبر مني اقل حاجه تلت سنين والي بحسه بيتسلي فعلا بحب احسسه بذنب
المهم الولد الي حبني ده اتكلمنا سنه وشاف مامتي وانا شفت مامته وانا دلوقتي حاسه اني مش عايزه اكمل هو هيسافر برا عايش انا مش هعرف اعمل كده هو بيقولي اني كنت اعرف من الاول بس انا كنت بكلمه ك معرفه وان حد عايش برا وبس بس حسه اني حبيته فعلا هو عايز يجي يتقدملي كمان شهر بس انا قولتله ان في حد متقدملي ودخلت اتعرفت علي شاب جاهز وجه وقعد معانه فعلا ومستعد يخطبني الشهر ده بس التاني خلاه مامته تكلمني وهو فضل يقولي انه بيحبني انا فعلا بحبه عيطت كتير وندمانه علي كل الهبل الي بنيله
وصليت توبه بس برجع تاني ده اثر علي درستي وشغل وكل حاجه قعدت من الشغل ومش طايقه اذاكر بقعد لوحدي اغلب الوقت بعمل الحاجات دي مش عارفه اعمل اي اقبل الشخص الي جاد وعايز يتقدملي ولا اقبل الي بيحبني وانا حبيته والله بس هستنا وهفضل اعمل ذنب وانا بكلمه مشتته وتايهه خالص بقول ديما يارب ليه مخدتنيش قبل ماابقي كده انا من وانا وصغيرة بعيط وبدعي اني اموت بس ربنا مبيقبلش دعائي خالص ده
غير اني من الثانوية العامه مش عارفه ده حالة نفسية ولا اي بس بنتف شعري شعري كان حلو خالص بس كل مابتخانق مع اخواتي او باباو بابا وماما كانوا بيشدوني منه احد مرة لقيت اختي الكبيرة قصيت حته منه جتلي فكرة اني اقصه خالص عشان يقصر ويبطل حد يمسكني منه بس الموضوع قلب انه شكله بقي وحش بقيت طول منا قاعده بشده وبنتفه من جدوره مبيطولش انا مش عارفه محتاجه دكتور نفسي ولا اي ارجوا المساعده ملحوظة اني حاولت انتحر اكتر من مرة بس مبقدرش عشان عارفه انه حرام ومدركة اني مينفعش اعمل كده وبقعد افكر نفسي باحلامي الي نفسي اعملها ومهاراتي الي بحب اعملها بس بجد اتخانقت ارجوا المساعدة
السلام عليكم ورحمه الله وبركاته بصي يا ست البنات 22 سنه حاليا من واحنا صغيرين اعدادي بدات معانا اللخبطه وللاسف احنا ما حطيناش أساس في وقت اللخبطه دي فعلشان كده الدنيا بدات تتبني على يعني زي ما بنقول كده اساس غير ثابت اساس هش عشان كده كل اللي طالع فوقيها شبهه أنا لما باجي ابني عماره ما ينفعش ان انا ابنيها ولا ابدا اعمل اي تفاصيل فيها الا لما بيحطوا اساس كويس في الارض فاحنا هنا الاساس بتاعنا غالبا في مشكله الاساس ممكن يكون جزء كبير منه هو تقصير من والدك ووالدتك إن هم ما جوش هم وفي الفتره دي بدأوا يحطوا لك الاساسات خلي بالك من كذا يدوكي معلومات تخص كل شيء انت بتتأسسي فيه الامور الاخلاقيه الامور الدينيه. انت قلت ان انت لوحدك في عندك من جوه البذره بتاعه الالتزام ودي الفتره الطبيعيه بتاعت اي بني ادم ربنا خلقنا نضاف خلقنا بنميل للشيء الكويس مش بنميل للشيء الوحش ولكن طبعا لان في جزء جوانا وهي النفس الامارة بالسوء اللي هي فيه حته جوانا ربنا خالقها بتقول لنا نعمل الوحش. فهو ده اللي بيخليني فجاه بنلاقي نفسنا ممكن نعمل حاجات وحشه ودي مش طبيعتنا ده مش العادي بتاعنا ومش ده اللي احنا عايزينه اصلا ليه هنا بقى بيحصل ده ده بيحصل عشان في جزء من جوانا نفس الاماره بالسوء هي اللي بتعمل ايه هي اللي بتبدا تطلع الافكار الوحشه طيب هو ليه احنا بقى فعلا بننفذ الحاجات دي بننفذها لان احنا الجزء الاكبر الثاني مش قوي كفايه والحته اللي نشأت دي منها الفكره الوحشه احنا ما عندناش اللي يقف قصادها ويبقى مناعه قويه قصاد الفكره دي في نفسنا الحلوه انا ممكن اكون بحب الالتزام لكن انا ما عنديش مسؤوليه الالتزام بشكل كافي علشان لما تطلع لي فكره سيئه من بتاعه العاده او بتاعه ان انا اتكلم مع ولد الاقي المناعه القويه بتاعتي بتاعت الالتزام دي بتقف قدام الفكره دي وبتقول لها لا احنا محتاجين لا تطلع من جوانا انت لجأتي وكنت بتدعي ربنا وبتقولي له يا رب يعني خليني اوقف ده لو هو غلط حتى ان ماما تعرف ربنا استجاب لدعاء ليه ما كملتيش واستخدمتي الطريقه دي الطريقه دي مش بس طبعا طول الوقت ادعي واستجابه الدعاء على فكره مش ان الحاجه تحصل زي ما انت بتدعي بيها بالضبط لا استجابه الدعاء انه ممكن يكون ربنا حماكي من حاجات تانيه كتيره جدا كانت هتحصل أسوأ ولكن ما حصلتش انت قلتي المثال بتاع الولد للاسف ارتبطت بيه وكان مدمن كان ممكن يحصل حاجات سيئه لكن ربنا حماكي منها ممكن يكون مقدر الدعاء اللي انت بتدعيه ربنا طيب احنا نعمل ايه دلوقتي في حاجه اتبنت بشكل غلط وعايزين نصلحها. هنمشي مع بعض بقى خطوة خطوة هنبدا الموضوع بان احنا اول حاجه هنقول خلاص احنا مسؤولين عن كل الاخطاء اول حاجه احنا مسؤولين عن البنا الغلط ده بما اننا مسؤولين واعترفنا بمسؤوليتنا اذا احنا هنتحمل الخسائر اللي ممكن تنتج لما نبدأ نهد الحاجات اللي هي اتبنت غلط علشان نبدأ حط اساسات ثانيه كويسه نعرفها طيب احنا هنهد ايه بقى احنا هنهد ان احنا اولا هنشوف ايه في تصرفاتنا محتاج محتاجين ان هو يتوقف فورا اللي محتاجين ان احنا نوقفه فورا هو ان احنا نتواصل مع ولد طالما الولد ده ما يمتليش باي صلة انصحك انك سواء الشخص اللي انت بتحبيه او اللي عايز يتقدم او او انت محتاجه تاخدي فتره تخلصي فيها كل اعاده الترتيب اللي انت هتعمليه مع نفسك وبعد كده بعد ما تخلصي الفتره دي تقدري إنك تقرري في مساله الارتباط دي بشكل بقى هيكون اهدى وبعيد عن التوتر والتشتت والاندفاعيه وان في حاجات ثانيه ماثره عليك هنبعد عن الكلام ده وان شاء الله يكون القرار افضل. دي آدينا اتكلمنا في حاجه من الحاجات اللي لازم تتوقف فورا الحاجه اللي لازم تتوقف فورا انك تبقي بتتعمدي تتزيني وانت خارجة دي من اكتر الحاجات اللي هتبقى بالظبط كاننا كده لما بنيجي نصلي بنعمل ايه لازم نتوضى والوضوء بيعمل لنا ايه ده مجرد حلم يمشي على جسمنا لكن الوضوء له فوائد كثير نفسيه وجسديه تلامسي مع المايه ده بيفرق جدا في تهدئه الاعصاب تلامسي مع الميه في الشكل الروحاني وعند ربنا انا بقول لجسمي دلوقتي وبقول لروحي وبقول لنفسي انا بغسلك من الحاجات الوحشه اللي حصلت قبل ما اصلي الصلاه دي. انا ناوي اروح اقابل ربنا فانا عايز اغسل الحاجات اللي ممكن تكون عدت وحشه على ايدي عدت وحشه على بقي وعلى لساني عدت وحشه على انفي على وجهي كل حاجه فانت لو حاطه ميك اب هتبقي لازم تشيلي الميك اب لو لابسه لبس ضيق هتلبسي إسدال عشان يكون واسع فاحنا محتاجين ان احنا الحاجه التانيه اللي احنا نوقفها ان احنا ما نتعمدش التجمل ثاني قدام الناس نوقف ده تمام ده اللي هينقلنا لمرحله ثانيه مهمه قوي هكلمك فيها في الفويس الجاي. الحاجه بقى اللي هي لها علاقه بالتجمل هو اللي تقرري ايه الشخصيه اللي انت فعلا عايزاها تكون تحت اسمك لو انا اسمي ياسمين فانا احب اني اكون ياسمين الطيبه بحب اني اكون ياسمين الحنونه أحب إني اكون ياسمين اللبقه احب اني اكون ياسمين اللي ربنا بيحبها انت هتختاري الصفات اللي انت عايزاها فعلا تكون في شخصيتك وانت هتكوني راضيه عن نفسك بالصفات دي واهم حاجه حطي تحتيها مليون خط انت هتكوني راضية عن نفسك فيها مش انه اللي حواليك هيسقفوا لك عليها ولان اللي حواليك هيشوفوك كده شاطره وناجحه ولا ان اللي حواليك هيبقوا مبسوطين لما يشوفوك كده لا احنا مش عايزين اي حاجه. احنا عايزين الصفات اللي هتكون بالنسبه لك هي اللي تخليكي راضيه عن نفسك وتقدري توقفي بكل فخر قدام ربنا طب تعالي بقى اقول لك كده على حاجه ممكن البني ادم يكون فخور وهو واقف قدام ربنا بيها وربنا اصلا بيحب الناس دي عشان كده هيكون مبسوط وهم قدامه اللي هم الاوابين مين الاوابين دول الاوابين دولت اللي كل ما بيقعوا وبيغلطوا يرجعوا يتوبوا وبعدين يقعوا ويرجعوا يطول ويقعوا ويرجعوا ويقعوا ويقوموا هم دولت الاولانين ربنا بيحبهم جدا ربنا يكون فخور بيهم ليه بيكون فخور بيهم عشان نستسلموش عشان ما قالوش خلاص بقى كده باظت خالص لا لحد اخر نفس ولحد اخر وقت بيتوبوا وبيعملوا شروط توبه كلها يا رب واحنا اسفين ومش هنعمل كده ثاني ويلاقوا نفسهم ضعفوا وقعوا تاني. فعايزه تكوني من الاوامين يبقى خلاص ودي انا عايزه اكون من الاوابين لو ما قدرتش اتخلص من الذنب ولو مقدرتش أتوقف عن الذنب فانا هكون من الاوابين كل ما هعمل الذنب هروح وهتوب وهقول يا رب انا مش هعمل كده ثاني هو انا اسفه وساعدني واعني دي نقطة مهمه جدا انا طول الوقت اطلب الاستعانه من ربنا زي ما انت عملت كده هنا في التطبيق وطلبت الاستعانه. طول الوقت تطلبي الاستعانه من ربنا.
تم النشر السبت، ١٤ يونيو ٢٠٢٥
نظرتي للموضوع ان احتمال تكوني ضحية أب نرجسي وضعتي وبعدتي ودختي ورحتي بعييييييد بسبب عدم الوعي بدليل اعتزالك ابوكي بسبب المشاكل •النرجسي بيتلاعب بمشاعر ضحاياه مرة يستخدم التخويف مرة يستخدم تأنيب الضمير ان انا عملت لكم وسويت لكم وضحيت من أجلكم وانتو مقصرين انا بفني حياتي لكي وانتي مبتذاكريش وهكذا •بخيل وعنيف عالي الصوت فاجر اللسان لاذع النقد دائم الكذب ويكره المدينة كلها •وطبعا البيت جحيم أغلب الوقت •وبيستخدم احتياج الأطفال للحب فبيمنعه عنهم ويذلهم عليه يعني مش هحبك إلا لو جبت الدرجة النهائية وما دمت اقل فأنا بكرهك .. وده محرق للطفل وسبب للجفاف العاطفي •الجفاف العاطفي سبب كره النفس والأفكار الانتحارية •الجفاف والجوع والإحتياج العاطفي هو اللي أهلكك وخلاكي تجري ورا الشباب والمتعة اللحظية لتعويضه بالإضافة إلى الهروب من الواقع الصادم إلى الشهوة فوصلتي إلى حالك اليوم •••• والموضوع له حل بإذن الله فهل انتي ضحية جحيم اب نرجسي ؟
تم النشر الأحد، ١٥ يونيو ٢٠٢٥
لازم اخصائيه نفسيه تساعدك لحد ما تقفي علي ارض صلبه و بعد ما تبقي كويسه ساعتها هتعرفي تاخدي قرارات صح و علي فكره ربنا بيحبك انه مسمعش دعائك و اخدك لما طلبتي لانك مكنتيش مستعده من حنيته سايبك تتوبي
تم النشر الأحد، ١٥ يونيو ٢٠٢٥
ربنا يكون في عونك فتره وهتعدى بس انتى حولي تقربي من ربنا وكل حاجه هتتحل
تم النشر الأحد، ١٥ يونيو ٢٠٢٥
لعرض السؤال في فدني اضغط هنا