عندي مشكله ان بيجيلي دايماً تعليقات على جسمي انا152 ووزني49 المهم اني نزلت الچيم ومش هكدب عليكو انا ثقتي اتهزت من كميه التعليقات من قريب قبل الغريب ودايماً كانت بتجرحني التعليقات دي واجي اقول لماما تقعد تقولي بطلي اڤوره دول بيهزرو معايا حتى لما نزلت الچيم مع بنت خالتي قالت كذا مره يلا يالي بتزيدي بالجرام انا محبتش ارد ولا بحب ارد على اي حد بإساءه بالعكس بخاف اجرح مشاعر الي قدامي حتى لو من بصه في المقابل الي قدامي مش بيقدر انا حساسه اوي وماما عارفه كده بجد بقيت اكره نفسي وشكلي والناس كلها ببقى نفسي اقولهم وانتم مالكم واجرحهم زي ما انا عايزه بس مبقدرش وان عملت كده ماما بتزعقلي مع اني لو كنا مكانها مكنتش هسكت لو حد انتقد بنتي في حاجه بجد تعبت وزهقت ومش عارفه اعمل ايه
أولاً، أنا آسفة جداً إنك بتمري بكل الإحساس ده، وإن التعليقات دي بتأثر عليكِ كده. شعورك بالألم والإحباط طبيعي تماماً، وإنك حساسة مش عيب، ده جزء من شخصيتك الرقيقة. وزنك 49 كيلو وطولك 152 سم ده وزن طبيعي وصحي، ونزولك الجيم خطوة إيجابية لصحتك مش عشان ترضي حد. حاولي تبني ثقتك من جواكِ أولاً، لأن التعليقات دي غالباً بتعكس مشاكل الآخرين مش أنتِ. لما حد يعلق، ممكن تردي بهدوء وبلباقة زي "شكراً، بس أنا مرتاحة كده" أو "أنا بشتغل على صحتي مش على الرقم ده"، ده بيحمي حدودك من غير ما تجرحي حد. لو ماما بتقول إنه هزار، قولي لها بهدوء إن الكلام ده بيأثر عليكِ نفسياً وإنك محتاجة دعمها مش التقليل من شعورك، ولو عملتِ كده مرة أو اتنين هتفهم إن الموضوع مش هزار بالنسبة لكِ. ركزي على إن جسمك أمانة من ربنا، وإنك بتعملي اللي تقدري عليه عشان صحتك. جربي تكتبي كل يوم حاجة إيجابية في نفسك (مش بس الشكل)، ولو حسيتِ بالضغط كتير، ابحثي عن أسئلة مشابهة على فدني عشان تشوفي تجارب بنات تانيين. أنتِ قوية، وهتعدي المرحلة دي بإذن الله، ولو عايزة تتكلمي أكتر أنا هنا.
تم النشر الثلاثاء، ٢٩ سبتمبر ٢٠٢٦
السلام عليكم، وتكرهي نفسك وثقتك تتهز ليه؟ محدش له حاجة عندك ومش من حق حد ينتقدك. وزنك على فكرة طبيعي بالنسبة لطولك، ومش محتاجة تزيدي أو تغيري نفسك عشان ترضي حد ولا محتاجة رأي الناس فيكِ عشان تقيمي نفسك. *** وعلى فكرة، لو تخنتِ هيتكلموا برضه وهينتقدوكِ، حتى اللي وزنهم قليل أو زائد مش بيسلموا من النقد والسخرية، فارمي كلامهم ورا ظهرك وتجاهليهم خالص. لو عرفتِ تردي عليهم وتوقفيهم عند حدهم وتعرفيهم إنك مش هتقبلي أي كلام أو تريقة وإنك متسمحيش لحد يتخطى حدودك الحمرا أو يغلط بحقك، لو معرفتيش فزي ما قال أستاذ عصمت، ارميهم بنظرة توصلهم رسالتك. *** أحبي نفسك وتقبليها ومتخليش حاجة أو حد أبدا يهز ثقتك بنفسك أو يكرهك فيها. شكلك وجسمك وصحتك نعمة من ربنا فاحمدي ربنا على النعمة وتقبليها وحافظي عليها. خليكِ جريئة وقوية في حقك، واستعيني بالله وإن شاء الله يكفيك ألسنتهم ويوفقك دايما. 💚
تم النشر الثلاثاء، ٢٩ سبتمبر ٢٠٢٦
بصي يا بنت الحلال لما حد يتريق على وزنك وطولك بصيله ببرود وقوليله جسمي وعاجبني ومطلبتش رأي حد ولو اتكسفتي تردي عشان بتخافي تجرحيهم بصيلهم من فوق لتحت وامشي وسيبيهم من غير ولا كلمة تاني حاجة الجيم اللي نزلتي فيه كملي فيه لنفسك ولصحتك مش عشان ترضيهم تالت حاجة قللي قعدتك ومكالماتك مع اي حد بيستظرف حتى لو قرايبك ولما مامتك تقولك بتافوري قوليليها الكلام بيجرحني وكنت محتاجاكي تدعميني رابع حاجة اقفي قدام المراية وقولي لنفسك وزنك 49 وطولك 152 ده وزن مثالي جدا ومتناسق وبطلي تبصي لنفسك بعينيهم لانك جميله وبطلي طيبة زيادة مع اللي مبيحسش بيكي. وجد والله ربنا يحفظك ويسعدك
تم النشر الثلاثاء، ٢٩ سبتمبر ٢٠٢٦
لعرض السؤال في فدني اضغط هنا