السلام عليكم ورحمة الله وبركاته
أنا مش عارفه أبدأ ازاي أنا مش اجتماعيه خالص بحب اقعد لوحدي داىما حتى اني بعدت عن صحابي عن أهلي أهملت في الصلاه أهملت في الدراسه
أنا حاليا تالته ثانوي أزهر حاسه ان في ضغوط كتيره جدا بقعد بالساعات من غير ما أعمل حاجه انا كنت بصمم أزياء وكدا وكنت برسم بحب الرسم جدا أصلا دي هوايتي المفضله بألف قصص وروايات بس كل شغفي راح حتى اني حلمي أكون شرطيه بس بردو الشغف راح
أنا تاني سنه ليا في الثانوية الأزهرية وده أثر عليا جدا الفتره دي فأنا عايزة أخرج من المرحله دي ومش عارفه أعمل اي
عليكم السلام ورحمة الله و بركاتة، قبل إى حاجة عايز اعرفك إن كل واحد فينا بيعدي بمرحلة بتيجي كل شوية بيبقى فيها مش عايز يقعد مع حد، عايز بس ياكل و يشرب و ينام 😂😂😂، يعني ياريت لو النوم بس كمان😂😂، كلنا بتعدي علينا المرحلة دي باستمرار طبعاً بفروق فردية فمتخليش المرحلة دي تكون سبب في هدم ما تم بناءة لأنه كده كده مؤقته زيها زي الدنيا ديه، لها حل طبعا، بس حلها بيختلف من شخص لاخر يعني أنا مثلاً لما بيجيلي الإحساس ده بيكون بس المطلوب آني اقوم اقعد مع الجماعة فقط و أفضل قاعد معةهم، و بكده المشكلة اتحلت، في واحد غيري ممكن يكون بيحب في الفترة دي يتكلم مع حد و هكذا بنختلف كلنا، فانتي ممكن تسألي نفسك إى ممكن يساعدني في الاوقات ديه و تجربي كذه حاجة و اكتر حاجة تنجح معاكي اعتمديها. ________ أنا متفهم جداً فكرة أنك تكوني في تالتة ثانوي و كمية الضغط اللي بتبقى موجودة في اثناء المرحلة دي خصوصاً انها مش فترة قليلة (سنة كاملة)، بس عايز افكرك بحاجة اكيد أنتي نسيتيها ﴿لَا يُكَلِّفُ اللَّهُ نَفْسًا إِلَّا وُسْعَهَا ...)، اعرفي ربنا مش هيحطك في موقف غير و هو عارف أنك قدها و قدود و إن شاء الله تعدي بتفوق. _______ طيب بالنسبة لنقطة أنك بتبعدي عن اهلك و اصحابك, أولاً اهلك، بصي يا بنت الناس اهلك دول مهما عملوا و مهما عملتي امسكي فيهم بسنانك و ضوافرك و ايدك و رجلك😂😂🤣، بصي خودي راحتك في المسك فيهم، إى ده يعني إى؟ يعني تخيلي معايا كده أنتي معاكي لوحة رسم كل ما تبوظيها و تسبيها شوية ترجعي تلاقيها رجعت زي ما كأنك و احسن كمان😂، اهو اللوحة دي اهلك كل ما تزعليهم أو يضايقوا منك بشوية حاجات بسيطة تكاد لا تذكر يبقى ولا كأن حد اضايق أو حد زعل كمان، فحاولي تقربي منهم حتى لو هتفضلي قاعدة وسطهم من غير كلام، صدقيني هتحسي بفرق، لما ادركت كده أنا كنت في البداية بفضل قاعد وسطهم ابص لاخويا و هو بيتكلم شوية و لابويا شوية و لاي حد بيتكلم شوية من غير ما اشارك في الكلام😂🤣 (الحمدلله محدش قال ودوه المصحة ولا حاجة 😅🤣) لحد ما دلوقتي مثلاً بقيت اعرفه اشارك بشكل كويس ( مش أوي بس ادينا بنحاول 😅)، فجربي كده بدل ما تقعدي لوحدك تقعدي معاهم أو بدل ما ترسمي في اوضة لوحدك اقعدي وسطهم مثلاً هما في الصالة اقعدي في الصالة وسطهم كده و ارسمي حاجة(جربي مش هتخسري حاجة) ثانيا بالنسبة لصحابك، بصي مش لازم نشوف صحابنا كل يوم و نكلمهم كل يوم و نمشي معاهم بعد كل درس و نعرف هما كله إى و شربوا إى علشان يبقى اسمنا قريبين من بعض نهائي🤷🏻 فلو ده السبب و مخليكي بتقولي أنك بتبعدي عنهم علشان كده اطمني هما لسا موجودين مطرح ما سبتيهم اخر مره 😂😂، طيب لو الموضوع مش كده؟ شوفي أي ضايقك أو حصل إى مؤخرا من صحابك اللي بتبعدي عنهم ( لو بسبب النقطة اللي قولتهالك فوق خالص فده عادي). _________ طيب نيجي بقى لاهم نقطة، الصلاة، اوعي ثم اوعي ثم اوعي تضيعي الخمس فروض في يومك "مهما حصل"، إن شاء الله لو الأرض بتولع و أنتي لسا مصلتيش الخميس فروض و فاضل ساعة على فجر تاني يوم اتوضي و صليهم ده مفيهوش هزاار ولا تهاون نهائي حرفياً ( ديه فيها كفر و تارك الصلاة كافر بإجماع من العلماء) و طبعاً اللي يتوب ربنا غفور رحيم، طيب لو الموضوع مش كده و أنتي بقيتي تقصري مثلاً في مواعيد الصلاة بعد ما كنتي ثابتة على الصلاة في وقتها؟ هنا احب اقولك هو في حاجة أهم من الصلاة؟ إى شاغلك؟ إى يخليكي تأخريها؟ لو أنتي كنتي في سبيل الله (في درس يعني) معذورة و مش شئ يضايقك، طيب لو بتذاكري أو بتلعبي أو بتتكلمي مع حد، عذرك إى؟ ولا حاجة أكيد، يبقى معلش نيجي علي نفسنا و نعمل اللي علينا و نسعى و نقول يارب و نسيب الباقي على ربنا صح ولا إى؟ ________ نيجي لاخر نقطة، شغفك و اهدافك و هواياتك، بصي هقولك حاجة مهما حصل دول اللي بيخلوكي نفسك فهمها حصل متتخليش عنهم، ممكن نعدل فيهم ايوا و ده طبيعي علشان نتكيف مع يومنا و احتياجتنا، لكن مش نتخلى عنهم، ارجعي صممي تاني و لو شئ بسيط و ارجعي ارسمي تاني و لو صورة لنفسك، و ارجعي اسعي لحلمك تاني و مين يعلم مش يمكن نقولك يا حضرتك اللواء قريب؟ بس اهم حاجة لما نقولك كده متنسيش إن أنا اللي شجعتك 😂😂😂 هقولهم أنا تبعك على طول🤣🤣. في مقولة اتقالت في فيلم تربوا الكرتون No dream is too big, and no dreamer too small هسبلك لينك لفيديو مجمع لكلام دانزل واشنطن الفيديو ده أنا حافظة في تليفوني و من الوقت للتاني بسمعه من كتر جمالة https://youtu.be/K0oeu45992k?si=fvfCi9rbky4K409R و في فيلم انيميشن هنصحك تتفرجي عليه و صدقيني كل مره هتتفرجي عليه هتتعلمي حاجة جديدة عن الحياة و عن نفسك، بس أهم حاجة اتفرجي بتركيز الفيلم اسمة (Soul) هسيبلك صور تحت يمكن تساعدك اكتر من كلامي. وبس اتمنى يكون في إفادة.
تم النشر الخميس، ١٥ أكتوبر ٢٠٢٦
وعليكم السلام ورحمة الله وبركاته يا أسماء. أول حاجة أحب أقولها لك إن اللي بتمرّي بيه طبيعي جدًا في مرحلة زي اللي أنتِ فيها، خاصة مع ضغوط الثانوية الأزهرية والتغييرات النفسية اللي بتحصل في السن ده. الاكتئاب مش ضعف، وإنك مش قادرة تحسي بالشغف زي الأول ده مش نهاية الطريق، ده مجرد مرحلة مؤقتة ممكن تخرجي منها بخطوات صغيرة ومنتظمة. ابدئي بخطوات بسيطة وواقعية تناسب ظروفك دلوقتي. ركزي على الصلاة أولًا، حتى لو بخطوات صغيرة زي إنك تعملي الفرض في وقته وتدعي ربنا يريح قلبك، لأن الصلاة بتدي طاقة واستقرار نفسي كبير. بعد كده، حاولي ترجعي لهواياتك تدريجيًا بدون ضغط، مثلاً ارسمي رسمة صغيرة كل يوم أو اكتبي جملة في قصة، حتى لو مش زي الأول. المهم إنك ترجعي تتواصلي مع نفسك من خلال الحاجات اللي كنتِ بتحبيها، وده هيساعدك تستعيدي الشغف شوية شوية. كمان حددي هدف يومي صغير في الدراسة، زي مراجعة درس واحد أو حل تمرين، عشان تحسي بالإنجاز وتقللي الشعور بالضغط. تذكري إن الخروج من الحالة دي مش هيحصل بين يوم وليلة، لكن الاستمرار في خطوات صغيرة هيخلّيكِ تشوفي تحسن تدريجي. لو حابة تتكلمي أكتر عن أي جزء من اللي بتمرّي بيه، أنا هنا أسمعك وأساعدك. ولو عايزة أفكار إضافية، ابحثي عن أسئلة مشابهة على فدني عشان تشوفي تجارب ناس تانيين. أنتِ قادرة تتجاوزي ده، وأنا مؤمنة فيكِ.
تم النشر الأربعاء، ١٤ أكتوبر ٢٠٢٦
اشكركم ❤💓
تم النشر الخميس، ١٥ أكتوبر ٢٠٢٦
وعليكم السلام ورحمة الله وبركاته أهلًا بيكِ 💜. عايزة أقولك دي فترة طبيعة عشان تحاولي تأخدي خطوات فعلية وواضحه في حياتك، لأزم تُمري بالمرحلة وهي التبخط والتشتت وعدم فهم النفس وربما بتكوني عايزة تتركي كل شيء وأنتِ مش فاهمة السبب!! الخطوة الأولى: فهم النفس البشرية ودي هتكون بـ مجالس فقه النفس لـ د. عبد الرحمن ذاكر الهاشمي موجودة على اليوتيوب! الخطوة الثانية: بلاش جلد ذات لنفسك بالعكس كوني هينة لينة على نفسك هتعملي إيه؟ هتبدأي ترجعي الأساسيات فروضك خط أحمر حتى لو مشتته أو مثلًا تايهه عادي الصلاة مفيش فيها نقاش! ورد القرآن أنصحك تقعدي الفترة دي تقرأي سورة البقرة فقط دي مش قاعدة( دي تجربة شخصية) المهم سورة البقرة ليها تأثير على الهدوء والسحر والحسد وأخذها بركة بركة كبيرة جدًا الحاجة الأخيرة: الشغف مش مهم عشان تكملي حياتك كمليها سواء في شغف أو مفيش لأن هو حاجة مؤقتة! المهم أنتِ افهمي نفسك أنتِ ليه وصلتي لنقطة دي دوري على هوايات حاجات تدفعك حلول لمشاكلك وهتتحل صدقيني. ركزي في دراستك لأنك في سنة مهمة ذاكري ونظمي وقتك وادعي ربنا يعطيكِي طاقة تكملي بيها! بالتوفيق 💜.
تم النشر الخميس، ١٥ أكتوبر ٢٠٢٦
يمكن اللي بعدتي عنهم مكانوش صاحباتك....مكانوش مناسبين كأصدقاء للصحبة.....حاولي تلاقي حد مناسب يشاركك نشاطات معينة ويكون شبهك.....البعد عن الأهل مرحلة وبتعدي إن شاء الله ومش بتكون فترة طويلة..... الصلاة خط أحمر منقدرش نتخطاه لأنها ترمومتر حياتنا كمسلمين ف الحذر كل الحذر واسمعي وتابعي من يذكرك بالله..... إذا صلحت صلح سائر العمل.....المسلم المؤمن لا يكتئب ولا يقنط من رحمة الله، هي بس مرحلة ضعف كلنا بنمر بيها وبتعدي بإذن الله
تم النشر الخميس، ١٥ أكتوبر ٢٠٢٦
لعرض السؤال في فدني اضغط هنا