انا عندي احتياج مش طبيعي إني اتكلم مع حد
انا اصلا وحيد من غير اخوات و علاقتي بعيلتي سطحية جدا و مؤذية جدا بالنسبة ليا
عمري ما اتكلمت مع حد قريب أو غريب عن حياتي أو معاناتي أو أي شئ يخصني
حتي لما حاولت وانا طفل اصلا كنت دائما مش بتسمع أو محدش كان مهتم رغم إن كلهم متدخلين أو متحكمين في حياتي بس من برة عيلتي كلها حرفيا
هما بس بيأمروني أو بيعاتبوني غير كده عمر ما حد فيهم سأل عليا أو مالي أو حتي أشفق عليا
فيه حجات كتير حصلت ليا و اذيتني جامد
حرفيا حجات تحبس اللي عملوها فيا دول
بس محدش يعرف و مفيش حد يسمعني
حتي امي
حاولت مرة و انا طفل اشتكي ليها من شئ ملحقتش تسمع كلامي و زعقت ليا و وقتها وانا طفل كنت فاكر إني انا اللي غلطان واني مينفعش اشتكي
ومن وقتها وانا كاتم خالص
بس حاليا حاسس إني هنفجر أو هموت من الحرقة اللي جوايا
مش شرط يكون عندك اخوات علشان تحكيلهم أنا عندي بدل الاخ اتنين بس عمري ما حكتلهم عن حياتي مفيش حد يعرف عن حياتي غير صاحبتي انا شايفه انك لو عندي صاحب قديم وواخد عليه هتحكيله من غير اي مقدمات وعن تجربه عندي الام والاب والاخوات بس كلهم علاقتي بيهم سطحية خالص مفيش غير صاحبتي دي بحكيلها حتي وانا بعيط وبتسمعني ولو معندكش اصحاب انا شايفه ان اكتر حد ممكن يسمعك ويفهم ويتحويك هتكون زوجتك مستقبلا مفيش حد هيفهمك قدها بس اختار صح
تم النشر الأحد، ١٩ يوليو ٢٠٢٦
أفهم يا عبد الرحمن مدى الثقل الذي تحمله داخلك منذ سنوات، وكيف أن الحاجة للكلام أصبحت ملحة بعد كل هذا الكبت. شعورك بالانفجار طبيعي تمامًا بعد سنوات من عدم الاستماع أو الاهتمام، وهذا لا يعني ضعفًا فيك بل دليل على أنك إنسان يحتاج إلى التعبير عن ألمه. ابدأ بخطوات عملية بسيطة مثل كتابة ما يدور في رأسك يوميًا في مذكرة خاصة بك، حتى لو كانت مجرد كلمات غير مرتبة، فهذا يساعد على تخفيف الضغط تدريجيًا دون الحاجة لمشاركة أحد. يمكنك أيضًا تخصيص وقت يومي للصلاة والدعاء، ففي الإسلام نجد في اللجوء إلى الله راحة وسكينة تساعد على معالجة الجروح الداخلية، وتذكر أن الصبر على مثل هذه التجارب يُكافأ به الإنسان. ابحث عن أسئلة مشابهة على فدني لتحصل على وجهات نظر إضافية من الآخرين الذين مروا بتجارب قريبة، فقد يساعدك ذلك على الشعور بأنك لست وحدك. تذكر أن الشفاء يأتي خطوة بخطوة، وأنت قادر على التعامل مع هذا الماضي بقوتك الداخلية.
تم النشر السبت، ١٨ يوليو ٢٠٢٦
انت عندك كام سنة يا عبدالرحمن
تم النشر الأحد، ١٩ يوليو ٢٠٢٦
إذا كتبت مشكلتك في ورقة هتكون حليت نصها
تم النشر الأحد، ١٩ يوليو ٢٠٢٦
صلي ركعتين لله واشتكى ليه وانت ساجد وقولوا كل اللي مكتوم جواك هو اكيد سامعك وحاسس بيك وباذن الله هيراضيك.
تم النشر الأحد، ١٩ يوليو ٢٠٢٦
أصحابي مفيش بينا الكلام ده ، وانا اصلا بعمل كده إني بتكلم مع شات او كلاود كلهم والله بس مع الوقت مش بيبقي كفاية اصل دول مجرد خوارزميات مش حد بيسمع يعني
تم النشر الأحد، ١٩ يوليو ٢٠٢٦
اعمل ده مع اصحابك .. لو مفيش اتكلم مع متخصص سواء هنا ع التطبيق او ف تطبيق سراج .. لو مفيش خالص اتكلم يا سيدى مع شات جى
تم النشر السبت، ١٨ يوليو ٢٠٢٦
لعرض السؤال في فدني اضغط هنا