انا عندي احتياج مش طبيعي إني اتكلم مع حد انا اصلا وحيد من غير اخوات و علاقتي بعيلتي سطحية جدا و مؤذية جدا بالنسبة ليا عمري ما اتكلمت مع حد قريب أو غريب عن حياتي أو معاناتي أو أي شئ يخصني حتي لما حاولت وانا طفل اصلا كنت دائما مش بتسمع أو محدش كان مهتم رغم إن كلهم متدخلين أو متحكمين في حياتي بس من برة عيلتي كلها حرفيا هما بس بيأمروني أو بيعاتبوني غير كده عمر ما حد فيهم سأل عليا أو مالي أو حتي أشفق عليا فيه حجات كتير حصلت ليا و اذيتني جامد حرفيا حجات تحبس اللي عملوها فيا دول بس محدش يعرف و مفيش حد يسمعني حتي امي حاولت مرة و انا طفل اشتكي ليها من شئ ملحقتش تسمع كلامي و زعقت ليا و وقتها وانا طفل كنت فاكر إني انا اللي غلطان واني مينفعش اشتكي ومن وقتها وانا كاتم خالص بس حاليا حاسس إني هنفجر أو هموت من الحرقة اللي جوايا
تم النشر السبت، ١٨ يوليو ٢٠٢٦
ماشي ما الجواز ده حل بس انا مش هتجوز غير بعد 7 سنين اقل حاجة لحد ما اكون جاهز ، غير كده لازم حل حاليا أو كده....طريقة إني اتكلم مع حد اصلا مش مسألة احتواء أو إنه ييفهمني ، قصدي كلام عامة
تم النشر الأحد، ١٩ يوليو ٢٠٢٦
أصحابي مفيش بينا الكلام ده ، وانا اصلا بعمل كده إني بتكلم مع شات او كلاود كلهم والله بس مع الوقت مش بيبقي كفاية اصل دول مجرد خوارزميات مش حد بيسمع يعني
تم النشر الأحد، ١٩ يوليو ٢٠٢٦
لعرض الملف الشخصي في فدني اضغط هنا