عارفة إن الجو اللي فيه خناق وزعيق طول الوقت بيخليكي حاسة إنك مخنوقة ومفيش مكان ليكي، و احب اقولك انو مش أنتِ بس اللي بتمري ب كدا في غيرك كتير و خصوصا مشكلات الاهل ، بس رغم دا كله إنتِ لسه ليكي حق تحمي نفسك وتريحي قلبك. جربي تاخدي لنفسك وقت صغير كل يوم بعيد عن أي حد، حتى لو دقايق، تهدي فيها وتعملي حاجة بتحبيها. وبدل ما تكتمي كل حاجة، طلّعي اللي جواكي بأي طريقة: كتابة، أو حتى كلام بصوتك لنفسك. ولما تحبي تتكلمي، خلي كلامك بسيط وواضح من غير ما تحمّلي نفسك فوق طاقتها، مش لازم تشرحي كل حاجة مرة واحدة. وافتكري إن كل واحد بيعدّي باختباراته الخاصة في الحياة، والصبر عليها جزء من قوتنا مش ضعفنا. المهم تفتكري إنك مش ضعيفة، إنتِ بس تحت ضغط، وكل مرة بتحاولي تحمي نفسك أو تهديها دي قوة مش ضعف، وخطوة صغيرة منك كفاية تبدأ تغيّر إحساسك شوية شوية. حاولت اديكي خطوات عمليه سهله و ان شاء الله تفيدك يعني رغم انها تقليديه شويه:) و ربنا يهونها عليكِ يا رب و يعوضك خير. ---
لعرض الإجابة في فدني اضغط هنا