هرد على مشكلتك وبعدين هقولك على حاجات ممكن تساعدك في انك تكون علاقات وتكون صاحب اول حاجه شايفه ان مش عندك مشكله شخصيه فيك في إن تكون علاقات لأنك بتقول كنت اجتماعي جدا ومازلت بتقول بتحاول تقرب من الناس وتصاحب تاني حاجه بتقول مره واحده ابتديت تقطع علاقتك بيهم او تبعد مش فاهمه ليه يعني انت حابب اللمه والصحبه وتكوين العلاقات ابتديت تقطع ليه وبعد ما قطعت علاقتك بيهم بتشتكي إن معندكش صحاب طاب ما دا اكيد حاول لما تبقي مخنوق ومش في المود ولا في احسن حاجه تاخد خطوه لوره تراجع فيها نفسك وتصرفاتك تعملها هدنه مع نفسك ومع اللي حواليك عشان متخسرهمش تالت حاجه مهم كمان نظرتك لنفسك مقامك حيث أقمت نفسك يعني متقولش انك وحيد او وحش او العيب منك في الغالب صاحب الكل وحيد يعني متخليش كلام الناس او أهلك او اي حد بيقولك كدا يأثر فيك + خليك متأكد إن كلنا بلا استثناء بنمر بفترات واحشه وبنكون مكتأبين وشايفين العيب مننا مع انه كتير بيبقي من اللي حوالينا ومش عيب انك تقول انا بمر بفتره واحشه انا مكتئب مش ترفض انك ترفض العيب اللي عندك او المشكله معناه انك رافض تواجه نفسك فمش هتعرف تحل ما انت اساسا رافض هتحل ازاي ولا حتي هتسمع نصايح من حد ازاي حاجه كمان كنت هقول إن اللي خلاك تقطع علاقاتك بالناس او صحابك ممكن تكون مريت بتجربه واحشه زي خذلان صديق وهي اللي خلتك كدا بس انت مقولتش كدا واللي فهمته انك دايما بتحاول في انك تبني علاقات ف بقترح تراجع نفسك برضو يمكن في مشكله حصلت كرهتك في إنك تعمل صحاب آخر حاجه هقولهالك ازاي ممكن تكون علاقات مبدئيا هرشحلك كتاب كيف تكسب الأصدقاء وتؤثر في الناس هيفيدك ويساعدك ارجع لنقطه ازاي اكون صاحب واكون صداقات مع الناس واحسن علاقتي بيهم ؟ انك تكون صاحب بجد وحقيقي والناس تحبه وتحب القاعده معاه دي بتاعتك اشتغل عليها انا قرأت قبل كدا ان الانسان بيدور علي حد مناسب ليه وبينسي انه يعمل من نفسه شخص مناسب لحد المهم يعني والطبيعي لو حد كويس من جوه قبل بره وصاحب بجد وصاحب صاحبه وجدع الناس هتبعد عنه ليه رغم اني مقتنعه برضو إن الناس بتعمل كدا عادي متفهملهمش وبالنسبه لحته انك تكون صداقات بادر واسأل واهتم ومش بقولك اسأل عليهم كل يوم لا مش بكتر السؤال اخلقلك مكان وقت ازمه مع حد كون بتعرف تتواجد وقت الازمات كون الشخص اللي الناس ترتاح معاه وتعرف تفضفضله وتاخد رأيه في مشاكلهم الناس بتنسي المشاكل والمواقف الصعبه بس مبينسوش مين كان موجود فيها ومين لا وحط في اعتبارك إن احيانا كتير بيبقي كسب القلوب أولي من كسب المواقف يعني اتخانقت مع حد وشديتو لو المشكله بسيطه وتتعدي عديهاله بعتذر للاطاله ويارب اكون عرفت افيدك
انا فعلا قطعت علاقتي بناس كتير بس علشان كانو بينزلوني لتحت مش برتقي و انا معاهم و مش بحس بتقدم و قعدتهم كلها عن البنات و عن الشتايم و دا انا مبحبوش فا سيبتهم و بدأت اكون علاقات جديده اكتشفت اني اصلا كل ما ابدأ اتعرف علي حد الاقي الرفض منه و حتي لو حصل قبول في الاول بيكون في رفض بعد كدا
تم النشر الثلاثاء، ٥ مارس ٢٠٢٤
انتي بتقولي اني ليه قطعت علاقتي بيهم و بقول معنديش صحاب
تم النشر الثلاثاء، ٥ مارس ٢٠٢٤
لعرض الإجابة في فدني اضغط هنا