السلام عليكم، فيه احتمال كبير إنه يكون لاحظ مشاعرك وبالتالي دي طريقته في إنه يبعدك أو يضع حدود بينكم ويعرفك إن مشاعرك غير متبادلة. أنتِ 15 سنة وده عمر المشاعر فيه بتكون خضراء وبتتعرفي لسه على عالم جديد وبتنتبهي للجنس الآخر وبتشوفي البنات والأولاد حواليكِ بيتكلموا عن الحب والارتباط فمن غير ما تحسي بتبدئي تبحثي عن الشخص اللي توجهي إليه المشاعر دي. ويمكن أسقطتِ مشاعرك على أقرب حد في محيطك، لكن ده مش معناه إن مشاعرك دي حقيقية ومستمرة. المشاعر مع الوقت بتتغير وكل ما بتكبري كل ما بتتغيري أنتِ نفسك ونظرتك للدنيا وكمان للجنس الآخر بتتغيري وممكن الشخص اللي شايفاه دلوقتي فتى الأحلام والحب الوحيد اللي مش هتقدري تعيشي من غيره بعد كم سنة ولا حتى بعد كم شهر تلاقيه مبقاش زي ما كنتِ فاكرة وممكن قوي تعجبي بحد تاني، عشان كده نصيحة، ركزي في دراستك دلوقتي وطوري من نفسك وعقلك عشان وقت ما تيجي تختاري الإنسان اللي هترتبطي به في الحلال تعرفي تختاري صح. بالتوفيق.
أكيد ده هيحتاج تدريب منك بس حاولي قدر الإمكان تتجنبي المواجهة أصلا لحد ما تثقي في إنك تجاوزتِ المشاعر دي، يعني لو فيه زيارات تجنبيها أو قللي منها، لو حصل واتقابلتم في اجتماع عائلي مثلا ممكن تتشاغلي بالموبايل، تسمعي فيديو مفيد أو حاجة تشغلي تفكيرك بها، بلاش طبعا تواصل على النت أو تعليقات زي ما كنتِ بتعملي، خليكِ أنتِ اللي تحطي حدود... كل ما فكرتِ في نفسك ومصلحتها وإزاي تقويها كل ما هيكون أسهل بالنسبة لك تواجهي أي حاجة بترتبكي منها.
تم النشر الأربعاء، ٣٠ أبريل ٢٠٢٥
حاضر بس ازاي لما اشوفه اعرف اني أكون علي طبيعتي
تم النشر الأربعاء، ٣٠ أبريل ٢٠٢٥
عادي هتاخدي وقتك، كل اللي بتمري به طبيعي خاصة إنك بتقولي بقالك 4 سنين، فدي فترة كبيرة خلت فيه تعلق والشخص ده تحول لحاجة ثابتة في يومك... هتبطلي تفكير فيه لما يكون يومك مشغول بحاجات أهم... لما تفكري في نفسك أنتِ... إزاي تشتغلي على نفسك وتحبيها وتخليها رقم واحد بحيث متكونيش محتاجة لحد يملأ فراغ عاطفي جواكِ... لما وقتك يكون مليان وبتعملي حاجات تطورك وتخليكِ أحسن كل يوم ده هيخليك واثقة وقوية وهتبقي أنتِ الطرف المرغوب واللي في إيده يختار أو يرفض اللي شايفه مناسب أو لأ... بدل ما تكوني الطرف المدلوق زي ما بيقولوا وده بينفر الناس للأسف. وخليك فاكرة إنك كبنت لازم تعززي نفسك ومتفكريش أبدًا ترمي مشاعرك لأي حد إلا لو في علاقة حلال ربنا يكون راضي عنها، مش صحوبية وارتباط زي ما بيحصل للأسف اليومين دول.
تم النشر الأربعاء، ٣٠ أبريل ٢٠٢٥
بس ازاي ابطل تفكير فيه علشان الموضوع ده تعبني جد والله ولما بشوفه مببقاش عارفه اتكلم وبتوتر وكمان بقعد بالساعات اعيط يعني ممكن اعيط من دلوقتي للساعة 6 وانا أصلا بحبه بقالي 4 سنين وبحبه من قبل كده بس مكنتش اعرف يعني ايه حب ومشاعر واني بحب اني اشوف الشخص ده والي تعبني اكتر انه قريبي وكمان اربع سنين مخبيه الموضوع وكله عارف اني مش بفكر في الموضيع دي ولا ها حب وبقعد احل لصحابي مشكلهم وانا لا وصعب كمان حور انك تكوني بتحبي حد 4 سنين ومش عارفه تقولي لحد ولا تقدري تعبريله 😞😞
تم النشر الثلاثاء، ٢٩ أبريل ٢٠٢٥
وعليكم السلام ورحمة الله وبركاته
تم النشر الثلاثاء، ٢٩ أبريل ٢٠٢٥
لعرض الإجابة في فدني اضغط هنا