السلام عليكم ورحمه الله وبركاته طبعا الموضوع هنا مرتبط بمساله الوسواس ان الحاجه تكون مضبوطه وكامله انك بتحاول تروح لاي اتجاه اول ما بتلاقي في حته ناقصه بتتراجع عنه لا خلاص هو كده انا مش هعمل فيه مجهود والمجهود كده كده مش هيؤدي لنتيجه كامله فاحنا محتاجين ان احنا نشتغل على الفكره بتاعه الوسواس بتاع الكماليه كل حاجه تبقى مضبوطه بشكل مافيهوش خطا وما فيهوش نقص علشان نقدر نروح بعد كده لحل المشاكل الثانيه اييي عدم اقتناعك بالعلاج السلوكي مش قادره افهمه ليه يعني المشكله ايه انك مش مقتنع بسبب ايه بالظبط ايه الحته اللي ناقصه بس عموما احنا ممكن نروح لطبيب نفسي يعني احنا مش عايزين نتعالج سلوكين ونروح لطبيب نفسي وهو ليه تكنيك مختلف التكنيك طبي ومفروض موثوق اكتر ممكن نبدا نروح له وده ان شاء الله يفرق معاك لو قلنا. انك لمكسل فانت مكسل علشان انت عاوز الحاجه مضبوطه فخلينا نعمل تمرين صغير دور على اقل حاجه ممكن تعرف تضبطها وابدا منها يعني هتعرف تظبط الصلاه على وقتها ودي اقل حاجه الاذان ياذن اقوم بس كده فانا كده عملت ايه انا كده ظبطت توقيت الصلاه انا عملته بالمظبوط ما فوتش ولا دقيقه تمام كده طيب هراعي كل الاحكام ان انا اصلي الصلاه على وقتها وهصلي جماعه وهصلي في المسجد لا احنا مش عايزين نعمل ده احنا عايزين نجيب حته حته صغيره عشان نبقى يعني شغالين كده ايه زي اللي بيبني حيطه فما فيش حد بيبني حيطه بحجر كبير لا لازم تبقى عدد من الاحجار او عدد من الطوب ونبدا طوبه طوبه لحد ما في الاخر نلاقي نفسنا بنينا. الحيطه كامله فاحنا مش هنبص على الحيطه الكامله دلوقتي احنا هنبص على طول وطوبه من اللي احنا بنحطهم وكل طوب بنحطها نظبطها في مكانها مظبوط ونعملها بالسنتي وكل حاجه ده ليه مراعاه للوسواس اللي عندك فاتمنى انك تعمل بالموضوع ده وتاخد الحاجات دي حته حته تاخذ الحاجات الصغيره وتظبطها قوي قوي قوي فانت حتى لو هتاكل فانت هتهتم انك تعمل. النهارده فطار مظبوط فهتعمل ساندوتش كويس صحي سندوتش واحد بس عادي جدا لو انت بعد كده كملت بالحاجات اللي هي اللي من السوبر ماركت دي بقى ما فيش مشكله لكن على الاقل اهتم بمكون واحد حته واحده تكون مضبوطه زي ما انت عايزه تبدا تدريجيا ان شاء الله تاخذ الجزء اللي هيرضيك عن نفسك انك تقدر تعمل الحاجه مظبوطه وكامله مش ناقصها حاجه مراعاه للسواس لكن هنرجع نقول ثاني ضروري جدا تعالج الوسواس ده ويا ريت تتجه لطبيب نفسي.
تم النشر الأحد، ٢٩ يونيو ٢٠٢٥
بايه الحل
تم النشر السبت، ٢٨ يونيو ٢٠٢٥
هى مش حاله اد ما هى مرحلة تمكن فيها الشيطان اوى ..اللى بيقوله انت بتسمعه
تم النشر السبت، ٢٨ يونيو ٢٠٢٥
حتى امبارح كان مفروض اجهز واروح حفظ القرآن منزلتش معرفش ايه السبب ومصلتش امبارح المغرب مش عارف ايه السبب وحتى العشاء جماعة بجد انا حالتى مش فاهمها بحاول استوعب بس مش قادر
تم النشر السبت، ٢٨ يونيو ٢٠٢٥
يعني انهاردة عملت منبه الفجر ونمت الساعة اتنين ومصحتش وصحيت الضهر برضوا مش فاهم ليه مصلتش الضهر والفجر بس دماغي قعدت تقولى كان لازم تصلى الفجر وانت مصلتش الفجر طب انا هكمل نوم وصحيت ٤ ونصف برضوا مقومتش اصلى الضهر واستنيت لحد ما العصر آذن وبرضوا باسمع الآذان وانا عقلي مش في دماغي اصلا وسمعت الإقامة أذنت ومنزلتش اصلى وإلى الآن الساعة ٦:٣٧ ولا صليت ولا حاجة انا معرفش السبب انا دماغي مش موجودة اصلا
تم النشر السبت، ٢٨ يونيو ٢٠٢٥
حتى لو حد كلمنى قلي اصبر انا مش عارف هصبر ليه ولا ايه انا مش واعي بجد ولا مستوعب حاجة
تم النشر السبت، ٢٨ يونيو ٢٠٢٥
معرفش انا دخلت سكة دي ليه ومعرفش اصلا اي حاجة ولا بعمل كده ليه ولا بكسل ليه انا حتى بكسل ادخل الحمام
تم النشر السبت، ٢٨ يونيو ٢٠٢٥
انا مش واعي بتصرفاتي اصلا
تم النشر السبت، ٢٨ يونيو ٢٠٢٥
انا بجد مش عارف افكر وانا بحاول كتير اعرف المشكلة فين مع نفسى بس مش عارف وانا عايز حد يكون شاف حالات كتير زيي ويعرف انا ايه المشكلة بظبط
تم النشر السبت، ٢٨ يونيو ٢٠٢٥
لعرض الإجابة في فدني اضغط هنا