انا مريض وسواس قهرى اشاهد الإباحية في الوقت الذي أكون فيه مضغوطا نفسيا
وعند المشاهدة لا اشعر بالمتعة
وتحليلي لموقفى هوه اني بفرغ مشاعرى بهذه الطريقة الحرام الموجبة النار لأنها من الكبائر(الإباحية)
ولأن انا اليوتيوب دورت على فيديوهات كتير حلال مفيهاش مخالفات وبحبها واعرف افرغ فيها مشاعرى او ضغوطى بس مش بلاقى فمش بلاقى حاجة افرغ فيها ضغوطى
مش بلاقي حاجات حلال
واعرف حاجات فيها مخالفات وطبعا مش كبائر بس مش بعملها لاني عارف ان ده حرام وانى فعلا بحبها بس مش هعملها
وهعمل الاباحية الي مش بحبها ومن الكبائر وادخل النار... انا سنى ١٦ سنة
اهلى صعب جدا اني اتصاحب عليهم
او اقصى حاجة صحوبية بحدود معينة حاجات اه وحاجات لا مش هتيجى للأسف
المهم اهلى لا استطيع ان احبهم واصاحبهم فعلا
وروحت لاماكن كتير انا شايفها كتير
(التمرين في النادى -المسجد-المدرسة-جيرانا-السناتر-تحفيظ القرآن)
مفيش حد شبهى ملتزم او صالح اقدر اقرب منه
فانا لوحدى طول الوقت معنديس صحاب
معنديش حد احب اقرب منه ولا اكلمه
حتى كان فيه واحد زميلى بحبه بس هوه مش عايز نكون لدرجة الصحاب فهوه بيبعد عني بس احنا اخوات وحبايب عادى
واشعر ان دكتور المعالج السلوكى مش مناسب ليا
بالرغم من وصفه لنفسه وسمعته وسيرته يدل انه يناسب لحالتى ولكن لا اشعر بذلك ويمكن اكون ظالمه وهوه بيشتغل بطريقة معينة معرفش
......انا على طول مكسل...
.بترك حفظ القرآن والمراجعة
بالرغم من اني مش بضغط على نفسى ومفيش ضغط اصلا..
ما زلت محافظ على الفروض..
بس ساعات بترك الصلاة من خروج وقتها وساعات اترك صلاة الجماعة
وانا باخد برأي الجماعة واجبة والمسجد سنة...
مش بحب الأكل يعنى متوفر عندي الطيبات والخير الحمد لله في البيت
بس مش باكل
...للأسف بشتهى بس الحاجات الي بحبها
الحاجات الحلوة الي في البقالة كده يعنى....
زبادوا زبادى بالفراولة زبادى بالعسل ...كريم كراميل....اندومى .......
طبعا انا بتوب دايما ومع اتى اصلا موسوس في توبتى دي اصلا حقيقية ولا لا فهنعتبر اني بتوب دايما وان توبتى ده حقيقية
السلام عليكم ورحمه الله وبركاته طبعا الموضوع هنا مرتبط بمساله الوسواس ان الحاجه تكون مضبوطه وكامله انك بتحاول تروح لاي اتجاه اول ما بتلاقي في حته ناقصه بتتراجع عنه لا خلاص هو كده انا مش هعمل فيه مجهود والمجهود كده كده مش هيؤدي لنتيجه كامله فاحنا محتاجين ان احنا نشتغل على الفكره بتاعه الوسواس بتاع الكماليه كل حاجه تبقى مضبوطه بشكل مافيهوش خطا وما فيهوش نقص علشان نقدر نروح بعد كده لحل المشاكل الثانيه اييي عدم اقتناعك بالعلاج السلوكي مش قادره افهمه ليه يعني المشكله ايه انك مش مقتنع بسبب ايه بالظبط ايه الحته اللي ناقصه بس عموما احنا ممكن نروح لطبيب نفسي يعني احنا مش عايزين نتعالج سلوكين ونروح لطبيب نفسي وهو ليه تكنيك مختلف التكنيك طبي ومفروض موثوق اكتر ممكن نبدا نروح له وده ان شاء الله يفرق معاك لو قلنا. انك لمكسل فانت مكسل علشان انت عاوز الحاجه مضبوطه فخلينا نعمل تمرين صغير دور على اقل حاجه ممكن تعرف تضبطها وابدا منها يعني هتعرف تظبط الصلاه على وقتها ودي اقل حاجه الاذان ياذن اقوم بس كده فانا كده عملت ايه انا كده ظبطت توقيت الصلاه انا عملته بالمظبوط ما فوتش ولا دقيقه تمام كده طيب هراعي كل الاحكام ان انا اصلي الصلاه على وقتها وهصلي جماعه وهصلي في المسجد لا احنا مش عايزين نعمل ده احنا عايزين نجيب حته حته صغيره عشان نبقى يعني شغالين كده ايه زي اللي بيبني حيطه فما فيش حد بيبني حيطه بحجر كبير لا لازم تبقى عدد من الاحجار او عدد من الطوب ونبدا طوبه طوبه لحد ما في الاخر نلاقي نفسنا بنينا. الحيطه كامله فاحنا مش هنبص على الحيطه الكامله دلوقتي احنا هنبص على طول وطوبه من اللي احنا بنحطهم وكل طوب بنحطها نظبطها في مكانها مظبوط ونعملها بالسنتي وكل حاجه ده ليه مراعاه للوسواس اللي عندك فاتمنى انك تعمل بالموضوع ده وتاخد الحاجات دي حته حته تاخذ الحاجات الصغيره وتظبطها قوي قوي قوي فانت حتى لو هتاكل فانت هتهتم انك تعمل. النهارده فطار مظبوط فهتعمل ساندوتش كويس صحي سندوتش واحد بس عادي جدا لو انت بعد كده كملت بالحاجات اللي هي اللي من السوبر ماركت دي بقى ما فيش مشكله لكن على الاقل اهتم بمكون واحد حته واحده تكون مضبوطه زي ما انت عايزه تبدا تدريجيا ان شاء الله تاخذ الجزء اللي هيرضيك عن نفسك انك تقدر تعمل الحاجه مظبوطه وكامله مش ناقصها حاجه مراعاه للسواس لكن هنرجع نقول ثاني ضروري جدا تعالج الوسواس ده ويا ريت تتجه لطبيب نفسي.
تم النشر الخميس، ٢٦ يونيو ٢٠٢٥
الفكره كلها انك بتعالج خوفك وقلقك وعايز الآمان والحب اللي كان المفروض تلاقيهم من الأهل وعايز صحاب كويسين تبقوا مع بعض دائما وبتحبوا بعض بس عايزه اقولك حاجه فكرة أنها بتسمع الاباح...يه وانت مش مستمتع فده شيء طبيعي الذنب بيبقي حلو في البدايه بعد كده بتبدا تكره نفسك وحياتك والذنب حلو في البدايه لاني الشيطان هيألك مميزاته بس ومهيألكش نتائجه أما بقي تقصيرك في الصلاه والقرآن فده من البديهي جدا لاني مفيش قلب انسان هيجتمع فيه معصيه وصلاه وقرآن اه كلنا بنعمل معاصي بس لما بتصلي وتقرأ قرآن تلقائيا بتلاقي نفسك بدأت تكره الذنب وتحب الدين اكتر وعايز تتعمق فيه ولو علي انك عايز تتخلص من الذنب فقال سبحانه " ويدرءون بالحسنه السيئه"يعني عايز تخلص من السيئه دخل الحسنه مكانها لو المعصيه هتدخل من الشباك فالحسنه هتخرجها من الباب اقرأ قرآن واعمل ورد وحافظ ع اذكارك وشغل الرؤيه الشرعيه جنبك ومتسبش نفسك للفراغ وفكرة الاصدقاء فتقدر تكون اصدقاء صالحين سهله ده بيتوافر مع البيئه خليك اجتماعي بس حافظ علي قلبك ونفسك وشخصيتك والأصدقاء هيجوا في يوم وآسفه علي الإطاله
تم النشر الجمعة، ٢٧ يونيو ٢٠٢٥
اول حاجة توب لو عملت الذنب الف مرة توب الف مرة + خلى تليفونك على طول شغال قران حتى لو بتلعب أو أي حاجة انا عندي عامل قائمة تشغيل للقران بشغلها واعملها تكرار اول حاجة لو جه في بالك اي ذنب فأنت هتحس بإنه عيب كده هتستحي على نفسك انك بتسمع القرآن وتفكر في ذنب الفرااااغ أو الفضة هو اللي بيعمل كده على الأقل وانت قاعد فاضي اقعد مع حد في نفس المكان اكيد يعني مش هتعمل كده وهو قاعد بالنسبة بقى لحتى الصحاب فمفيش صاحب هيبقى فيه معظم الصفات اللي عندك او اللي انت عايزها صاحب اللي انت تشوفه احسن منك في حاجة حلوة أو ليه نفس اهتماماتك بس بشرطين يكون محترم ويكون متفوق والولد اللي انت نفسك تبقى صاحبه ده متجبرهوش يصحبك دلوقتي علشان انت لو حسنت من نفسك وحاولت تكون اصدقاء جدد وصفات الحلوة أصبحت اكتر ومشيت معاه واتكلمت معاه كتير هتلاقيه لوحده معتبرك صاحبه انا عن نفسي في أول السنة دي كنت داخل اولى ثانوي وعايز أصاحب ناس جديدة وبالأخص أن الفصل اللي انا فيه معرفش حد فيه غير واحد وكان تعبان وما جاش طول السنة. فأنا سألت واحد كان قاعد جنبي قولتله كده مين اكتر حد شاطر هنا ومين بقى العيال المحترمة وكده لقيته عرفني كل المحترمين اللي هو يعرفهم والشاطرين بردوا اول حاولت صاحب واحد فيهم وقولتله اية رأيك نبقى صحاب قالي لا وكان جنبي في الدسك و بنتعامل مع بعض حلو لحد ما زهقت وقولته براحتك أنا مش هقولك تاني بس صدقني انت هتبقى صاحبي وروحت عرفت العيال المحترمة كلهم وبقيت بقعد معاهم واتكلم معاهم ولما لاقوني محترم وشاطر كلهم بقوا صحابي الحمدلله حتى الولد اللي كان قائل أنه مش هيبقى صاحبي بقى صاحبي ونسي اصلا أنه قال كده في أول السنة المهم في الحوار ده كله انك تتعامل مع ناس كتير وشوف المحترم منهم واللي فيه صفات شبهك واظهرله احترمك وتفوقك وهتلاقيه هو اللي عايز يبقى صاحبك من غير ما تطلب +ممكن نبقى صحاب انا وانت بما نك محترم والذنب ده كتير صحابي كانو بيعملوه ودلوقتي لا وصحابي وبحبهم عادي وبالنسبة لتشخيص نفسك بالوسائل القهري فده هبد من عندك انت لو سمعت الأعراض اللي في كل الأمراض النفسية وقارنت حالتك بيها هتبقى مريض بكل الأمراض النفسية😅 وانا عن نفسي في موضوع الحاجات دي منزل عندي تطبيق✅ Blocker X✅هو تطبيق جميل وبيشيل المواقع دي حتى لو بحثت عنها وبالنسبة للصلاة في المسجد فأنا مقصر فيها بس بجاهد نفسي وبقول لو انا حد قالي لو صليت في البيت هديك عشر الاف دولار وده رقم كبيرة بس بقى لو مشيت كام متر كده هديك على كل خطوة فلوس اكتر أحد ما توصل المسجد ولما تصلي بقى في المسجد هديك( عشر الاف دولار *27+الفلوس اللي هتاخدها من كل خطوة للمسجد ) دانا خطير على المسجد طبعا وخمس صلوات كمان بقى ❤️و إلى الله المثل الأعلى ❤️ اظن طولت جدا بس لو حد قرء التعليق ده يقول الدعاء ده علشان حسناته بالمليار 🤎🤎اللهه اغفر للمسلمين والمسلمات والمؤمنين والمؤمنات الاحياء منهم والاموات 🤎🤎 والسلام عليكم انا بقى 😅
تم النشر السبت، ٢٨ يونيو ٢٠٢٥
مساء الخير ازاي شخصت نفسك انك مريض وسواس قهري هل روحت لدكتور و شخصك ولا انت عارف الأعراض و شخصتها ع نفسك؟ غالبا انت في حالة اكتئاب و ضروري جدا تشوف دكتور طالما طول الوقت لوحدك و محدش قريب منك، لأن لو استمريت ع الإباحيات ممكن لا قدر الله تدخل في الإدمان ودي دايرة مقفولة مش هتعرف تخرج منها لوحدك و الله يعين كل اللي عنده إدمان، لو عايز تساعد نفسك يبقى مهم تجرب الدكتور اللي بتقول عليه لان صعب توقف من نفسك لان غالبا هترجع تاني ف لازم يكون حد جنبك فاهم حالتك و يقدر يساعدك كويس وربنا يتوب و يعفو عنا جميعا يارب
تم النشر الجمعة، ٢٧ يونيو ٢٠٢٥
كل الموضوع مرتبط ببعضه ... احنا بنبحث عن الأمان طول الوقت .. بندور عن المنطقة اللي نكون فيها محبوبين ومقبولين .............. •يعني متفكرش ان الإباحية هي اللي ممتعة .. صحيح هي بتحرك الهرمونات .. ولكن اصل اللجوء اليها مش مجرد الدوبامين ده ولكن حاجة أعمق بكثير •مثلا انت مضغوط وفاقد السيطرة عن الدراسة ومعندكش صحاب ولا حد شبهك .. فبتكره نفسك .. فبتبقا عايز تروح للمنطقة اللي بتحب فيها نفسك •فمشاهدة الإباحية مش هدفها المنظر والمشهد ولكن هدفها انك بتحب نفسك .. بتشوف نفسك بنظرة فخر بدل كره النفس .. ونظرة الفخر دي مغلوطة اصلا •عارف المدخن المهموم .. أو الصور اللي بتطلع واحد غامض كدا ومظلم وماسك سجارة .. أو مثلا رئيس عصابة أو حتى ابراهيموفيتش وهو ماسك السجارة بمظهر السيطرة والقوة •اهو ده تدخين وشئ هروب من الواقع ولكن احنا بنشوفه فخر أحيانا.. كمثلا مشاهد الإباحية بيشوف انه نضج وكبر وله ميول للجنس الآخر وخلاص مستقل وشاب كبير.. أو مثلا واحد مهموم بيخدر جراحه .. وهكذا كنظرة فخر فلما بتنضغط ويبدأ يروح الأمان ويقل حب النفس ومشاعر الفخر بتعوضها بالإدمان أيا كان نوعه ولو كان أكل .................. مشاعر الفخر بتيجي من الأهل بشكل فطري .. وهو الأمان انك واثق في اللي حواليك والحب الغير مشروط وهو ان انت تحترم لشخصك مش لدراسة أو إنجاز أو بنية جسدية .. فنقص المشاعر دي ايا كان السبب بسبب قسوة أو اهمال بيأدي اننا محتاجين نعوضها .. فإننا اللي بيقع في طرق غلط زي الإباحية .................... الوسواس القهري هو من نفس المنطلق .. هو شك في نفسك .. شك في توبتك .. شك في شخصيتك .. وكل الشك ده بسبب نقص مشاعر الفخر بالنفس .................... •الآن انت ما شاء الله الله أنعم عليك بالإيمان .. والإيمان هو بحر كبير للتعافي والشفاء النفسي .. مشاعر فخر لا نهائية عند كل صلاة من الخمسة كل يوم عند كل ذكر في اي وقت عند كل صدقة شئ نعمة داخلية وسعادة ونور غير متاح لغير المؤمن .. لما مثلا تعرف في الدين ان الله بيفرح بتوبة عبده .. تخيل مشاعر المؤمن وهو بيستغفر وموقن أن خالق الكون بيفرح بتوبته هو العبد الفقير اكيد هيحس بمشاعر فخر •فاللي تحتاجه واحتاجه ونحتاجه جميعا انك تاخد مشاعر الفخر من المصدر الصحيح اللي ربنا اتاحه لك عشان تختاره .. طب اي الطريقة العملية؟ •روتين يومي تملأ فيه يومك تستمد منه مشاعر فخر ١-حمام بارد ٢-ورد قرآني ٣-نشاط حركي ٤-قراءة ٥-اهتمام بالنفس ٦-هواية أو مهارة ٧-ركعة وتر + كتابة أفكارك لمدة ٩٠ يوم وكل يوم تقيم نفسك جبت كام منهم .................. دلوقتي قدامك عقبة لازم تعديها .. إن هرموناتك ومخك اتعود على إثارة عالية بسبب الإباحية فلما توقف هتهجم عليك نوبات من الإكتئاب ونقص في الفخر واحباط يخليك تقعد مكانك اللي عليك أن تتفهم جسمك وتديه فرصة وتعرف انك في الطريق الصح وتصبر عليه وان شاء الله تعدي
تم النشر الخميس، ٢٦ يونيو ٢٠٢٥
السلام عليكم ورحمة الله، أخي العزيز، شكرًا لك على مشاركتك الصريحة والواضحة لمشاعرك وأفكارك، وهذا بالفعل بداية قوية نحو التغيير والتحسن. أولًا، أود أن أطمئنك وأقول لك إنك لست وحدك في هذه المعركة، ونحن معك خطوة بخطوة. وجود الوسواس القهري والصراع مع مشاهدة ما تحس معه بعدم رضا أو متعة هو أمر متعب جدًا لكنك بالفعل تدرك ضرر هذا السلوك وهذا بمثابة وعي أولي مهم. دعني أساعدك بتقسيم وضعك إلى نقاط رئيسية لتوضيح الحلول الممكنة: مواجهة الإدمان على مشاهدة الإباحية مع الوسواس القهري: أنت تعلم أن هذا الأمر حرام ويضر نفسك وروحك، وهذا شعور مهم جدًا ويعني أن لديك إرادة داخلية. الشعور بالكسل وقلة المتعة قد يكونان مؤشرين لأشياء مثل الاكتئاب، أو التعب النفسي، وحتى تأثير الوسواس. الطريقة التي تتعامل بها مع ضغوطك الآن ليست صحية (أي فراغ المشاعر بهذه الطريقة)، ونحن بحاجة لإيجاد طرق بديلة، صحية، تتناسب مع قيمك الإسلامية. الضغط النفسي والوحدة: الوحدة وعدم وجود صحبة صالحة يؤثر بشكل كبير على النفسية، وأنت ذكرت أنك لا تجد من يشبهك في الالتزام. يمكنك البدء بمحاولة التقرب من المسجد بشكل أكثر انتظامًا، والمشاركة في أنشطته، حتى وإن كنت تذهب وحدك. بمرور الوقت ستجد من هم مثلك. لا تحبط إذا قلت الصلاة في أوقات، المهم أن تحرص على العودة والاستمرار. العلاقات الاجتماعية وأحاسيس الحب: حكايتك مع زميلك الذي تعتبره أخًا وصاحبًا هي علاقة مهمة، حاول أن تبني على هذا شعور الدعم والتشجيع. اجعل حب الله ورسوله هو مصدر حبك، وأنت في سن مهم للتربية الروحية الصحيحة. النشاط والطاقة: الكسل قد يكون ناتجًا عن اضطرابات نفسية أو مقومات صحية مثل التغذية أو النوم. حاول تنظيم يومك، اجعل هناك ساعات محددة للنشاط والنوم. لا تترك الرياضة، ولو تمشية بسيطة في الهواء الطلق للمساعدة على تنشيط الجسم/العقل. المعالجة النفسية: إذا لم تشعر بأن الطبيب الحالي مناسب لك، بإمكانك طلب طبيب أو أخصائي نفسي آخر، أو تجربة أنواع مختلفة من العلاج السلوكي المعرفي. لا تهمل طلب المساعدة، وخاصة أن الوسواس القهري يحتاج متابعة مستمرة وصبر. تقوية الرابط مع الله: حاول أن تجعل لنفسك أوقات للذكر، قراءة القرآن سواء بالحفظ أو الاستماع، حتى لو كنت تشعر بصعوبة في البداية. الدعاء: اطلب من الله العون والثبات، فهو القادر على أن يغير حالك إلى الأفضل. التغذية: حاول تنويع أكلك، لأن التغذية تؤثر جدًا على المزاج والنشاط. المشروبات الحلوة أو الأطعمة السريعة أحيانًا تزيد من الشعور بالخمول. الخطوات العملية الآن: سجل ملاحظات يومية عن مشاعرك، متى تشعر بالرغبة في مشاهدة الإباحية؟ ما هي المحفزات التي تجعلك مضغوطًا؟ حاول الانشغال بنشاط جديد (هواية، تعلم مهارة، خدمة في المسجد) لملء وقت الفراغ. استعن بالدعاء وقراءة القرآن في أوقات الضيق. أخي، أنت في رحلة، والنجاح لا يأتي بين ليلة وضحاها، لكن مع الصبر والاستمرارية ستبدأ في الشعور بالتحسن. إذا رغبت، بإمكانك زيارة صفحة الخبراء على فدني https://www.fedni.net/experts للبحث عن معالج نفسي أو مدرب حياة متخصص يمكنه متابعتك بشكل شخصي. وأيضًا أنصحك بالبحث في فدني عن تجارب وأسئلة مشابهة، فقد تجد من مر بنفس ما تمر به ونصائح مفيدة. أتمنى لك من قلبي أن يرزقك الله القوة والنجاح في تخطي كل ما يؤلمك ويشغل بالك. وإذا أردت، أنا هنا دائمًا جاهزة للدعم والاستماع. هل ترغب أن نضع خطة صغيرة معًا لتبدأ بها من الآن؟
تم النشر الأربعاء، ٢٥ يونيو ٢٠٢٥
بص حقول لك على حاجة حلوة تعلمها تساعدك تكمل في حفظ القرآن او الصلاة في المسجد و كده، انت قولت انك بتحب الزبادوه و الاندومي و كده ف كافي نفسي ازاي بقي قول لنفسك انا لو نزلت اصلي في المسجد حكافي نفسي باندومي و انا راجع عشان تحفز نفسك انك تنزل تصلي و كل لما تعمل حاجة صعبة عليك و تنجح فيها للآخر كافي نفسك بحاجة بتحبها ف دا حيحفزك انت تمشي على عادات صحية و دا حيحسن من مستوى حياتك و نفسيك ف شوية شوية حتلاقي نفسك بيعدي عليك يوم و انتين و تلاته و عشره و اسبوعين و تلاته و ما تشوف اب حيا ت تاني حاول و ان شاء الله خير و ربنا يقويك يارب، حاول نفسك تستاهل 🌸
تم النشر الخميس، ٢٦ يونيو ٢٠٢٥
بنسبة للصداقاء ف لما تدخل على تطبيق واعي حتلاقي ناس تتكلم معهم هما بيعملوا معسكرات غير مختلطة بنات مع بنات و ولاد مع ولاد و بيعملوا مهام و تحديات مع بعض و كده ف اعتقد حتلاقي أصحاب ترتاح معهم
تم النشر الخميس، ٢٦ يونيو ٢٠٢٥
شوف بالنسبة لموضوع الإدمان دا ف في تطبيق اسمه واعي ممكن تنزله و عندهم قناة على اليوتيوب و التليجرام و على تيوتير و كمان في دكتور اسمع عنه اسمه دكتور عماد راشد له بودكاست على اليوتيوب يتكلم فيه عن الإدمان و اسباب و كيفية علاجه و كده اعتقد ممكن تفيدك ان شاء الله
تم النشر الخميس، ٢٦ يونيو ٢٠٢٥
المشكلة انى في ابتلاء الابتلاء ده خلانى اعمل ذنب وفي ابتلاء تانى هوه اني موسوس في انل احل ابتلائي الأولانى 🫠
تم النشر الأربعاء، ٢٥ يونيو ٢٠٢٥
لعرض السؤال في فدني اضغط هنا