متوقعتش اني هعمل المنشور ده بس حابب افضفض لعل الطاقة السلبية تقل وارجع لما كنت عليه في الاول (اعتذر هستعمل اسلوب الاسهاب)
بالبداية الحمدلله حمدا كثيرا طيبا مباركا فيه
من سنه بظبط بدأت ثانوية عامه وكنت طالب عادي بروح الدروس وبحل الواجبات عادي وبقضي يومي الباقي فيما احب
مكنتش جاامد اوي ولا واققع لا كنت بذاكر وبحل والمنهج كان عادي بنسبه لي. عدا ماده واحده فقط... البعبع الي قارفني من الاعدادية، نعم الكيمياء. لا كنت لاقي مدرس افهم منه ولا كنت فاهم اي الي ليا والي عليا في الماده دي... اسلوب النظري في المواد العلميه مكنتش بتأكل معايا عيش كنت بفضل الفهم جدا وده الي مكنش متواجد في ماده زي الكيمياء...كانت محتاجه مجهود كبير في الحفظ والفهم كمان بس انا صحيح قصرت فيها ومدوستش عليها اكتر
المهم عدت الايام وجاء الترم الثاني... الوقت الي بديت اشد فيه شويه
فكنت ولله الحمد كويس في العربي جدا جدا والرياضه كانت الماده العشق بنسبه ليا والفيزياء هي الماده الممتعه وخصوصا في فهمها والانجليزي كانت الدنيا ماشيه وعاديه فيه والكيمياء زي ما هي زفت وماشي بالعافيه
كنت شادد في الترم التاني حيث قطعت كوره وقللت لعب الي ان وصلنا للعيد الصغير وقد جاء الوقت قطع كللل سبل المتعه، سلمت الابتوب لاختي والتلفون باظ وقررت مصلحهوش... عملت زي كل الطلاب شريت كتب المراجعه والاسترشادي وذاكرت منها هي والتابلت وحليت منها كتير وفي كل المواد عدا الكيمياء طبعا كنت لسه بحاول فيها
فبالمعني الحرفي وصلت ايام الامتحانات وانا مسوايا في المواد مثل:
العربي بقفل القرآءة وبغلط شويه غلطات في النحو ووالنصوص
الرياضيات كنت جامد حرفيا واكتر ماده حليت عليها اسئله من انواع كثير (حتي التراكمي) وده يرجعي لحبي لها من الصغر
الفيزياء كنت فاهم ٨٠% تقريبا من المنهج لدرجه اني كنت بستنتج العلاقات بدون حفظ قوانين، على الرغم ان الكل كان بيقول ان الاسترشادي فيه صعب بس بنسبالي كان طويل وممتع وافكار حلوه
الانجليزي كان زي ما هو عادي مش الافضل فيه
الكيمياء كنت اخيرا بدأت افهم فيها شويه واعرف الم بعضها بس كنت متأخر
في الاخير جيه يوم النتيجه بعد عناء طويل وخروج من المرحله دي ب٣ كفارات يمين في شهور قليله (لغلق على نفسي باب الدوبامين الرخيص) ومصاريف دروس وكتب وملازم دافع ٨٥% منها من مالي الشخصي الي تعبت واشتغلت عليه قبل الثانويه
ضيعت فرص مشاريع برمجيه كنت اقدر اجيب منها فلوس كتير
ضيعت سنه كامله بدون تطور في مهارتي وعالمي المفضل (البرمجه)
ضيعت طاقه وتعب وسهر وبحث لاجل الفهم وتحليل اخطاء لدرجه اني اول مره تقريبا في حياتي اوصل للاحتراق الوظيفي
وفي النهايه وعكس الحسابات والتوقعات جبت بدل من ٨٠-٨٥% جبت ٧١%
مش زعلان على المجموع على قدر زعلي على المجهود
فانا الحمدلله ناوي ادخل خاص والحمدلله انا الي هدفع فلوسه فمش هكلف اهلي فوق طاقتهم باذن الله
بس مقهور ان احد اقاربي مكنش بيذاكر وكان سبب في تعطلينا في الكيمياء من تأخر وغياب هو وصديقه (كنا مجموعه خاصه ٣ اشخاص) ودخل بسماعه وغش... وجاب فوق ٨٥% ولا وزعلان انو مجبش اكتر..! مقهور ان الاول على الجمهورية بيقولك كنت بذاكر من كتاب المدرسة...الي هو محدش استلمه غيره؟! مقهور على اليالي والفرص والحياه العمليه الي ضيعتها في مرحله دراسيه مكنتش عادله في قياس مدى فهمي وحفظي للمنهج
كان هدفي احقق حلم الطفوله وتقريبا حققته ولله الحمد بس محققتش هدفي من التعب وقطع الدوبامين والمصاريف الي طلعت من دم قلبي
مريت بحاجات وخساير في حياتي اكبر بس دي كان تأثيرها قاسي جدا
على الرغم اني راضي بقضاء الله وقدره بس لهفه الناس عشان تعرف درجتي ورنتهم كانت اكتر شيء مستفز.. عمري ما بحب نظره التعاطف وخصوصا لو شيء انا تقبلته وعديته
عموما عذرا على الاطاله بس كنت حابب اطلع الطاقه السلبية عشان حرفيا مليش نفس حتي للعب ولا حتي قادر اضيع وقتي في الريلز بقيت بفضل اعمل لا شيء
أولاً، أنا فخورة فيك إنك قدرت تكتب كل ده وتفضفض. ده لوحده خطوة كبيرة، ويعني إنك لسه قادر تطلع اللي جواك بدل ما يتراكم. اللي مريت بيه مش سهل أبدًا، ومش عيب إنك تحس بالقهر والإحباط، خاصة بعد كل المجهود والتضحيات اللي عملتها. ربنا يعلم قد إيه تعبت، وده مش هيروح هدر. اللي حصل معاك في الثانوية العامة كان اختبار قاسي، مش بس في المذاكرة، لكن في الصبر والتحكم في الطاقة والتخلي عن حاجات بتحبها. والكيمياء بالذات كانت "بعبع" زي ما قلت، وده شيء كتير من الطلاب بيمرّوا بيه. النتيجة 71% مش فشل، دي نتيجة مرحلة مليانة ضغط وتشتت وغياب عدالة في بعض الأحيان. ورضاك بقضاء الله وقدره ده أجمل حاجة في كلامك، خلّي ده يفضل أساسك. دلوقتي، المهم إنك ناوي تدخل خاص وتكمل طريقك، وده قرار ناضج ومسؤول. بدل ما تفضل تركز على اللي ضاع، حاول تحول الطاقة دي لشيء إيجابي. أنت بتحب البرمجة من زمان، وده مجال بيفتح أبواب كتير لو رجعت تمسك فيه تاني حتى لو بخطوات صغيرة. ابدأ بمشروع بسيط أو حتى مراجعة مهاراتك القديمة، عشان ترجع تحس إنك بتتقدم. الإحساس بالاحتراق الوظيفي اللي مريت بيه طبيعي بعد سنة زي دي، بس هو مش نهاية الطريق. لو عايز تطلع طاقة سلبية أكتر، ممكن تبحث عن أسئلة مشابهة على فدني، هتلاقي ناس كتير مرّوا بتجارب قريبة وشاركوا إزاي قدروا يتعافوا ويكملوا. أنت أقوى مما تتخيل، وهتقدر تبني مستقبلك بإذن الله. لو حابب تتكلم أكتر أو تحتاج نصيحة عملية في خطوتك الجاية، أنا هنا.
تم النشر الخميس، ٣٠ يوليو ٢٠٢٦
ربنا يعوضك خير يا رب و يوفقك دايما و ييسر لك الطريق لكل خير .. اسفه معنديش كلام اساعد بيه
تم النشر الخميس، ٣٠ يوليو ٢٠٢٦
مع الوقت ستدرك الحقيقة وستعلم ان عدم غشك هو هبة من الله لك لتعيش حياة صحية سليمة لا تدري انت ماذا بداخلك هؤلاء مساكين جدا ط ولا تحاول معهم لن يعترف احد منهم انه غشاش وهيرميك بالحاقد وانا اقول للجميع واقول ان هذا او افضل سلوك ولا غيره وهو الصمت اسكت يااخي واصمت لاتتكلم ابدا وتألم في صمت واصبر سترى الحق ان كتب الله لك ذلك.
تم النشر الخميس، ٣٠ يوليو ٢٠٢٦
شكرا لكم جميعا🤍
تم النشر الخميس، ٣٠ يوليو ٢٠٢٦
لعرض السؤال في فدني اضغط هنا