السلام عليكم
انا بنوته في تالته ثانوي نشأت في بيئه مقارنه بتقارن بكل الناس احسن او اقل مستوايا الدراسي كويس الحمد لله لكن ثقتي في نفسي معدومه علاقتي بالبشر شبه معدومه موصلتش اني اكون متوحده بحاول اتعامل بس مش عارفه
مش قادره أكون صداقات ومش عاوزه علشان اصلا انا مش حابه نفسي امي عندها احتمال اني مش هجيب مجموع عالي جدا عندها وتهددني دايما بيه وانا بحاول علشان اثبت العكس للعلم اني دايما مستوايا في الامتحانات مرتفع لكن لتوتري بنقص درجات بسيطة وبرتب كمان بس للمقارنة اني ليه مش الاولى بيوِّلد عندهم فكرة اني فاشله
أختي بتقولي كلام كتير زي اني مش هوصل وهكذا بابا بيشجعني اوقات بس بيقارني اوقات تانيه في حاجه في شكلي او في مستواها الدراسي لحد ما بقيت كارهه كل حاجه انا مش زعلانه من بابا و ماما برغم اني تعبانه علشان عارفه انهم عاوزين يحبوني تربيه سليمه
ممكن دا يكون سلبيات انهم مش قادرين على كدا انا كتبت البوست دا لان مفيش حد اتكلم معاه علشان مبعرفش اتكلم اصلا مع حد كمان اختي قالت لي الله يسامحك قالت لي الله ياخدك مش اول مره بس في وقت غلط اوي
انا مش عارفه اذاكر خالص كل حاجه سلبيه مش قادره اعمل بالوعد اللي وعدته لنفسي اني هوصل علشان افهمهم اني اقدر اعمل ايه علشان اثق في نفسي
لازم نقبل فكرة ان اهالينا مش هيكونوا محور حياتنا طول العمر.. انتي على الاقل 17/18 سنة وانا قدك سناً ف احنا بجد مش اطفال يعني.. الدعم مهم ده صحيح لكن بجد بعد تجارب كتير أدركت ان لو اعتمدنا اعتماد كلي على اهالينا في الدعم مثلا ف مهما عملوا هيفضلوا مقصرين.. ف انتي لازم تتعلمي تعملي لنفسك شخصية و تحبي نفسك و شكلك و مستواكي الدراسي لإن صدقيني نظرة الناس للبني ادم هي مراية لنظرته لنفسه.. ممكن لو انتي قاعدة في مكان ما و شوفتي بنت داخلة بثقه و بتتكلم بثقة تحسي قد ايه دي واحدة ناجحة او قد ايه حلوة بالرغم انها ممكن يكون شكلها عادي و مش ناجحة اوي ولا حاجة.. بس نظرتها لنفسها و نظرة الناس ليها هتكون مختلفة كتييير عن واحدة داخلة بخجل و باصة حواليها مهما كانت حلوة و ناجحة فعلا.. ف صلحي نظرتك لنفسك.. المقارنات هتفضل موجودة طول العمر بالمناسبة.. مرة من اهلك مرة من صحابك مرة من جوزك حتى.. للأسف ده طبع وحش في الناس ف حاولي تتناسي و تتغاضي عن ده علشان تقدري تعيشي يابنتي.. انجحي علشان انتي مش شايفة ان الفشل لايق عليكي لإنك شاطرة و مجتهدة و حبي شكلك علشان اكيد شكلك مميز و يتحب و ربنا بيخلقنا كلنا في احسن تقويم.. ف ابني نفسك الأول علشان تقدري تواجهي الناس و العالم و تكملي
تم النشر الأربعاء، ٧ مايو ٢٠٢٥
وعليكم السلام ورحمة الله وبركاته، أختي العزيزة، أقدر مشاعرك وأفهم الضغوط التي تواجهينها في هذه الفترة الحساسة من حياتك. من الواضح أنك تتعاملين مع العديد من التحديات، سواء من الجانب الأكاديمي أو من الناحية العائلية والعلاقات الاجتماعية. أولاً، يجب أن تدركي أنك لست وحدك، فالكثير من الفتيات في سنك يواجهون مشاعر مشابهة من القلق والتوتر. إليك بعض النصائح التي يمكن أن تساعدك في هذه المرحلة: تحديد الأهداف الواقعية : بدلاً من التفكير في مقارنة نفسك بالآخرين، حاولي تحديد أهداف خاصة بك واعملي على تحقيقها. يمكن أن تكون هذه الأهداف متعلقة بالدراسة أو بتطوير مهارات اجتماعية جديدة. تحفيز الذات : حاولي استخدام طرق تحفيزية خاصة بك. مثلاً، اكتبِ قائمة بالإنجازات التي حققتها في الماضي، وذكري نفسك بها عندما تشعرين بالقلق. التواصل والانفتاح : على الرغم من صعوبة الأمر، حاولي التواصل مع من تثقين بهم. قد تجدين أن الحديث عن مشاعرك يمكن أن يخفف من الشعور بالوحدة. تقبل أنفسنا : تذكري أنك لست بحاجة لأن تكوني مثالية، وأن كل شخص لديه نقاط قوة وضعف. اعملي على تقبل نفسك كما أنت، واعملي على تعزيز جوانبك الإيجابية. طلب المساعدة : إذا كنتِ تجدين صعوبة في التعامل مع مشاعرك، قد يكون من الجيد التفكير في استشارة مختص نفسي. فأحياناً يكون للحديث مع شخص محترف تأثير كبير. تذكري، الهدف هو تحسين نفسك وليس مقارنتها بالآخرين. وثقي بأنكِ قادرة على تحقيق طموحاتك. أدعو الله أن يوفقك في امتحاناتك ويمنحك الثقة بنفسك.
تم النشر الأحد، ٤ مايو ٢٠٢٥
حاولي على قد ما تقدري تروحي جلسات والله هيفرق معاكي جدا لو تعرفي حتى تاخدي فلوس وتىوحي من وراهم بس لازم عشان تخرجي من كل ده
تم النشر الخميس، ٨ مايو ٢٠٢٥
خلاص حاولي تروحي جلسات نفسيه فاقرب وقت
تم النشر الخميس، ٨ مايو ٢٠٢٥
هيفرق معاكي جدا انا عارف ان الناس بتتخض من كلمه دكتور نفسي مع ان وارد جدا اننا نبقا محتاجين لده فانت لو مش قادره خالص والموضوع ماثر عليكي من دلوقتي حوالي تبدئي جلسات من دلوقتي بتبقى جلسه في الأسبوع ساعه لو مش قدرتي استني لبعد الثانويه ولو موضوع الجلسات ده مستحيل بالنسبالك فا صدقيني انت تقدري تخرجي من كل ده لوحدك انا خرجت من اغلبه لوحدي وبدات جلسات من فتره فانت تقدري تخرجي من اغلبه لحد ما تقدري تعملي جلسات وانا واثق انك هتخرجي من كل ده
تم النشر الخميس، ٨ مايو ٢٠٢٥
انا مقدر جدا الي انت بتقوليه وعارف ان الضغط الي اهل بيسببوه ده مش سهل وبيتعب جدا وبذات لو من الطفوله انا اتعرضت لنفس دا واكتر وجالي وسواس قهري واضطراب قلق وثقتي ينفسي كانت معدومه تماما مكنتش بقدر اتكلم مع اي حد حالتي كانت زيك واسوا ولاكن انا اتحديت نفسي وقلت لازم اخرج من كل ده وخرجت من سبعين فالميه فالموضوع وبقيت انسان واثق من نفسي جدا اه لسه بعاني من مشاكل ولاكن بحاول اتخطاها انا رايي انت تماسكي الفتره دي لحد ما تخلصي الثانويه وبعدها ابداي جلسات نفسيه الموضوع هيب
تم النشر الخميس، ٨ مايو ٢٠٢٥
كمان مبقتش اثق في حد لاني وثقت في اختي ولقيتها بتقول كل حاجه لماما للعلم انها أكبر مني ب 7سنين يعني مش صغيره فمقدرش اتكلم في جلسات علشان من الصعب بالنسبه ليا ان اثق في حد غير أن في مكاني مفيش حاجه اسمها جلسات وجلسات ليه ما انتي كويسه عاوزه ايه تاني مش مقصرين في حاجه بتطلبي فلوس بتاخديها عاوزه اي تاني 🙂
تم النشر الخميس، ٨ مايو ٢٠٢٥
مش قادرة والله بحاول بس مش عارفه كل شويه بياكدولي اني مش هنجيب في حاجه وان صاحبتي دي ودي هيوصلوا وانا لا وان انا لو تعبت هما مش بيلعبوا علشان في ثانويه مش فاضيين للهبل دا انا مبقاش عندي صحاب خالص بقيت ببعد وهما نتيجه لدا بيبعدوا بحاول اثق في نفسي لكن مش عارفه وصلت لمرحلة خلاص مفيش طاقه اذاكر حتي
تم النشر الخميس، ٨ مايو ٢٠٢٥
صلي وادعي ربنا كتير للاسف كل الاهالي كدا فاقربي من ربنا وادعي كتير
تم النشر الثلاثاء، ٦ مايو ٢٠٢٥
٥ صلوات الأمان والعلاج
تم النشر الاثنين، ٥ مايو ٢٠٢٥
حاولي تفهميهم و تفهميهم. عشان مش مجرد مشكلة ممكن تستمر معاهم حتى بعد الثانوية
تم النشر الاثنين، ٥ مايو ٢٠٢٥
لعرض السؤال في فدني اضغط هنا