انا عندي 18 سنة متقدملي حد بس هو لسا مش فاتح بابا ف الموضوع هو معجب بيا وحابب وجودي وعايز ياخد خطوه رسميه ونا صليت استخارة وارتحتله وحاسة اني بميل ليه لأنه حنين عليا محسسني اني بنته هو عنده 29 سنة السن مش مشكله بالنسبة ليا خالص هو للأسف منفصل وعنده ابن بس لما بفكر بقول ان دي حاجه مش تعيبه خالص احط نفسي مكانه دي مش حاجه تعيب خالص
بس خايفة من نظرة المجمتع لأن كل الي حوليا خوفوني وقالو لا محدش هيوافق علي كده مع اني مرتاحه ومحتجاه يعوضني عن كل الايام الي مريت بيها وكانت وحشه بس المجتمع غريب ونا مش عارفه افكر
اعمل ايه؟
من المجتمع ؟ المصلحه العليا هي مصلحتك وليس المجتمع. اما بالنسبة لنظرة اقرابك لك فهي موش مهمة . المهم انتي رايك اي شايفة اي ؟؟ وكمان ٢٩سنه موش كبير خالص ؟؟ وبالنسبة (ابنه) اكيد ممكن عند أمه يتربي أو العكس عادي مفيش مشكله. لكن المطلوب منك الآتي ؛ عايزك تركزي معاه وتفترضي إن هو موش متجوز قبل كده وموش معاه اولاد ، وتبدأ تدوري فيه علي عيوبه ومميزاته بلاش تركزي دلوقتي علي حاجات موش مهمة ركزي علي شخص نفسه لو هو ممتاز وفيه الخير نتوكل علي الله لكن قولك أن هو حنين دا موش ميزه ، فيه حاجات اهم . ولاهم في الموضوع بداية علاقته مع زوجته السابقة لازم تدريسها كويس جدا جدا من جميع النواحي وهل هو مازل يفكر فيها ؟؟؟ أما لا .. الموضوع محتاج دراسة وليس مجرد عواطف وحب . وليس معني ذلك أن زواج السابق يعيبه أو أن معه اولاد ذلك ليس عيب . فما يعيب الرجل منا واضح وضوح الشمس 🌸
تم النشر الأربعاء، ٦ ديسمبر ٢٠٢٣
انتي لو مؤمنة بنظرة المجتمع يبقى متاخديش الخطوة ديه .. لو انتي قد نظرة المجتمع والكلام اللي ممكن يتقال، ارمي كل ده ورا ضهرك .. تاني شئ، لازم تفكري فيه غض النظر عن انه مطلق، هو ابنه وعلاقته كمان بطليقته .. يعني شوفي العلاقة ما بينهم عامله ازاي؟ هل طليقته ديه كويسة ولا لا؟ يعني فيه ناس بتعمل مشاكل بعد زواج الطرف التاني .. ف انتي لازم تعرفي برضه عن طلقيته شوية معلومات.. بالنسبة لابنه هل انتي فيما بعد هتتقبليه زي ابنك ولا لا؟ بحيث ميحصلش تفرقة ما بين ولادك وابنه.. لو وافقتي عليه مبدئيا .. لازم تسألوا عليه كويس اوي، وتعرفوا سبب الطلاق كان ايه؟ الموضوع ربما محدش يتقبلوا من اهلك، ف متحطيش امل اوي على الموضوع انه يتم، علشان متتعشميش على الفاضي. وكده كده في كل الاحوال اي علاقة برضه متتعشميش فيها اوي وتتعلقي بالطرف التاني، لان طبعا كل شئ مش مضمون. وربنا يوفقك وييسر ليكي الامور
تم النشر الثلاثاء، ٥ ديسمبر ٢٠٢٣
بصي يا اخت انا هجاوبك بوجهة نظري الخاصه حاولي الاول تحبي الامور وتزينيها صح مش عايزه اي حد يطلعك من اللي انتي فيه وخلاص والمهم برضه انك كتتجوزيهوش علشان محسسك انه زي ابوكي ده مش صح ابوكي هو ابوكي مش جوزك لو عندك نقص في احساس الاب متعوضيهوش في جوزك شوفي ابنه برضه هو مرتاحلك ومتقبل وجودك وانتي هتستحمليه ولا لا لان ده هيبقا ابنك بالظبط وانتي مطالبه انك تلبيله كل طلبتاته فكري لما تخلفي هتفضلي ابنك عليه ولا هتعرفي توزني بينهم شوفي واحده تكون اتجوزت واحد عنده عيال واساليها لان صدقيني انا عارف هتتجوزيه واخرك تستحملي ابنه لغاية ما تخلفي بعد كده اهتمامك كله هيروح لابنك انتي اللي من لحمك ودمك فكري كويس علشان متظلميش طفل ملوش ذنب معاكي
تم النشر الثلاثاء، ٥ ديسمبر ٢٠٢٣
بلاش لانك هتندمي في المستقبل كا انك تتجوزي في سن زي ده و انك تتجوزي واحد مطلق و مخلف دا غير السن كببر جدا ومع الوقت هتندمي وعشان انتي اكيد مصممة عليه ف مش شايفة الجانب السلبي شايفة الاجابي بس يعني انتي مش شايفة حاجة احنا شيفنها وبعدين هو مش هيخسر حاجة هيكسب واحده تربي ابنه لأن اكيد مفيش حد يوافق أن يتجوز واحد مطلق ومخلف وبعدين بتقولي ولد يعني اسفة في المستقبل مش هتعرفي تقعدي برحتك في بيتك ف هتضيقي دا غير ان دا مش حب اللي في دماغك دا انتي بتحبي علي أنه بباكي مش بعيب في المطلقين بس مينفعش
تم النشر الثلاثاء، ٥ ديسمبر ٢٠٢٣
انا بأيد المجتمع ف نظرته
تم النشر الأحد، ٣ ديسمبر ٢٠٢٣
لعرض السؤال في فدني اضغط هنا