بصي، إحساسك مفهوم ومش مبالغ فيه، لأن التجاهل بيوجع فعلًا وبيخلّي الواحد يحس إنه مش مهم. بس في نفس الوقت، مش كل موقف بيبقى مقصود، ساعات بيبقى عفوي جدًا من غير نية. وزيادة على كده، أنا كنت شبهك شوية في الموضوع ده، مش لدرجة إني أعيط، بس كنت بتضايق، والحمد لله بحاول أتغلب عليه واحدة واحدة. و حاولي تعملي الحاجات دي.. في اللحظة نفسها، متفترضيـش الأسوأ على طول، ادّي لنفسك تفسير أهدى. لو حد مردّش على كلامك، عادي تعيدي كلامك أو تدخلي في الحوار تاني بثقة. بعد الموقف، متكبّريش الموضوع جواكي، فكّري فيه بشكل منطقي وطلّعيه من دماغك. و متنسيش ان الثقه بالنفس اهم حاجه طبعا و انو مش شرط تعاملك الكويس مع الناس و تقديرك ليهم انهم يعاملوكي بنفس المعامله لان علي حسب كل واحد و تربيته و اتعود علي اي ف لما تدركي دا بتعذريهم و تعرفي ان اللي بتعمليه صح بس متركزيش اوي علي زعل الناس و كدا لان دا بياثر بالسلب ع الشخص علي فكره و انا جربت دا فعلا.. و واحدة واحدة هتحسي إن الموضوع بقى أخف، ومع الوقت هتبقي أهدى في المواقف دي. إنتِ مش مهمشة، إنتِ بس محتاجة تثقي في وجودك أكتر. ان شاء الله ابقي فدتك و لو بحاجه بسيطه.. ربنا يطمن قلبك ويريّح بالك 🤍
@مسك الكعبه بصي يا جميلة، أنا فاهماكي جدًا… خصوصًا لما الموضوع بيكون من ناس قريبة، ده بيبقى تقيل فعلًا. أنا هقولك عن تجربة، أنا كنت بمر بحاجة شبه كده ومكنتش بعرف أعدّي بسهولة… بس في شوية حاجات بدأت أعملها فرقت معايا شوية (مش 100% بس أحسن بكتير): أول حاجة: مبقتش بسكت… لو حد تجاهلني وأنا بتكلم، كنت بقول بهدوء “أنا كنت بسأل” أو أعيد كلامي، ومعاها ببصله بصّة واضحة كده تخليه يحس إنه موقفه مش لطيف. ولو في حد تاني واقف، غالبًا هو كمان بيتحرج. أنا بصراحة مبقتش بسيب نفسي أنا اللي أتحرج، لا… الأولَى هو اللي يحس بده، خصوصًا لو متعمد. وساعات لو حصل موقف شبهه، عادي اردها و اعملها للشخص دا و احسسه بنفس الاحساس اللي سببهولي خصوصا لو حسيت انه بيتعمد كدا و هوا شخص مش مقزب كمان ف ليه م اراردهاش ليه و لو مره بحيث اني اريّح احساسي و ضميري لي...، لما اردله نفس الإحساس بشكل خفيف أبقى ريّحت نفسي إني موصلتش لنفسي إحساس ضعف. تاني حاجة: لو الشخص قريب مني، بحاول أتكلم معاه بهدوء وأفهمه إني مش بحب الأسلوب ده… ولو أنا فعلًا مهمة عنده، هيراعي ده ومش هيكرره. تالت حاجة: بطّلت أرهق نفسي بالتفكير بعد كل موقف، وخفّضت توقعاتي شوية، عشان مش كل الناس بتفكر بنفس طريقتنا ولا عندهم نفس الذوق. وفي الآخر، كل شخص بيختلف حسب الناس اللي حواليه وطبيعتهم… بس أنا حبيت أقولك اللي جربته وفرق معايا شوية، حتى لو مش حل نهائي. إنتي مش غلطانة، بس محتاجة تحافظي على نفسك وإحساسك شوية ، و نسيت اقولك تسلمي ع الدعوات و ربنا يحفظك يا رب و ييسر لك امورك 🤍
تم النشر الجمعة، ١٠ أبريل ٢٠٢٦
شكرا لذوقك وربنا يسعد قلبك وحياتك ويخققلك كل امنياتك كلامك جميل وفادني كتير وال بيطمن ان حضرتك مريت بنفس الاحساس وعارفه شعوري كويس والله حاولت اعمل كدا واحسس نفسي اني غلطانه بس فيه مواقف بتجبرك انك تحسي بنفس الشعور لان فيه ناس ماعدنهاش احساس بمشاعر غيرها والمشكله انهم بيكونوا قريبين ومن دمك وعارفينك اكتر بس بيتجاهلوا كدا ويعملوا ال بيدايقك وللأسف بتتعاملي معاهم مجبره مش بأختيارك
تم النشر الجمعة، ١٠ أبريل ٢٠٢٦
لعرض الإجابة في فدني اضغط هنا