بصي يا بنت الحلال الموضوع فعلا متعب بس الحساسية دي بسبب رغبة في التقدير زيادة شوية لازم تفصلي بين الفعل وقيمتك لو حد ماردش عليكي ده مش معناه إنك مهمشة ده معناه إن تركيزه تشتت أو ذوقه الاجتماعي خانه العيب فيه هو مش فيكي ومتفسريش الموقف على إنه مشكله شخصيه لأن أغلب الناس بيبقوا مركزين في نفسهم بس ولو حسيتي إنك برا الكلام اشغلي نفسك بأي حاجة بمنتهى الثبات مثلا بصي في الفون أو اتحركي من مكانك ودربي عقلك إنك مش لازم تكوني محور الاهتمام طول الوقت عشان الوجع يقل بالتدريج قيمتك جوه نفسك مش في رد فعل الناس على كلامك وما تخليش تصرفات غيرك تحرمك من قعداتك وتضايقك وجد والله ربنا يحفظك ويسعدك
شكر جزيلا على دعوت حضرتك ... ده من ذوقك حضرتك ربنا يحفظك ويسعدك 🌷
تم النشر الجمعة، ١٠ أبريل ٢٠٢٦
امين امين يارب العالمين ربي يسعد قلبك وحياتك يارب وشكرا ع كلام حضرتك المحترم وشكرا ع ذوقك وشكرا ع النصيحه الغاليه ان شاء الله هعمل كدا شكرا وربنا يوفقك ف حياتك ويسعد اوقاتك يارب
تم النشر الجمعة، ١٠ أبريل ٢٠٢٦
اللهم امين اللهم امين..ولكي مثله وزياده ..بصي إنتي بنت ناس ومتربية وعشان كدة فاكرة إن الدنيا كلها ماشية باصولك بس الحقيقة إن اللي بيقل بأصله ده بيعبر عن نفسه هو مش عنك إنتي يعني لما واحدة تتجاهلك أو تعمل مش سامعاكي ده نقص فيها هي وقوة منك إنك لسه محترمة ومحافظة على ذوقك فبدل ما تقولي أنا مش مرغوب فيا قولي البنت دي ذوقها قليل وماتلزمنيش وعادي جدا لما تلاقي حد بيطنشك اقلبي وشك الناحية التانية ببرود ولا كأنك شايفة حد وخليكي إنتي التقيلة اللي كلامها بالوزن ماترميش كلامك لناس مش سامعة ولا تديهم فرصة يقهروا قلبك الرقيق ده إنتي مقامك عالي وماينفعش تنزلي مقامك وتزعلي على ناس معندهاش ريحة الذوق خليكي واثقة إن وجودك منور وأي حد ماياخدش باله يبقى هو اللي خسران فرصة إنه يعرف شخصية محترمة زيك كبري دماغك يا بطلة وعيشي حياتك بالطول والعرض وماتخليش حد يهز شعرة فيكي ربنا يكرمك ويرزقك بالصحبة اللي تشيلك فوق الراس وتعرف قيمتك صح
تم النشر الاثنين، ٦ أبريل ٢٠٢٦
والله عند حضرتك حق بس انا بحس ان ال بيعمل كدا ويشغل نفسه بحاجه ف وجود شخص معاه ده تقليل من الشخص وبحب اقدر الشخص حتي لو مااعرفهوش للأسف تربيتي كدا اني مااقللش من شخص وحتي لو معرفهوش واتكلم معايا مابحبش احرجه او اعمل موقف يجرح الشخص ده حتي لو من غير قصد علشان كدا بزعل اوي وبتدايق لما حد يعمل كدا معايا ومش معني اني بزعل لما الكلام يكون مش موجه ليا انا اوقات بسأل مثلا ومايجاوبش اوقات تانيه بنكون مع بعض بنات وبنتكلم وزمايل بس ممكن بنت تتجاهل وجودي اصلا او تعمل انها م واخده بالها من كلامي بحس اني موجوده ف مكان خطأ ومش مرغوب ف وجودي ده ال بيقهرني والموقف اتكرر كتير اسفه طولت ف الكلام شكرا لخضرتك وربنا يسعد قلبك ويجعلك من اهل الجنه اخي الكريم عصمت
تم النشر الأحد، ٥ أبريل ٢٠٢٦
لعرض الإجابة في فدني اضغط هنا