ما سبب الرغبة في أن أكون ملحوظة من الأولاد وكيف أعالج هذا الأمر؟

Question

الموضوع من عندي من وانا صغيره، دايما نفسي الولاد تشوفني وتعجب بيا ويكلموني وكان نفسي انزل صوري سوشيال عشان ده يحصل بس للاسف مكنش ينفع لاسباب خاصه دي اول حاجة تاني حاجة انا دايما الولد الي بيعجبني بعمل كل حاجة عشان اوصله ولما مبعرفش واشوفه مع حد غيري بتخنق اوي واقول انا اقل ف ايه؟؟ ايه الي ناقص فيا عشان ميبصليش ويبصلها هيا تالت حاجة لما بوصله وبقعد فتره طويله بزهق مبعرفس اتأقلم ببقي عاوزة تجديد اروح لواحد جديد شكله احلي واحسن وده بيخليني اتخنق معرفش اقعد فتره من غير ولد بحس ان في حاجة غلط ولما بسيب واحد لازم يبقي في استبن مستنيني يعوض نقص ده وموضوع اكيد مس حلوه بس عايزة اعرف ده معاناه ايه وايه سببه اصلا وده مرض واسمه ايه؟ وحقيقي كنت بتمني يكون معايا مبلغ اني اروح ل ثيرابيست بس الحمد لله بتمني نصيحه بهدوء

Accepted Answer

بصي يا بنت الناس اللي عندك ده مش مرض ولا حاجة مرعبة ده قلة ثقة بالنفس وفراغ عاطفي وانك رابطة قيمتك ونظرتك لنفسك باعجاب الولاد بيكي وبس انتي عندك جوع رهيب للاهتمام وعشان كدا اول ما ولد بيعجبك وتوصليله اللعبة بتخلص في عينك وتزهقي وتدوري على غيره او تخلي معاكي حد استبن عشان خايفة تواجهي نفسك وتقعدي لوحدك ف لازم تفرملي وتوقفي الدوامة دي خالص وتاخدي هدنة من الارتباط والكلام مع الولاد وتبدأي تشوفي نفسك بعيد عن عيونهم وتملي وقتك بحاجة بجد تنجحي فيها ولما ربنا يكرمك وتتحسن ظروفك المادية روحي لثيرابيست شاطره تساعدك تفهمي الجذور بتاعة المشكلة دي من صغرك وتتخطيها صح ونفخي في صورتك وحبي نفسك زي ما هي لانك مش ناقصة حاجة ومستنية حد يكملها

Answer

مساء الخير دا حضرتك بيبقى قله اهتمام من أهلك وانتي صغيرة وانتي شايفه انك هتلاقي الاهتمام اللي تستحقيه من ولد علشان ك بقيت الولاد اللي زيه لما يشوفك هيقولك كلام حلو و هو بيشات معاكي هيحسسك ب اهتمامه ف علشان كدا انتي دائما عايزة تكلمي ولد ثانيا طبيعي لما تشوفي حد و يكون عجبك و تشوفيه مع واحدة تانية تتضايقي دا عادي اي حد هيضايق و انتي مش اقل من حد لا خالص ممكن هو شايف اني ديه اللي ممكن تفهمه أو شايف اني ديه مناسبة و ديه حاجة مش تعيبك خالص بس حطي ف دماغك أن انتي مش اقل من حد افهمي قيمه نفسك خليكي غالية عند نفسك هتبقي غالية عند الكل ثالثا بقا انك بتزهقي زي ما بتقولي استني بتعرفي حد يكون شبهك و يفهمك و ساعتها مش هتزهقي و مش معنى كدا انك توكسك لا خالص طب بالعقل كدا ليه تكملي مع حد مش حاسه انها شبهك أو مش مرتاحه معاه ف عادي و نقطه أن لازم يكون في واحد استبن ديه علشان الولد هو اللي هيديكي الاهتمام اللي انتي محتاجه

Answer

هو أولا الشباب والبنات كل واحد منهم نفسه أنه يعجب التاني عشان دي شهوة أصلا وغريزة في الإنسان ف تلاقي الولد بيتفزلك وعاوز يظهر نفسه لمجرد أنه شاف بنت قريبه منه عشان يجذب انتباهها وكذالك البنات -زيك- بس ده حرام أصلاً متبقيش عبده للشباب أنتِ عبده لله بس عشان السكه أنتِ وأنا عارفين إنها غلط ومهلكة وهتضيعي فراغك ده والله بعد عن ربنا وراجعي نفسك ولو أنا غلط عرفيني ولو صح برضو عرفيني متزعلش مني هو فعلا الولد ده يستاهل إنك تبيعي ربنا عشانه ؟ جاوبي لو ايوه - مستحيل - بيعيه ربنا غني عن أي حد أنتِ اللي هتلفي وهتدوري وهتحتجيه، ادعي ربنا يرزقك الزوج الصالح لو أنتِ عاوزه، النفس بتحب الشهوات حتى إذا غرقت في هذه الملذات عاوزه حاجة غيرها ما هو كده مثال : تلاقي اللي كان بيشرب السيجارة عاوز يغير ويشرب شيشة ويغير ويروح للمخدرات ،وعارفه عشان أثبتلك حاجة من عظيم النعيم اللي في الجنة إن كل حاجة بتتغير زوجتك اللي من الحور العين تبصلها أول مرة وتبص التانيه تلاقي شكلها اتغير للأحسن والأكل كذالك اللقمة الأولى غير التانيه ف بالله عليك متبعيش ده كله عشان خاطر متعه زائلة ربنا عاوزك عزيزة وغالية وأنتِ خليكي غالية في نظر ربنا .

ما سبب الرغبة في أن أكون ملحوظة من الأولاد وكيف أعالج هذا الأمر؟

نفسية

اجتماعية

ثقة بالنفس

سؤال من احد أعضاء فدني

تم النشر السبت، ٣٠ مايو ٢٠٢٦

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك