من سنتين ونص كدا انا ارتبطت و فضلنا مع بعض سنه و شوية و كانت فعلا اجمل ايام حياتي وكانت اكتر واحدة بحبها ف حياتي و سيبنا بعض بسبب عندها كانت عنيدة جدا و انا مش هقول كراجل بحب كلامي يمشي و كدا بس عندي وجهة نظر أن الحاجة ديه غلط مينفعش تتعمل المهم.. من بعد ما سبتها مع العلم اني كنت قاعد مع ابوها و قارئ معاه الفاتحه من بعد ما سبتها و انا عايز ارتبط تاني عايز ارجع نفس الاحساس اللي كنت بعيشه معاها تاني انا مش زعلان عليها انا بس عايز اعيش نفس الاحساس تاني لدرجه اني دايما بدور على الارتباط اي بنت تعجبني مش ببص أننا ممكن نبقى صحاب بس أو حتى بيست فريند لا انا عايز نرتبط ، بقا هدفي مع معاملتي مع اي بنت تعجبني اني ارتبط ،حاولت كتير اشغل نفسي ب اني التزم بالكلية و التزم بالشغل حتى بليل حتى بنزل الجيم و الحمد لله دائما فاكر ربنا و بصلى و بدعي أن ربنا يقرب ليا بنت الحلال و كنت بحاول اعمل كل حاجة تسحلني علشان يبقا معنديش وقت اني امسك الفون و افكر اني اكلم واحدة بس للاسف دماغي كانت دايما بتسوحني يعني مثلا وانا في الكلية اشوف بنت حلوة لبسها ألوانه متناسقه عيني تطلع قلوب عليها وهكذا ف الشغل و الجيم مش عارف اعمل ايه
تم النشر السبت، ٣٠ مايو ٢٠٢٦
مساء الخير دا حضرتك بيبقى قله اهتمام من أهلك وانتي صغيرة وانتي شايفه انك هتلاقي الاهتمام اللي تستحقيه من ولد علشان ك بقيت الولاد اللي زيه لما يشوفك هيقولك كلام حلو و هو بيشات معاكي هيحسسك ب اهتمامه ف علشان كدا انتي دائما عايزة تكلمي ولد ثانيا طبيعي لما تشوفي حد و يكون عجبك و تشوفيه مع واحدة تانية تتضايقي دا عادي اي حد هيضايق و انتي مش اقل من حد لا خالص ممكن هو شايف اني ديه اللي ممكن تفهمه أو شايف اني ديه مناسبة و ديه حاجة مش تعيبك خالص بس حطي ف دماغك أن انتي مش اقل من حد افهمي قيمه نفسك خليكي غالية عند نفسك هتبقي غالية عند الكل ثالثا بقا انك بتزهقي زي ما بتقولي استني بتعرفي حد يكون شبهك و يفهمك و ساعتها مش هتزهقي و مش معنى كدا انك توكسك لا خالص طب بالعقل كدا ليه تكملي مع حد مش حاسه انها شبهك أو مش مرتاحه معاه ف عادي و نقطه أن لازم يكون في واحد استبن ديه علشان الولد هو اللي هيديكي الاهتمام اللي انتي محتاجه
تم النشر السبت، ٣٠ مايو ٢٠٢٦
طب ما تفكري تخلي تعيشي الخيال دا في أرض الواقع مع صحابك مثلا يعني شوفي عايزة تعملي ايه و ف وقت فراغك اعمليه و خدي صور كتير علشان تحسي انك فعلا عملتي اللي نفسك فيه أو اللي جه ف بالك و حاولي اللي يجي في خيالك يكون شئ ممكن تحققيه في ارض الواقع
تم النشر الخميس، ٢٨ مايو ٢٠٢٦
مشكتلك نفس مشكلتي احنا بنعاني مفيش الاهتمام اللي انتي تستحقيه انتي دائما مع اللي حواليكي بتسمعيهم و تحاول تساعدي لو في أيديك حاجة تعمليها حتى لو هتيجي على نفسك علشانهم و و تيجي عندك انتي لما تحكي حاجة مضيقاكي أو موقف حصل حابة تحكي يقولو عليكي تافه أو لسه دماغك صغيرة علشان أنا كمان واجهت نفس المشكله ديه و كان بيتقالي الكلام دا معرفش ليه انا اصغر واحد ف اخواتي بس انا سني مش صغير 21 سنة مش صغر بس الموضوع دا لاقيتله حل مؤقت اني احاول اشغل وقتي يعني مثلا اروح الجيم اقرأ كتاب معين اتعلمت مسيبش نفسي لدماغي علشان مفيش غيري بيتعب والله كنت فاكر انا بس اللي عندي المشكله ديه
تم النشر الأربعاء، ٢٧ مايو ٢٠٢٦
اللي انتي عملتيه دا كان صح ،وانتي حاولي تشغلي يومك بحاجة مفيدة أو بحاجة انتي بتحبي تعمليها تلهيكي عن التفكير فيه و استنى يمكن ربنا شيلك الخير قدام و هو لو عايزك بجد زي ما بيقول هيسعى علشان يكون نفسه و يجي يتقدملك
تم النشر الثلاثاء، ٢٦ مايو ٢٠٢٦
وعليكم السلام ورحمه الله وبركاته ،اولا حاولي تشغلي وقت فراغك بحاجة تانية اهم و تكون مفيدة ممكن مثلا الصبح تنزلي جيم و لما ترجع تصلي و تذاكري لو انتي بتدرسي و تقرأي قرأن و لو عندك اي هواية ممكن تعمليها زي الرسم تقرأي كتب ،يعني حاولي تستثمري وقت في حاجة مفيدة
تم النشر الثلاثاء، ٢٦ مايو ٢٠٢٦
انا عارف الموضوع عامل ازاي لاني بعاني تقريبا من نفس مشكلتك حاولتي انتي تشغلي على نفسك بحاجة تبعدك عن التفكير دا
تم النشر السبت، ٣٠ مايو ٢٠٢٦
انتي لسه صغيرة ف طبيعي جدا تكوني بدوري على الاهتمام
تم النشر السبت، ٣٠ مايو ٢٠٢٦
انتي عندك كام سنه
تم النشر السبت، ٣٠ مايو ٢٠٢٦
حاولي متتفرجيش على الافلام و مسلسلات كتير ي مرام و زي ما بقولك شوفي ايه اللي بيجي في دماغك و اعمليه
تم النشر الجمعة، ٢٩ مايو ٢٠٢٦
انتي عندك كام سنه
تم النشر الجمعة، ٢٩ مايو ٢٠٢٦
جربي تعملي حاجة جديدة زي مثلا روح أماكن جديدة جربي تنزلي الجيم جربي هوايا جديدة ارسمي مثلا طلعي طاقتك السلبية ف حاجة
تم النشر الأربعاء، ٢٧ مايو ٢٠٢٦
انتي عندك كام سنه
تم النشر الأربعاء، ٢٧ مايو ٢٠٢٦
لعرض الملف الشخصي في فدني اضغط هنا