تخيل تبقي كل وقتك بتسرح في السماء وكل تفكيرك في شخص انت كنت بتحبو وبعد عنك ومش مديك اي فرصة انك تقرب منو بقيت مستني اللحظة الي ممكن يدخل يكلمني فيها بقيت بتسحب تدريجا حياتي بقت قهوة وتدخين وتفكير في الشخص ده مع اني ناجح في شغلي وتعليمي بس حاسس ان حاجة جوايا ناقصاني المشكلة انو مش مديك اي فرصة انك تكلمو تقابلو او حتي تبص عليه من بعيد مع انو قال في الاول انو بيحبك وهيفضل جنمبك انا حرفيا تعبان مش عارف اوصلو شعوري ازاي ولا اطلع من دوامة التفكير الي انا فيها
أكثر الطرق فاعلية للتخلص من التعلق المؤذي هو استبدال ما تم فقدانه بشيء يمتلك نفس قوة التأثير، بمعنى أن إذا كان هناك شخص متعلق بشخص اخر ويرغب في الابتعاد عنه، عليه بحشو الممرات العصبية والعاطفية بعدة ممارسات واعمال يلهي بها عقله وتفكيره، و القراءة وممارسة الهوايات أو حتى معرفة اشخاص اخرين قد يجعل الشخص في حالة هدوء نسبي خاصة لو تم معرفة الشخص بشخص أخر على نفس القوة والقرب من قلبه. استغلال 10 دقائق قبل خلوده للنوم بشرب كوب ماء مع التنفس العميق وتتكرر لثلاثة مرات وتسمى بالتنفس التفريغي للتخلص من المشاعر والطاقة السلبية وهي تعتمد على الشهيق والزفير ببطء، على الشخص قبل خلوده للنوم تذكر النِعم التي انعم الله عليه بها، وتجنب تذكر الاحداث السيئة والأشخاص الذين تعلق بهم، و أن من الممكن كتابة المشاعر السلبية في أحد الأوراق وما ترتب عليها حتى يتجنب تماماً تكرار الفعل، وتعتبر كشف الحقيقة بالورقة والقلم
تم النشر الخميس، ٢٧ يوليو ٢٠٢٣
احساس لطيف عامل زى ما تكون فى البحر وسيبت الميه تشيلك وغمضت عينك عشان تستمتع ...والميه شايلاك وانت مش حاسس لحد ما دخلتك فى الغريق اول ما هتنزل رجلك ومش هتلاقى الارض هتتخض ....انت مخضوض بس عشان مش لاقى الارض تفتكر وانت فى وسط البحر محتاج ايه غير انك تعوم تانى فى اتجاه الشط الاحساس الحلو خلص ودلوقتى محتاج ترجع للارض ,,,يبقى يلا عوم واوصل للشط عشان تستمتع بالبحر تانى بس المره الجايه هتعمل حسابك متسيبش نفسك اوى العوم هو عبارة عن مقاومة منك لكل اللى هيحاو يشدك ويغرقك ....حركات كلها بتزق اللى هيغرقك لورا وتزق جسمك انت لقدام صلاة بقى ...تواصل مع ناس بيحبوك فعلا ...اتعلم حاجة جديدة فى شغلك زق وراك اللى هيغرق واتحداه وقوله لا انا مش عاوز اغرق ( الذكريات - القهوة الكتير - السجاير - الطرق على باب مقفول بقفل ملوش مفتاح )
تم النشر الاثنين، ٤ سبتمبر ٢٠٢٣
لو الشخص ده بالرغم من انه قالك انه هيفضل جمبك وبرضه مشي .. يبقى الافضل كمان انك تفوق لنفسك ومتفكرش فيه .. طبعا هو صعب في الاول ولكن حاول بالتدريج تخرج من الدايرة اللي انت فيها ديه بحاجات ممكن تعملها. اولا بطل تتابع الشخص ده تماما .. واعمل ان فولو لكل حاجه او بلوك .. انزل من الصومعة اللي انت فيها وانزل للعالم وابدأ اتعامل مع الناس .. روح انشطة تطوعية مثلا او العب رياضة اول لما تلاقيها جت في بالك .. ياريت تحاول تكتب كل اللي جواك ناحيتها .. الكتابة هتساعدك كتير في المرحلة ديه .. متحاولش تتجاهل اي فكرة .. واكتبها وفكر ازاي تعالجها وتتعامل معاها .. متحاولش تكبت مشاعرك لانها كده كده هيجي عليها وقت وهتنفجر .. فحاول تفرغها اول بأول. اتمنى ليك السلامة
تم النشر الخميس، ٢٧ يوليو ٢٠٢٣
انا لو مكانك هنسى الشخص ده علشان لو حصل وادانى فرصه عمرى ما هنسى اللى كنت فيه بسببه وهو ولا مهتم وعلى فكره ربنا بيعوض جامد اوووى يعنى انا مثلا كنت بحب شخص انا روحى فيه بجد وكنت ليل ونهار بعيط علشانه لمده سناتين وعمرى ما بطلت تفكير فيه وفى الوعود بتاعته ودلوقتى خطيبى برقبته واكتشفت ان هو كان فيه عيوب كتيييييره جدا بس انا كنت مغيبه بسبب حبى ليه وعلى فكره انا بعد اللى حصل ده كنت مستحيل ارتبط بس انا نسيتو وبقيت بلعب رياضه وانزل الجيم كتير واكون صدقات جديده وحاجات كتيره اوووى واتمنى بجد انك تتخطى الموضوع زى وربنا يرزقك باللى يقدر حبك ويحبك وعمرو ما يبعد عنك💖💖
تم النشر الخميس، ٢٧ يوليو ٢٠٢٣
العفو على ايه 💙🤍
تم النشر الخميس، ٢٧ يوليو ٢٠٢٣
اشكرك جدا ي صديقي 3>
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا