السلام عليكم، خلينا اول اشي شوي شوي نحكي بكل نقطة حكيتيها وبالترتيب، بدي ارتب الافكار اولا♡ قلتي انه تم تشخصيك بالفصام؛ وهو اضطراب معروف انه الشخص بسمع هلوسات او اشخاص الي بيقلولي شو يعمل وبأي ترتيب يعملو وكل هاي الأمور؛ ومع الاسف في حالات معقدة فيه... بس حسب كتابتك انا كيف شايفة انه انت واعية للواقع اكثر، وممكن كان عندك بدرجة خفيفة. فكرة انك واعية للواقع، وعندك رغبة انه تعيشي حياتك وبتعملي نظام عشان ترتبي امورك، هي فكرة بتدل انه وضعك احسن الحمد لله. □ والطريق الي حاليا بتفكري فيها بإنه تتركي العادة وتتقربي من ربنا هي الفكرة الي رح تحسنلك كل حياتك وتقلبها للأحسن. خلينا نعمل برنامج بس ما بدنا يكون برنامح للزواج بس، هو برنامج للقرب من ربنا، لما نتقرب من ربنا كل اشي بيتغير، تفكيرنا ، حالتنا الصحية، حالتنا المادية ، كلو ربنا قادر انه يغيرو... احنا مش دائما منقدر نسيطر على الأمور، لاننا بشر والانسان ضعيف، فما تزعلي لما تعملي برنامج وما يزبط بالطريقة الي كتبتيه. لازم نفهم انه كل القوة والتدبير بيد الله ، فمن المنطق نتوجه لله صح؟ بالطريقة الي بيحبها. ولما نتقرب لربنا وندعيه لازم نوقن بالاجابة وهو بستجيب سبحانه. □ اذا عم بتتابعي مع اخصائية نفسية الي بتعطيكي الدواء، بدي تطلبي منها انه تعطيكي برنامج لتخفيف الدواء لحد لما تقدري تقطعيه بشكل نهائي. بس الطبيبة النفسية ما في بايدها اشي، كلو بايد ربنا. لهيك بهاي الأثناء تقربي من ربنا ، مثلا : ١. داومي على الصلوات بوقتها ٢. اقرئي سورة البقرة كل يوم ٣. قومي الليل بالثلث الاخير وادعي ربنا واشكيلو بكل اشي عم بتحسي فيو، ودائما اسألي ربنا العافية ٤. استغفري الله كثير كثير، كل يوم اعملي ورد استغفار. وبإذن الله بتتحسن نفسيتك، صحتك، وكمان بتتزوجي بالوقت الي ربنا بيشوف انه مناسب (ويمكن يكون قريب جدا) بس انت استغلي رغبتك بتحسين حياتك واعملي الامور الي قلتلك عنها طهور ان شاء الله
لعرض الإجابة في فدني اضغط هنا