انا من وانا صغيرة عندي حاله من عدم الوعي يعني بحس اني بحلم او ان انا بتفرج علي يومي كانه فيلم واحيانا بحس اني مش حقيقيه وفي اوقات كتير بلخبط ما بين اللي بيحصل في يومي والاحلام اللي بحلمها
انا كده من وانا عندي تقريبا سبع سنين ولما بحثت عن الحوار ده طلع انه من اعراض مرض نفسي مش فاكره اسمه بس طبعا مش هشخص نفسي كده وخلاص من غير حد خبير
دورت كتير جدا علي النت يمكن الاقي حد زيي بس بجد كل ما اسأل حد يقولي انه الكلام ده مش مذكور في كتب او يفتكروني بخرف بس ده فعلا بيحصل كل يوم، انا ببقي صاحيه ب العشرين ساعه ومش بفتكر اي حاجه منها واحيانا لما حد بيجي يسألني علي حاجه حصل في يومي بتنح ومش بفتكر
بقيت بنسي بشكل مش طبيعي، مش بنسي حاجات بسيطه ممكن الومها علي مناعتي الضعيفه. انا وصلت لدرجه اني نسيت معاد امتحاني ومرحتش، بنسي اسامي قرايبي اللي بشوفهم كتير واحيانا بنسي حطيت الحاجه فين وتفضل ضايعه بالشهور
معرفش ده فعلا حاجه احتاج اني اروح للدكتور عشانها بس هو انا اصلا مش هقدر اوفر مصاريف الجلسات، بسبب اسباب ماديه وظروف تانيه. معلش ان انا طولت بس بجد الحوار ده مأثر علي كل جزء في حياتي بدون استثناء
أنا آسفة جداً إنك بتمري بكل ده، وأقدر إن الإحساس ده بيخليكِ تشعري بالعزلة والإحباط، خاصة إن الموضوع مستمر من سنين ومأثر على كل جوانب حياتك. اللي بتصفيه من عدم الإحساس بالواقع، الخلط بين الأحلام واليوميات، ومشاكل الذاكرة الشديدة دي أعراض حقيقية بتأثر على الوعي والتركيز، ومن المهم الاعتراف بيها بدون ما نقلل منها. بما إنك مش قادرة على تكاليف الجلسات حالياً، ركزي على خطوات عملية يومية تساعدكِ في السيطرة على الذاكرة والإحساس بالواقع. مثلاً، استخدمي مذكرة أو تطبيق بسيط لتسجيل الأحداث اليومية فور حدوثها، حتى لو باختصار، عشان تقللي الخلط وتسترجعي التفاصيل بسهولة. حاولي كمان تنظمي روتين ثابت للنوم والأكل والأنشطة البسيطة، لأن الاستقرار ده بيساعد الدماغ على التمييز بين الواقع والأحلام. لو قدرتِ تبحثي عن عيادات نفسية حكومية أو خدمات مجانية في منطقتكِ، ده هيكون خطوة أولى مهمة بدون تكلفة كبيرة. أنتِ مش لوحدكِ في الشعور ده، وكتير من الناس بيواجهوا تحديات مشابهة ويقدر يحسنوا حالتهم بالدعم المناسب. ابحثي عن أسئلة مشابهة على فدني عشان تشوفي تجارب أخرى، ولو قدرتِ تتواصلي مع طبيب حتى لو مرة واحدة للتقييم الأولي هيساعدكِ كتير. أنتِ قوية لأنكِ بتتكلمي عن الموضوع دلوقتي، وده بداية إيجابية.
تم النشر الأربعاء، ١ يوليو ٢٠٢٦
حوار انك تحسي انك فجاه كانك مش عايشه و بتتفرجي علي يومك انتِ وصفتي اللي عندي بالظبط علي فكره د غير ساعات مثلا لما يحصل مشكله بلاقي دماغي بتفكر كانها ممكن ترجع بالزمن و دا ميحصلش 🙂. اطمني انتي مش لوحدك انا حرفيا اول مره الاقي حد عنده نفس الحاجه دي لان اصلا مكنتش مصدقاها.بس حوار النسيان اغلبنا ساعات بننسي بس بصراحه عندك زياده شويه الموضوع دا و بلاش تستخسري فيه عشان ميزيدش اكتر حاولي معلش قدر المستطاع تشوفي دكتور و ان شاء الله حد يفيدك هنا 🤍
تم النشر الأربعاء، ١ يوليو ٢٠٢٦
لعرض السؤال في فدني اضغط هنا