كيف يعيش الانسان في هذا الزمان

Question

سلام عليكم عامل اي الموضع ببساطه أن الحمد لله الواحد بيحاول يقرب من ربنا علي اقد ميقدر ويعيش بسنة النبي ويتبع الي ربنا والنبي علمونا عليه الحمد لله علي كل حاجه ودائما راضي بالمكتوب بس مشكلتي اني متربي في عالم غير العالم متربي علي الاحترام والتقدير والمحافظة علي مشاعر الغير وعارف اني ربنا خلقنا كلنا لسبب بس المشكلة مش هنا المشكلة أن الناس بقت من احسن لااسواء ولو 10 كويسين في 100 لا الوحده مبقاش عارف يتعامل مع حد بخاطر نية معظم الناس تشغيل الدماغ عندها الله اكبر يعني مثلا انا ليا واحد صحبي احنا يعتبر أكثر من الاخوات من فترة كان عايز يتجوز اختي وحصل عدم توافق من سعتها بقت المعمله بنا يعتبر منعدمه ومافيش تلفونات ولا اي حاجه بس ف لم حسيت كد في بنا رابط اني انا بزرهم بشكل شهري عشان في بين اهلي واهلو ترابط فا عشان انا الرابط الوحيد بعد ولدي بروح اتعامل عشان السن وكد ف روحت اخر مرة دخلت بيتو وانا بيتو بنسبة ليه لكني أعقد في بيتي تمام بس عتبوتو واتكلمنا وإذ انت زعلان مني اقولي ونتكلم نتعاب اقالي لا بس طبعا المعامله مافيش ومافيش كلام بكلمو سعات ومقسر في حقو بس هو مافيش اي حاجه ول كلام ول اي حاجه وانا الموضع الصراحة مقصر فيه عشان بجد يعتبر اخ بس طبعا المهملة لما نشوف بعض اخويا وصحبي وكلام ول اكننا كنا مع بعض امبارح وغير كد انا مش بحب جو ارض النفاق ده بس الدنيا دي مش احسن حاجه فا الواحد مش عارف يعمل اي يقسم الناس اربع تربع ويتعامل في الربع الي ريح ومني بعملك ويضحك في وشك وانا جويا حجات كثير مزعلني منك ول أعتاب وكلم الليل مدهون بزبده وغير الواحد بقا بيتحط في موقف كثير تجبرو اني يتقبل الي أقدموا علي اي وضع ولازم طبعا وش الحلو يطلع ويلغي وسعات الوش الوحش يطلع يضرب اقلم كد يفوق ف اي واسف علي الإطالة

Accepted Answer

انا افتكرت الحديث ده وقد روى أبو داود وغيره عن رسول الله قال: أحبب حبيبك هونا ما عسى أن يكون بغيضك يوما ما، وأبغض بغيضك هونا ما عسى أن يكون حبيبك يوما ما. صححه الألباني . بحسه من القواعد اللى تريحنا فى التعامل عموما مع البشر البشر مش قوالب والنفوس تتقلب من حال الى حال .. المهم ان الواحد يحافظ على نفسه متتقلبش لدر جة انها تفجر او تخرج للشتات ,,,طالما احنا فى المساحة الامنة يبقى تمام ان شاءالله . انا اعتقد والله اعلم واهل العلم يفقهوا اكتر منى طبعا ...اننا فى الزمن اللى ذكر فيه في رواية الترمذي:  يأتي على الناس زمان الصابر فيهم على دينه كالقابض على الجمر. وصححه الألباني. قال العلماء: وذلك لكثرة الفساد والفتن والمغريات وقلة الأعوان على الطاعة، ولمشقة التمسك بالدين واتباع السنة يكون الملتزم بدينه كالقابض على الجمر أو الشوك. فانت لما تلاقى نفسك ماسك فى الاصو والحق هتحس انك فى مشقة لان اغلب اللى حواليك مش بيتعاملوا زيك وده طبعا بينتج منه سوء تقدير كتير. متدخلش بقى دوامة ( هما اللى صح ولا انا ) ...واستمسك بما انت نشأت عليه من صلاح واصول ..

Answer

حاول تقعد معاه قعده كده صراحه، قوله على اللي جواك، وقوله انك محتاج تسمع رأيه بصراحه ومش هتزعل. قوله حابب صداقتنا تكمل ولا لا؟ لاني حاسس انك بتبعد ومبقناش زي الازل بسبب اخر موضوع (اخت حضرتك). ف قوله مهما كان رايك انا هتقبله بس المهم تبقى صريح معايا، لاني مش حابب برضه ابقى تقيل عليك، او انك تكون مش حابب صداقتنا تكمل. حاول تعمل كده ,, وشوف رده عليك. ف الحقيقة مفيش احسن من الكلام الصريح .. ف كل حاجه. علشان تسهل المواضيع ع نفسك. وبالنسبة للزمان اللي عايشين فيه، سهل الموضوع كمان ع نفسك، واتعامل بالحلو اللي ف الشخص طالما انه مض مضر ليك ولا بيأذيك.

Answer

اولاً احمد ربنا انك خسرته لأنه ماعملش حساب للعشرة. و افتكر الرسول عليه الصلاة و السلام قال المسلم من سَلِم الناس من لسانه و يده؛ فأنت قدامك تبقى مسلم بحق او تبقى مسلم على البطاقة زى بقاية الناس... اعتقد رسالتى واصلة! كن كيّس فطن مع الناس و ماتنساش "ان بعض الظن اثم" الله سبحانه قال بعض و ماقلش كل!

كيف يعيش الانسان في هذا الزمان

اجتماعية

نفسية

سؤال من Mohamed el

تم النشر الخميس، ٧ سبتمبر ٢٠٢٣

3 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك